ಚೆನ್ನೈ: ಚೆನ್ನೈ ಸೂಪರ್ ಕಿಂಗ್ಸ್ನ ಐಪಿಎಲ್ 2025 ಟೂರ್ನಿಯಲ್ಲಿ ಪಂಜಾಬ್ ಕಿಂಗ್ಸ್ ವಿರುದ್ಧ ಸೋತು ಪ್ಲೇ ಆಫ್ ರೇಸ್ ನಿಂದ ಹೊರಬಿದ್ದ ನಂತರ ಮೈದಾನದ ಹೊರಗೆ ನಡೆದ ಒಂದು ಸನ್ನಿವೇಶ ಸಂಚಲನ ಮೂಡಿಸಿತು.
ಫ್ರಾಂಚೈಸಿಯ ಇಬ್ಬರು ಪ್ರತಿಷ್ಠಿತ ವ್ಯಕ್ತಿಗಳ ನಡುವಿನ ಕ್ಷಣವು ಕ್ರೀಡಾಂಗಣದಲ್ಲಿನ ಪ್ರತಿಯೊಂದು ಕ್ಯಾಮರಾಗಳ ಕಣ್ಣಿಗೆ ಬಿದ್ದಿತು. ಎಂಎಸ್ ಧೋನಿ ಮತ್ತು ಸಿಎಸ್ಕೆ ಸಿಇಒ ಕಾಶಿ ವಿಶ್ವನಾಥನ್ ಸ್ವಲ್ಪ ಹೊತ್ತು ಮಾತನಾಡಿದ್ದಾರೆ. ಇದು ಸಾಮಾಜಿಕ ಮಾಧ್ಯಮಗಳಲ್ಲಿ ಹೊಸ ಊಹಾಪೋಹಗಳಿಗೆ ಕಾರಣವಾಗಿದೆ.
ಇಬ್ಬರು ಪರಸ್ಪರ ನಗುವಿನೊಂದಿಗೆ ಸಂಭಾಷಣೆ ನಡೆಸಿದ್ದಾರೆ. ಧೋನಿಯ ಮುಂದಿನ ಐಪಿಎಲ್ ಭವಿಷ್ಯ ನೇತಾಡುತ್ತಿರುವಾಗಲೇ ಈ ಮಾತುಕತೆಯ ವಿಡಿಯೋ ಕುರಿತು ಚೆನ್ನೈ ಸೂಪರ್ ಕಿಂಗ್ಸ್ ಅಭಿಮಾನಿಗಳು ನಾನಾ ರೀತಿಯಲ್ಲಿ ಪ್ರತಿಕ್ರಿಯೆ ನೀಡುತ್ತಿದ್ದಾರೆ.
IPL 2026 ಟೂರ್ನಿಯಲ್ಲಿ ಧೋನಿ ಆಡುತ್ತಾರೆಯೇ?"ಎಂಬುದು ಖಚಿತವಾಗಿ ತಿಳಿದಿಲ್ಲ. ಆದರೆ ದೇಹ ಭಾಷೆ, ನಗು, ತಲೆಯಾಡಿಸುವಿಕೆ ಹಾಗೂ ಕಣ್ಣಿನ ಸಂದೇಶವನ್ನು ತಜ್ಞರು ಮತ್ತು ಧೋನಿ ಅಭಿಮಾನಿಗಳು ಅರಿವಿನ ಪ್ರಯತ್ನ ನಡೆಸಿದ್ದಾರೆ. ಈ ಮಾತುಕತೆಯನ್ನು ವಿಶೇಷವಾಗಿ ನೋಡಿತ್ತಿದ್ದಾರೆ.
