ICC Cricket World Cup 2023: ಪಾಕ್ ವಿರುದ್ಧ ರಚಿನ್ ರವೀಂದ್ರ ಶತಕ, ಸಚಿನ್ ರೆಕಾರ್ಡ್ ಸೇರಿ ಹಲವು ದಾಖಲೆ ಧೂಳಿಪಟ

ಬೆಂಗಳೂರು: ಹಾಲಿ ಐಸಿಸಿ ಕ್ರಿಕೆಟ್ ವಿಶ್ವಕಪ್ ಟೂರ್ನಿಯ ಇಂದಿನ ಪಾಕಿಸ್ತಾನದ ವಿರುದ್ಧದ ಪಂದ್ಯದಲ್ಲಿ ಭರ್ಜರಿ ಬ್ಯಾಟಿಂಗ್ ನಡೆಸಿದ ಕರ್ನಾಟಕ ಮೂಲದ ನ್ಯೂಜಿಲ್ಯಾಂಡ್ ತಂಡದ ಯುವ ಆಟಗಾರ ರಚೀನ್ ರವೀಂದ್ರ(Rachin Ravindra) ಶತಕ ಸಿಡಿಸಿ ಸಚಿನ್ ತೆಂಡೂಲ್ಕರ್ (Sachin Tendulkar)​ ದಾಖಲೆ ಸೇರಿದಂತೆ ಹಲವು ದಾಖಲೆಗಳನ್ನು ಹಿಂದಿಕ್ಕಿದ್ದಾರೆ.

ಹೌದು.. ಪಾಕಿಸ್ತಾನ ವಿರುದ್ಧ ಕೇವಲ 94 ಎಸೆತಗಳಲ್ಲಿ 108ರನ್ ಸಿಡಿಸಿದ ರಚಿನ್ ರವೀಂದ್ರ ತಮ್ಮ ಈ ಅಮೋಘ ಶತಕದ ಮೂಲಕ ಭಾರತದ ಕ್ರಿಕೆಟ್​ ದಂತಕಥೆ ಸಚಿನ್ ತೆಂಡೂಲ್ಕರ್(Sachin Tendulkar)​ ದಾಖಲೆ ಸೇರಿ ಹಲವರ ದಾಖಲೆಯನ್ನು ಮುರಿದಿದ್ದಾರೆ. ಇದು ರಚೀನ್​ ಅವರ ಚೊಚ್ಚಲ ವಿಶ್ವಕಪ್​ ಟೂರ್ನಿಯಾಗಿದ್ದು, ಇಂದಿನ ಶತಕವೂ ಸೇರಿದಂತೆ ರಚಿನ್ ಇಲ್ಲಿ ಮೂರು ಶತಕ ಬಾರಿಸಿದ ಸಾಧನೆ ಮಾಡಿದ್ದಾರೆ.

ಇದನ್ನೂ ಓದಿ: ICC Cricket World Cup 2023: ಬೌಲರ್ ಗಳ ಬೆಂಡೆತ್ತಿದ ನ್ಯೂಜಿಲೆಂಡ್, ಶಾಹೀನ್ ಅಫ್ರಿದಿ ಸೇರಿ ಪಾಕ್ ಬೌಲರ್ ಗಳ ಹೀನಾಯ ದಾಖಲೆ

ಸಚಿನ್​ ದಾಖಲೆ ಪತನ
ರಚಿನ್ ಶತಕ ಬಾರಿಸುವ ಮೂಲಕ ಟೀಮ್​ ಇಂಡಿಯಾದ ಮಾಜಿ ಆಟಗಾರ ಸಚಿನ್​ ತೆಂಡೂಲ್ಕರ್​ ಅವರ ವಿಶ್ವಕಪ್​ನ ದಾಖಲೆಯೊಂದನ್ನು ಮುರಿದರು. ಅತಿ ಕಿರಿಯ ವಯಸ್ಸಿನಲ್ಲಿ ವಿಶ್ವಕಪ್ ಟೂರ್ನಿಯಲ್ಲಿ 3 ಶತಕ ಬಾರಿಸಿದ ಆಟಗಾರ ಎಂಬ ಕೀರ್ತಿಗೆ ರಚಿನ್ ಭಾಜನರಾಗಿದ್ದಾರೆ. ಈ ಹಿಂದೆ ಸಚಿನ್​ ತೆಂಡೂಲ್ಕರ್ ಅವರು 1996 ವಿಶ್ವಕಪ್​ ಟೂರ್ನಿಯಲ್ಲಿ 2 ಶತಕ ಬಾರಿಸಿದ್ದರು. ಈ ದಾಖಲೆಯನ್ನು ರಚಿನ್​ ಅವರು ಕಳೆದ ಆಸೀಸ್​ ವಿರುದ್ಧದ ಪಂದ್ಯದಲ್ಲಿ ಶತಕ ಬಾರಿಸಿ ಸರಿಗಟ್ಟಿದ್ದರು. ಇದೀಗ ಪಾಕ್​ ವಿರುದ್ಧ ಶತಕ ಬಾರಿಸಿ ಸಚಿನ್​ ಅವರನ್ನು ಹಿಂದಿಕ್ಕಿದ್ದಾರೆ. ಉಭಯ ಆಟಗಾರರು ಈ ದಾಖಲೆಯನ್ನು ತಮ್ಮ 23ನೇ ವರ್ಷದಲ್ಲಿ ಮಾಡಿದ್ದಾರೆ.

ಸಚಿನ್​ ವಿಶ್ವಕಪ್​ ರನ್​ ದಾಖಲೆ ಸರಿಗಟ್ಟಿದ ರಚಿನ್​
ಇದೊಂದೇ ಅಲ್ಲ.. ರಚಿನ್ 25 ವರ್ಷದ ಒಳಗೆ ವಿಶ್ವಕಪ್​ ಆವೃತ್ತಿಯಲ್ಲಿ ಅತಿ ಹೆಚ್ಚು ರನ್​ ಗಳಿಸಿದ ಸಚಿನ್​ ತೆಂಡೂಲ್ಕರ್ ಅವರ ದಾಖಲೆಯನ್ನೂ ಕೂಡ ಸರಿಗಟ್ಟಿದ್ದಾರೆ. ಸಚಿನ್ ತೆಂಡೂಲ್ಕರ್​ ಅವರು 1996ರ ವಿಶ್ವಕಪ್​ ಟೂರ್ನಿಯಲ್ಲಿ 523 ರನ್​ ಬಾರಿಸಿದ್ದರು. ಸದ್ಯ ರಚಿನ್ ಕೂಡ 523* ರನ್​ ಬಾರಿಸಿ ಈ ದಾಖಲೆ ಸರಿಗಟ್ಟಿದ್ದಾರೆ. ಮುಂದಿನ ಪಂದ್ಯದಲ್ಲಿ ಕೇವಲ ಒಂದು ರನ್​ ಗಳಿಸಿದರೂ ಸಚಿನ್​ ರ ಈ ದಾಖಲೆ ಪತನಗೊಳ್ಳಲಿದೆ.

Most runs in a single WC edition before turning 25
523 - Rachin Ravindra in 2023*
523 - Sachin Tendulkar in 1996
474 - Babar Azam in 2019
372 - AB de Villiers in 2007

ಇದನ್ನೂ ಓದಿ: ಐಸಿಸಿ ಕ್ರಿಕೆಟ್ ವಿಶ್ವಕಪ್ 2023: ಪಾಕ್ ವಿರುದ್ಧ 401 ರನ್, ಹಲವು ದಾಖಲೆ ಬರೆದ ನ್ಯೂಜಿಲೆಂಡ್, ಏಕದಿನದಲ್ಲಿ 2ನೇ ಗರಿಷ್ಠ ಮೊತ್ತ

ಕಿವೀಸ್​ನ ಮೊದಲ ಆಟಗಾರ
ಏಕದಿನ ವಿಶ್ವಕಪ್ ಇತಿಹಾಸದಲ್ಲಿ ನ್ಯೂಜಿಲ್ಯಾಂಡ್​ ಪರ ಮೂರು ಶತಕಗಳನ್ನು ಸಿಡಿಸಿದ ಮೊದಲ ಬ್ಯಾಟರ್ ಎಂಬ ದಾಖಲೆಯನ್ನು ರಚಿನ್​ ಬರೆದಿದ್ದಾರೆ. ಅಲ್ಲದೆ ವಿಶ್ವಕಪ್​ ಆವೃತ್ತಿಯೊಂದರಲ್ಲಿ 500 ರನ್ ಗಡಿ ದಾಟಿದ ನ್ಯೂಜಿಲ್ಯಾಂಡ್​ನ ಮೂರನೇ ಬ್ಯಾಟರ್ ಎನಿಸಿಕೊಂಡಿದ್ದಾರೆ. ಇದಕ್ಕೂ ಮುನ್ನ ಕೇನ್​ ವಿಲಿಯಮ್ಸನ್ (2019 ರಲ್ಲಿ 578) ಮತ್ತು ಮಾರ್ಟಿನ್ ಗಪ್ಟಿಲ್ (2015 ರಲ್ಲಿ 547 ) ರನ್​ ಬಾರಿಸಿದ್ದರು.

Most runs in their maiden World Cup edition
532 - Jonny Bairstow in 2019 (11 inns)
522 - Rachin Ravindra in 2023 (8 inns)
474 - Babar Azam in 2019 (8 inns)
465 - Ben Stokes in 2019 (10 inns)

ಇದನ್ನೂ ಓದಿ: ICC Cricket World Cup 2023: ರಚಿನ್ ರವೀಂದ್ರ ಶತಕ, ಪಾಕಿಸ್ತಾನಕ್ಕೆ 402 ರನ್ ಗಳ ಬೃಹತ್ ಮೊತ್ತದ ಗುರಿ ನೀಡಿದ ನ್ಯೂಜಿಲೆಂಡ್

ಬಾಬರ್​ ಅಜಂ ದಾಖಲೆ ಪತನ
ಚೊಚ್ಚಲ ವಿಶ್ವಕಪ್​ ಆಡಿ ಅತ್ಯಧಿಕ ರನ್​ ಬಾರಿಸಿದ ಸಾಧಕರ ಪಟ್ಟಿಯಲ್ಲಿ ಪಾಕ್​ ನಾಯಕ ಬಾಬರ್ ಅಜಂ ಅವರನ್ನು ರಚಿನ್ ಹಿಂದಿಕ್ಕಿದ್ದಾರೆ. 523 ರನ್​ ಗಳಿಸಿ ಬಾಬರ್​ ಅವರ ದಾಖಲೆಯನ್ನು ಮುರಿದರು. ಬಾಬರ್​ 2019ರ ಆವೃತ್ತಿಯ ವಿಶ್ವಕಪ್​ನಲ್ಲಿ ಚೊಚ್ಚಲ ಬಾರಿ ಕಣಕ್ಕಿಳಿದು 474 ರನ್​ ಬಾರಿಸಿ ಇದುವರೆಗೆ 2ನೇ ಸ್ಥಾನದಲ್ಲಿದ್ದರು. ಈಗ ಮೂರಕ್ಕೆ ಜಾರಿದ್ದಾರೆ. ದಾಖಲೆ ಜಾನಿ ಬೇರ್​ಸ್ಟೋ​ ಹೆಸರಿನಲ್ಲಿದೆ. ಅವರು 2019ರ ಆವೃತ್ತಿಯಲ್ಲಿ 11 ಪಂದ್ಯ ಆಡಿ 532 ರನ್​ ಬಾರಿಸಿದ್ದರು. ರಚಿನ್​ ಅವರು ಮುಂದಿನ ಪಂದ್ಯದಲ್ಲಿ 10 ರನ್​ ಬಾರಿಸಿದರೆ ಬೇರ್​ಸ್ಟೋ​ ದಾಖಲೆ ಪತನಗೊಳ್ಳಲಿದೆ.