ಶಿವಮೊಗ್ಗ: ಹಿಂದೂ ದೇವರ ಅವಹೇಳನಕಾರಿ ಚಿತ್ರಗಳ ನಿಷೇಧಿಸುವ ತಮ್ಮ ಹೇಳಿಕೆಗೆ ಈಗಲೂ ಬದ್ಧರಾಗಿದ್ದು, ಇನ್ನೆರಡು ದಿನಗಳಲ್ಲಿ ಈ ಕುರಿತು ಅಧಿಕೃತ ಆದೇಶ ಹೊರಡಿಸುವುದಾಗಿ ಮುಜರಾಯಿ ಇಲಾಖೆ ಸಚಿವ ಕೋಟ ಶ್ರೀನಿವಾಸ ಹೇಳಿದರು. ಶಿವಮೊಗ್ಗ ಜಿಲ್ಲೆಯಲ್ಲಿರುವ ಮುಜರಾಯಿ ದೇವಸ್ಥಾನಗಳ ಅರ್ಚಕರು, ವ್ಯವಸ್ಥಾಪನಾ ಸಮಿತಿ ಸದಸ್ಯರ ಸಮಾವೇಶ ಉದ್ಘಾಟಿಸಿ ಮಾತನಾಡಿದ ಅವರು, ಅದೇ ರೀತಿ ಮಾಟ ಮಂತ್ರಗಳ ಮೂಲಕ ಮಹಿಳೆಯರು, ಮಕ್ಕಳು, ಅಮಾಯಕರು ಹಾಗೂ ವೃದ್ಧರನ್ನು ವಂಚಿಸುವವರ ವಿರುದ್ಧವೂ ಕಣ್ಗಾವಲು ಇಡುವ ಉದ್ದೇಶ ಇದೇ ಎಂದು ಹೇಳಿದರು.
