ಹೈದರಾಬಾದ್: ಹೈದರಾಬಾದ್ ನಲ್ಲಿ ಬಾಂಗ್ಲಾದೇಶ ವಿರುದ್ಧ ಭರ್ಜರಿ ಬ್ಯಾಟಿಂಗ್ ಮೂಲಕ ದಾಖಲೆಯ 297 ರನ್ ಗಳಿಸಿದ ಭಾರತ ತಂಡದ ಕ್ರಿಕೆಟ್ ಲೋಕದ ಹಲವು ದಾಖಲೆಗಳನ್ನು ಹಿಂದಿಕ್ಕಿದೆ.
ಹೌದು.. ನಿನ್ನೆ ಹೈದರಾಬಾದ್ ನ ರಾಜೀವ್ ಗಾಂಧಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಮೈದಾನದಲ್ಲಿ ನಡೆದ 3ನೇ ಟಿ20 ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಭಾರತ ತಂಡ ನಿಗದಿತ 20 ಓವರ್ ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 296 ರನ್ ಕಲೆಹಾಕಿತ್ತು.
ಭಾರತ ತಂಡದ ಪರ ಸಂಜು ಸ್ಯಾಮ್ಸನ್ (111 ರನ್) ಅಮೋಘ ಶತಕ ಸಿಡಿಸಿದರೆ, ಸೂರ್ಯ ಕುಮಾರ್ (75 ರನ್) ಅರ್ಧಶತಕ, ಹಾರ್ದಿಕ್ ಪಾಂಡ್ಯ (47 ರನ್) ಮತ್ತು ರಿಯಾನ್ ಪರಾಗ್ (34) ಸ್ಫೋಟಕ ಬ್ಯಾಟಿಂಗ್ ಪ್ರದರ್ಶಿಸಿದರು. ಈ ಮೂಲಕ ಭಾರತ ತಂಡ ಹಲವು ದಾಖಲೆಗಳಿಗೆ ಪಾತ್ರವಾಗಿದೆ.
ಟಿ20ಐನಲ್ಲಿ ತಂಡವೊಂದರ 2ನೇ ಗರಿಷ್ಟ ಮೊತ್ತ
ಈ ಪಂದ್ಯದಲ್ಲಿ ಭಾರತ ಕಲೆಹಾಕಿದ 296 ರನ್ ಗಳು ಅಂತಾರಾಷ್ಟ್ರೀಯ ಟಿ20 ಪಂದ್ಯದಲ್ಲಿ ತಂಡವೊಂದು ಕಲೆಹಾಕಿದ 2ನೇ ಗರಿಷ್ಟ ಮೊತ್ತವಾಗಿದೆ. ಈ ಹಿಂದೆ 2023 ಚೀನಾದ ಹ್ಯಾಂಗ್ಝೌನಲ್ಲಿ ನೇಪಾಳ ತಂಡ ಮಂಗೋಲಿಯಾ ವಿರುದ್ಧ 314 ರನ್ ಗಳಿಸಿತ್ತು. ಇದು ತಂಡವೊಂದು ಗಳಿಸಿದ ಗರಿಷ್ಠ ಟಿ20ಐ ಮೊತ್ತವಾಗಿದೆ.
Highest T20I team totals
314/3 - Nepal vs Mongolia, Hangzhou, 2023
297/6 - India vs Bangladesh, Hyderabad, 2024
278/3 - Afghanistan vs Ireland, Dehradun, 2019
278/4 - Czech Republic vs Turkey, Ilfov County, 2019
268/4 - Malaysia vs Thailand, Hangzhou, 2023
267/3 - England vs West Indies, Tarouba, 2023
ಟಿ20 ಪಂದ್ಯದ ಇನ್ನಿಂಗ್ಸ್ ನಲ್ಲಿ ಗರಿಷ್ಠ ಸಿಕ್ಸರ್; 5ನೇ ಸ್ಥಾನ
ಈ ಪಂದ್ಯದಲ್ಲಿ ಭಾರತ ತಂಡ ಬಾಂಗ್ಲಾದೇಶ ವಿರುದ್ಧದ 3ನೇ ಟಿ20 ಪಂದ್ಯದಲ್ಲಿ ಒಟ್ಟು 22 ಸಿಕ್ಸರ್ ಗಳನ್ನು ಸಿಡಿಸಿದ್ದು, ಇದು ಅಂತಾರಾಷ್ಟ್ರೀಯ ಟಿ20 ಪಂದ್ಯದಲ್ಲಿ ತಂಡವೊಂದು ಕಲೆಹಾಕಿದ 5ನೇ ಗರಿಷ್ಠ ಸಿಕ್ಸರ್ ಗಳಾಗಿವೆ. ಇದಕ್ಕೂ ಮೊದಲು 2023 ಚೀನಾದ ಹ್ಯಾಂಗ್ಝೌನಲ್ಲಿ ನೇಪಾಳ ತಂಡ ಮಂಗೋಲಿಯಾ ವಿರುದ್ಧ 26 ಸಿಕ್ಸರ್ ಗಳನ್ನು ಕಲೆಹಾಕಿತ್ತು. ಇದು ಅಂತಾರಾಷ್ಟ್ರೀಯ ಟಿ20ಯಲ್ಲಿ ದಾಖಲಾದ ಗರಿಷ್ಛ ಸಿಕ್ಸರ್ ಗಳ ಸಂಖ್ಯೆಯಾಗಿದೆ.
Most sixes in a T20I innings
26 - Nepal vs Mongolia, Hangzhou, 2023
23 - Japan vs China, Mong Kok, 2024
22 - Afghanistan vs Ireland, Dehradun, 2019
22 - West Indies vs South Africa, Centurion, 2023
22 - India vs Bangladesh, Hyderabad, 2024
ಅಂತಾರಾಷ್ಟ್ಟ್ರೀಯ ಟಿ20 ಪಂದ್ಯದಲ್ಲಿ ಗರಿಷ್ಠ ಬೌಂಡರಿ
ಈ ಪಂದ್ಯದಲ್ಲಿ ಬಾಂಗ್ಲಾದೇಶ ಬೌಲರ್ ಗಳ ಮೇಲೆ ಸವಾರಿ ಮಾಡಿದ ಭಾರತ ತಂಡದ ಬ್ಯಾಟರ್ ಗಳು ಒಟ್ಟು 47 ಬೌಂಡರಿಗಳನ್ನು ಸಿಡಿಸಿದ್ದು, ಇದು ಅಂತಾರಾಷ್ಟ್ರೀಯ ಟಿ20 ಪಂದ್ಯದಲ್ಲಿ ಬಂದ ಗರಿಷ್ಠ ಬೌಂಡರಿಗಳಾಗಿವೆ. ಇದಕ್ಕೂ ಮೊದಲು 2019ರಲ್ಲಿ ಟರ್ಕಿ ವಿರುದ್ಧ ಜೆಕ್ ರಿಪಬ್ಲಿಕ್ ತಂಡ 43 ಬೌಂಡರಿಗಳನ್ನು ಸಿಡಿಸಿತ್ತು. ಇದು ಈ ವರೆಗು ತಂಡವೊಂದು ಸಿಡಿಸಿದ ಗರಿಷ್ಠ ಬೌಂಡರಿ ದಾಖಲೆಯಾಗಿತ್ತು. ಇದೀಗ ಭಾರತ ಈ ದಾಖಲೆಯನ್ನು ಮುರಿದಿದೆ.
Highest boundary count in a T20I innings
47 - India vs Bangladesh, Hyderabad, 2024
43 - Czech Republic vs Turkey, Ilfov County, 2019
42 - South Africa vs West Indies, Centurion, 2023
42 - India vs Sri Lanka, Indore, 2017
41 - Sri Lanka vs Kenya, Johannesburg, 2007
41 - Afghanistan vs Ireland, Dehradun, 2019
ಪುರುಷರ ಅಂತಾರಾಷ್ಟ್ರೀಯ ಟಿ20 ಪಂದ್ಯದಲ್ಲಿ ಗರಿಷ್ಠ ಬೌಂಡರಿಗಳು
ಇನ್ನು ಭಾರತ ಮತ್ತು ಬಾಂಗ್ಲಾದೇಶ ನಡುವಿನ 3ನೇ ಟಿ20 ಪಂದ್ಯ ಮತ್ತೊಂದು ದಾಖಲೆ ಬರೆದಿದ್ದು, ಈ ಪಂದ್ಯದಲ್ಲಿ ಎರಡೂ ಇನ್ನಿಂಗ್ಸ್ ನಲ್ಲಿ ಒಟ್ಟು 70 ಬೌಂಡರಿಗಳು ಹರಿದುಬಂದಿದ್ದು, ಈ ಪೈಕಿ ಭಾರತ ತಂಡವೊಂದೇ 47 ಬೌಂಡರಿಗಳನ್ನು ಸಿಡಿಸಿದೆ. ಬಾಂಗ್ಲಾದೇಶ 23 ಬೌಂಡರಿಗಳನ್ನು ಗಳಿಸಿತ್ತು. ಒಟ್ಟಾರೆ ಈ ಪಂದ್ಯದಲ್ಲಿ ಒಟ್ಟು 70 ಬೌಂಡರಿಗಳು ಹರಿದು ಬಂದಿದ್ದು, ಆ ಮೂಲಕ ಗರಿಷ್ಠ ಬೌಂಡರಿಗಳು ದಾಖಲಾದ 3ನೇ ಅಂತಾರಾಷ್ಟ್ರೀಯ ಟಿ20 ಪಂದ್ಯ ಇದಾಗಿದೆ.
Highest boundary count in a Men’s T20I
81 - South Africa vs West Indies, Centurion, 2023
71 - Bulgaria v Serbia, Sofia, 2022
70 - India vs Bangladesh, Hyderabad, 2024
69 - Bulgaria v Serbia at Sofia, 2022
68 - South Africa vs West Indies, Johannesburg, 2015
Advertisement
