ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನ ತಂಡ ಟೀಂ ಇಂಡಿಯಾ ವಿರುದ್ಧ ಸೋತಾಗಲೆಲ್ಲಾ ಅಲ್ಲಿನ ಅಭಿಮಾನಿಗಳು ತಮ್ಮ ಮನೆಯ ಟಿವಿಯನ್ನು ಧ್ವಂಸಗೈದು ತಮ್ಮ ಅಸಹನೆಯನ್ನು ತೋರ್ಪಡಿಸುತ್ತಿದ್ದರು. ಇದೀಗ ಇದೇ ಸಂಸ್ಕೃತಿ ಬೆಂಗಳೂರಿಗೂ ಕಾಲಿಟ್ಟಿದೆ.
ಹೌದು, ಸದ್ಯ ಐಪಿಎಲ್ ಟೂರ್ನಿಯಲ್ಲಿ ಆರ್ಸಿಬಿ ತಂಡ ಸತತ 6 ಪಂದ್ಯಗಳಿಂದ ಪಂದ್ಯ ಸೋತು ತೀವ್ರ ನಿರಾಸೆ ಮೂಡಿಸಿದೆ. ಇದರಿಂದ ಬೇರಸಗೊಂಡ ಕೆಲ ಆರ್ಸಿಬಿ ಅಭಿಮಾನಿಗಳು ತಮ್ಮ ಮನೆಯಲ್ಲಿನ ಟಿವಿಯನ್ನು ಪುಡಿಗೈದು ತಮ್ಮ ಅಸಹನೆಯನ್ನು ಹೊರ ಹಾಕಿದ್ದು ಈ ವಿಡಿಯೋ ಇದೀಗ ವೈರಲ್ ಆಗಿದೆ.
ಪಾನಮತ್ತರಾಗಿದ್ದ ಅಭಿಮಾನಿಗೆ ಮತ್ತೊಬ್ಬ ಯುವಕ ಆರ್ಸಿಬಿಗೆ ಸೋಲಿಗೆ ನೀನು ಈ ಟಿವಿಯನ್ನು ಹೊಡೆದು ಹಾಕಬೇಕು. ಇಲ್ಲದಿದ್ದರೆ ಇದು ನಾಚಿಕೆ ವಿಷಯ ಎಂದು ಹೇಳುತ್ತಾನೆ ಇದರಿಂದ ಆಕ್ರೋಶಗೊಂಡ ಅಭಿಮಾನಿ ಟಿವಿಯನ್ನು ಹೊಡೆದು ಹಾಕುತ್ತಾನೆ. ಒಂದೇ ಆರ್ಸಿಬಿ ತಂಡ ಸತತ ಸೋಲು ಕಾಣುತ್ತಿದ್ದರೂ ಸಹ ಅಭಿಮಾನಿಗಳು ಮಾತ್ರ ನಮ್ಮ ಬೆಂಬಲ ನಿಮಗೆ ಎಂದು ಟ್ವೀಟ್ ಮಾಡುತ್ತಿದ್ದಾರೆ.
