ಸೂರ್ಯಕುಮಾರ್ ಯಾದವ್ ಭಾರತ ತಂಡದ ನಾಯಕನಾಗಿ ಮುಂದುವರಿಯುತ್ತಾರಾ ಎಂಬುದರ ಬಗ್ಗೆ ಇದೀಗ ಚರ್ಚೆಯಾಗುತ್ತಿದೆ. ಪಿಟಿಐ ವರದಿಯ ಪ್ರಕಾರ, ಅವರ ನಾಯಕತ್ವದ ಬಗ್ಗೆ ನಿರ್ಧಾರವನ್ನು ಮುಖ್ಯ ಕೋಚ್ ಗೌತಮ್ ಗಂಭೀರ್ ಮೇಲೆ ಅವಲಂಬಿತವಾಗಿದೆ. ಸೂರ್ಯಕುಮಾರ್ ಅವರ ಕಳಪೆ ಫಾರ್ಮ್ ಕಾರಣದಿಂದಾಗಿ ಅವರು ಕೇವಲ ಬ್ಯಾಟ್ಸ್ಮನ್ ಆಗಿ ತಂಡದಲ್ಲಿ ಉಳಿಯಬಹುದೇ ಎಂಬುದು ಸಹ ಇದೀಗ ಅನುಮಾನವಾಗಿದೆ. ಐಪಿಎಲ್ನಲ್ಲಿ ಅವರು ಮತ್ತೆ ಫಾರ್ಮ್ಗೆ ಮರಳುತ್ತಾರೆ ಎಂದು ಅವರು ನಿರೀಕ್ಷಿಸಿದ್ದರು, ಆದರೆ ಅದು ಸಂಭವಿಸಿಲ್ಲ ಮತ್ತು ಅವರು ತಮ್ಮ ಬ್ಯಾಟಿಂಗ್ ಸಮಸ್ಯೆಗಳನ್ನು ಸರಿಪಡಿಸಲು ಯಾವುದೇ ಸುಧಾರಣೆಗಳನ್ನು ಮಾಡಿಲ್ಲ. ತಂಡದಲ್ಲಿ ಅವರ ದೀರ್ಘಕಾಲೀನ ಭವಿಷ್ಯದ ಬಗ್ಗೆ ಆಯ್ಕೆದಾರರು ಅನುಮಾನ ವ್ಯಕ್ತಪಡಿಸಿದ್ದಾರೆ ಎಂದು ವರದಿಯಾಗಿದೆ.
ಈಮಧ್ಯೆ, ಭಾರತೀಯ ಕ್ರಿಕೆಟ್ನಲ್ಲಿ ಈಗಾಗಲೇ ಟೀಂ ಇಂಡಿಯಾದ ಸಂಭಾವ್ಯ ಉತ್ತರಾಧಿಕಾರಿಗಳ ಹೆಸರುಗಳು ಸಾಕಷ್ಟು ಕೇಳಿಬರುತ್ತಿವೆ. ಪಂಜಾಬ್ ಕಿಂಗ್ಸ್ನ ನಾಯಕ ಶ್ರೇಯಸ್ ಅಯ್ಯರ್ ಇದೀಗ ಪ್ರಬಲ ಸ್ಪರ್ಧಿಯಾಗಿ ಉಳಿದಿದ್ದಾರೆ. ಆದರೆ, ಅವರನ್ನು ಗೌತಮ್ ಗಂಭೀರ್ ಒಪ್ಪಿಕೊಳ್ಳುತ್ತಾರೆಯೇ ಎಂಬುದು ಪ್ರಶ್ನೆಯಾಗಿಯೇ ಉಳಿದಿದೆ.
ಕೋಲ್ಕತ್ತಾ ನೈಟ್ ರೈಡರ್ಸ್ನ (KKR) 2024ರ ಐಪಿಎಲ್ ವಿಜಯವನ್ನು ಗಂಭೀರ್ ಅವರ ಮಾರ್ಗದರ್ಶನದಲ್ಲಿ ಗೆಲುವು ಸಾಧಿಸಿತು ಎಂದೇ ಬಿಂಬಿಸಲಾಯಿತು. ಆದರೆ, ಆಗ ಶ್ರೇಯಸ್ ಅಯ್ಯರ್ ನಾಯಕನಾಗಿದ್ದರು ಎಂಬುದು ಮುಖ್ಯವಾಗಲೇ ಇಲ್ಲ. ನಾಯಕನ ಸ್ಥಾನಕ್ಕೆ ಶುಭಮನ್ ಗಿಲ್ ಕೂಡ ಇದ್ದಾರೆ. ಅವರು ಗುಜರಾತ್ ಟೈಟಾನ್ಸ್ ಅನ್ನು ಪ್ಲೇಆಫ್ಗೆ ಮುನ್ನಡೆಸಿದ್ದಾರೆ.
ಫಾರ್ಮ್ ಕುಸಿತದಿಂದಾಗಿ ಗಿಲ್ ಅವರು ಟಿ20 ವಿಶ್ವಕಪ್ ತಂಡದಿಂದ ಹೊರಗುಳಿದಿದ್ದರು. ಇದೀಗ ಸೂರ್ಯಕುಮಾರ್ ನಿರ್ಗಮಿಸಿದರೆ, ಗಿಲ್ ಟಿ20 ತಂಡಕ್ಕೆ ಮತ್ತೆ ಸೇರ್ಪಡೆಗೊಳ್ಳುವ ಸಾಧ್ಯತೆಯಿದೆ. ಚಿಂತಕರ ಚಾವಡಿ ಗಿಲ್ ಅವರನ್ನು ಅಗ್ರಸ್ಥಾನದಲ್ಲಿ, ಸಂಜು ಸ್ಯಾಮ್ಸನ್ 3ನೇ ಸ್ಥಾನ ಮತ್ತು ಇಶಾನ್ ಕಿಶನ್ ಅವರಿಗೆ ನಾಲ್ಕನೇ ಸ್ಥಾನದಲ್ಲಿ ಬ್ಯಾಟಿಂಗ್ಗೆ ಅವಕಾಶ ನೀಡಲಿದ್ದಾರೆ.
ಮತ್ತು ಅಂತಿಮವಾಗಿ, ಪ್ರಭಾವಿ ವಲಯಗಳಲ್ಲಿ ಸದ್ದಿಲ್ಲದೆ ವೇಗವನ್ನು ಪಡೆಯುತ್ತಿರುವ ಹೆಸರು ಮುಂಬೈ ಇಂಡಿಯನ್ಸ್ ತಂಡದ ತಿಲಕ್ ವರ್ಮಾ.
'ಸೂರ್ಯ ಅವರನ್ನು ವಜಾಗೊಳಿಸಿದರೆ ತಿಲಕ್ ಅವರನ್ನು ತಳ್ಳಿಹಾಕಬೇಡಿ. ತಿಲಕ್ ಅವರನ್ನು ತ್ರಿಕೋನ 'ಎ' ಸರಣಿಗೆ ನಾಯಕನನ್ನಾಗಿ ಮಾಡಿದ್ದಕ್ಕೆ ಒಂದು ಕಾರಣವಿದೆ. ಅಲ್ಲಿ ಆಯ್ಕೆದಾರರು ಅವರ ನಾಯಕತ್ವ ಕೌಶಲ್ಯವನ್ನು ನೋಡಬಹುದು' ಎಂದು ಮೂಲಗಳು ತಿಳಿಸಿವೆ.
ಈಗ, ಭಾರತೀಯ ಕ್ರಿಕೆಟ್ ಮತ್ತೊಮ್ಮೆ ಫಾರ್ಮ್, ಭವಿಷ್ಯದ ಯೋಜನೆ ಮತ್ತು ಶಕ್ತಿಯ ಚಲನಶೀಲತೆಗಳನ್ನು ಗುರುತಿಸುವ ಒಂದು ಕವಲುದಾರಿಯಲ್ಲಿ ನಿಂತಿದೆ. ಇದೆಲ್ಲದರ ನಡುವೆ, ಸೂರ್ಯಕುಮಾರ್ ಯಾದವ್ ಅವರ ಭವಿಷ್ಯವು ಅಂತಿಮವಾಗಿ ಗೌತಮ್ ಗಂಭೀರ್ ಅವರ ಕೈಯಲ್ಲಿದೆ.
Advertisement