ಬೆಳಗಾವಿ: ಮನೆ ಬೆಂಕಿಗೆ ಆಹುತಿಯಾದದ್ದರಿಂದ ಮನನೊಂದು ಮಧ್ಯ ವಯಸ್ಸಿನ ರೈತ ಕೀಟನಾಶಕ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡ ಘಟನೆ ಕಳೆದ ರಾತ್ರಿ ಸವದತ್ತಿ ತಾಲ್ಲೂಕಿನ ಹಂಚಿನಾಳ ಗ್ರಾಮದಲ್ಲಿ ನಡೆದಿದೆ.
ಈರಪ್ಪ ರಾಮಚಂದ್ರ ಕಂಬಾರ್(55 ವರ್ಷ) ಬಳಿ ಮೂರು ಎಕರೆ ಜಮೀನು ಇತ್ತು. ಕೃಷಿ ಮಾಡಲು 2 ಲಕ್ಷ ರೂಪಾಯಿ ಸಾಲ ಮಾಡಿಕೊಂಡಿದ್ದರು. ಬರಗಾಲದಿಂದಾಗಿ ಬೆಳೆ ಕೂಡ ನಷ್ಟವಾಗಿದ್ದರಿಂದ ಕಂಬಾರ್ ಖಿನ್ನತೆಗೆ ಒಳಗಾಗಿದ್ದರು. ಕಳೆದ ವಾರ ಬೆಂಕಿಗೆ ಅವರ ಮನೆ ಕೂಡ ಸುಟ್ಟು ಹೋಗಿತ್ತು.
ಸಾಲ ಹಿಂತಿರುಗಿಸುವಂತೆ ಬ್ಯಾಂಕ್ ಮತ್ತು ಸ್ಥಳೀಯ ಹಣಕಾಸು ಸಂಸ್ಥೆಗಳ ಸಿಬ್ಬಂದಿ ಕಂಬಾರ್ ಅವರಿಗೆ ತೀವ್ರ ಒತ್ತಡ ತರುತ್ತಿದ್ದರು. ಈ ಬಗ್ಗೆ ಕೇಸು ಕೂಡ ದಾಖಲಾಗಿತ್ತು.
