ಎರಡನೇ ಟಿ20 ಪಂದ್ಯ: ಲಂಕಾ ಸ್ಫೋಟಕ ಬ್ಯಾಟಿಂಗ್; ಭಾರತಕ್ಕೆ 207 ರನ್ ಗಳ ಬೃಹತ್ ಗುರಿ

ಪುಣೆ: ಎರಡನೇ ಟಿ20 ಪಂದ್ಯದಲ್ಲಿ ಸ್ಫೋಟಕ ಬ್ಯಾಟಿಂಗ್ ಪ್ರದರ್ಶನ ನೀಡಿರುವ ಶ್ರೀಲಂಕಾ ಭಾರತಕ್ಕೆ 207 ರನ್‌ಗಳ ಬೃಹತ್ ಗುರಿ ನೀಡಿದೆ. 

ಈ ಪಂದ್ಯದ ಆರಂಭದಲ್ಲಿ ಉತ್ತಮ ಒಪನಿಂಗ್ ಪಡೆದ ಶ್ರೀಲಂಕಾ ಬಳಿಕ ಮಧ್ಯಮ ಓವರ್‌ಗಳಲ್ಲಿ ತತ್ತರಿಸಿದರೂ ಕೊನೆಯಲ್ಲಿ ನಾಯಕ ದಸುನ್ ಶನಕ ಆಕ್ರಮಣಕಾರಿ ಬ್ಯಾಟಿಂಗ್ ಪ್ರದರ್ಶಿಸಿ ತಂಡದ ಸ್ಕೋರನ್ನು 206 ರನ್‌ಗಳಿಗೆ ಕೊಂಡೊಯ್ದರು.

ಶ್ರೀಲಂಕಾ ಪರ ಕುಶಾಲ್ ಮೆಂಡಿಸ್ ಮತ್ತು ದಸುನ್ ಶನಕ ಅರ್ಧಶತಕ ಗಳಿಸಿದರು. ಭಾರತದ ಪರ ಉಮ್ರಾನ್ ಮಲಿಕ್ ಮೂರು ವಿಕೆಟ್ ಪಡೆದರು.

ಲಂಕಾ ಪರ ಬ್ಯಾಟಿಂಗ್ ನಲ್ಲಿ ನಿಶಾಂಕ್ 33, ಕೌಸಲ್ ಮೆಂಡಿಸ್ 52, ಚರಿತಾ ಅಸಲಂಕಾ 37 ಹಾಗೂ ದುಸನ್ ಶಂಕರ ಅಜೇಯ 56 ರನ್ ಪೇರಿಸಿದ್ದಾರೆ. 

ಭಾರತ ಪರ ಬೌಲಿಂಗ್ ನಲ್ಲಿ ಉಮ್ರಾನ್ ಮಲಿಕ್ 3, ಅಕ್ಷರ್ ಪಟೇಲ್ 2 ಮತ್ತು ಯುಜುವೇಂದ್ರ ಚಹಾಲ್ 1 ವಿಕೆಟ್ ಪಡೆದಿದ್ದಾರೆ.