ಐಪಿಎಲ್ ಇತಿಹಾಸದಲ್ಲೇ ಮೊದಲು: ಸೂಪರ್ ಓವರ್ ಗಳ 'ಸೂಪರ್ ಸಂಡೆ', ವಿಡಿಯೋಗಳು!

ದುಬೈ: ಇಂಡಿಯನ್ ಪ್ರೀಮಿಯಲ್ ಲೀಗ್ ಇತಿಹಾಸದಲ್ಲಿ ಮೊದಲ ಬಾರಿಗೆ ಎರಡು ಪಂದ್ಯಗಳ ನಡುವೆ ಮೂರು ಸೂಪರ್ ಓವರ್ ಗಳು ನಡೆದ ಅಪರೂಪದ ಘಟನೆಗೆ ಅಕ್ಟೋಬರ್ 18ರ ಭಾನುವಾರ ಸಾಕ್ಷಿಯಾಯಿತು.

ಡಬಲ್ ಹೆಡರ್ ಮೊದಲ ಪಂದ್ಯದಲ್ಲಿ ಕೋಲ್ಕೊತಾ ನೈಟ್ ರೈಡರ್ಸ್ ತಂಡ ಮೊದಲ ಸೂಪರ್ ಓವರ್ ಮೂಲಕ ಸನ್ ರೈಸರ್ಸ್ ಹೈದರಾಬಾದ್ ತಂಡವನ್ನು ಮಣಿಸಿದರೆ, ಕಿಂಗ್ಸ್ ಇಲೆವೆನ್ ಪಂಜಾಬ್ ಮತ್ತು ಮುಂಬಯಿ ಇಂಡಿಯನ್ಸ್ ನಡುವಿನ ದ್ವಿತೀಯ ಪಂದ್ಯ ಎರಡು ಸೂಪರ್ ಓವರ್ ಗಳಿಗೆ ಸಾಕ್ಷಿಯಾಯಿತು. 

ಕೋಲ್ಕೊತಾ ಮತ್ತು ಹೈದರಾಬಾದ್ ತಂಡದ ಸೂಪರ್ ಓವರ್ ರೋಚಕತೆಯನ್ನು ಕಣ್ತುಂಬಿಸಿಕೊಂಡಿದ್ದ ಅಭಿಮಾನಿಗಳಿಗೆ ಪಂಜಾಬ್ ಮತ್ತು ಮುಂಬಯಿ ನಡುವಿನ ಎರಡು ಸೂಪರ್ ಓವರ್ ಗಳು ರೋಚಕತೆಯ ಜತೆಗೆ ಗೊಂದಲವನ್ನು ಮೂಡಿಸಿತು. ಕಾರಣ ಒಂದೇ ಪಂದ್ಯದಲ್ಲಿ ಎರಡೆರಡು ಸೂಪರ್ ಓವರ್.