'ಕಾವಲುಗಾರ' ಸರಿ ಇದ್ದಿದ್ದರೆ ನೀರವ್ ಮೋದಿ ಓಡಿಹೋಗಲು ಬಿಡುತ್ತಿರಲಿಲ್ಲ: ಪ್ರಧಾನಿಗೆ ಸಿಎಂ ಸಿದ್ದರಾಮಯ್ಯ ತಿರುಗೇಟು

ಬ್ರಿಟೀಷರ ವಿರುದ್ಧ ಹೋರಾಡಿದ, ಆಧುನಿಕ ರಾಜ್ಯ ಕಟ್ಟಿದ ಹುಲಿಗಳು ಮೈಸೂರು ನಗರದಿಂದ ಹೊರಹೊಮ್ಮಿದ್ದಾರೆ. ರೂ.11500 ವಂಚಿಸಿದ ಕ್ರಿಮಿನಲ್ ಗಳು ಪರಾರಿಯಾಗಲು ಮೈಸೂರಿನಲ್ಲಿ ಜನಿಸಿದವರು ಬಿಡುತ್ತಿರಲಿಲ್ಲ ಎಂದು ಪ್ರಧಾನಮಂತ್ರಿ ನರೇಂದ್ರ ಮೋದಿಯವರಿಗೆ ಮುಖ್ಯಮಂತ್ರಿ...

ಮುಖ್ಯಮಂತ್ರಿ ಸಿದ್ದರಾಮಯ್ಯ

Updated on:

20 Feb 2018, 6:53 am

ಬೆಂಗಳೂರು: ಬ್ರಿಟೀಷರ ವಿರುದ್ಧ ಹೋರಾಡಿದ, ಆಧುನಿಕ ರಾಜ್ಯ ಕಟ್ಟಿದ ಹುಲಿಗಳು ಮೈಸೂರು ನಗರದಿಂದ ಹೊರಹೊಮ್ಮಿದ್ದಾರೆ. ರೂ.11500 ವಂಚಿಸಿದ ಕ್ರಿಮಿನಲ್ ಗಳು ಪರಾರಿಯಾಗಲು ಮೈಸೂರಿನಲ್ಲಿ ಜನಿಸಿದವರು ಬಿಡುತ್ತಿರಲಿಲ್ಲ ಎಂದು ಪ್ರಧಾನಮಂತ್ರಿ ನರೇಂದ್ರ ಮೋದಿಯವರಿಗೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಮಂಗಳವಾರ ತಿರುಗೇಟು ನೀಡಿದ್ದಾರೆ.

ಮೈಸೂರಿನ ವ್ಯಕ್ತಿ ಬೆಂಗಳೂರಿಗೆ ಹೋಗುವ ವೇಳೆಗೆ ನೈತಿಕತೆ ಕಳೆದುಕೊಂಡರು ಎಂಬ ಪ್ರಧಾನಮಂತ್ರಿ ನರೇಂದ್ರ ಮೋದಿಯವರ ಆರೋಪಕ್ಕೆ ಸಾಮಾಜಿಕ ಜಾಲತಾಣ ಟ್ವಿಟರ್ ಮೂಲಕ ಟೀಕಾಪ್ರಹಾರ ನಡೆಸಿರುವ ಅವರು, ನೀರವ್ ಮೋದಿ ದೇಶ ಬಿಟ್ಟು ಪರಾರಿಯಾಗಿರುವ ಪ್ರಕರಣವನ್ನು ಪರೋಕ್ಷವಾಗಿ ಉಲ್ಲೇಖಿಸಿ ತಿರುಗೇಟು ನೀಡಿದ್ದಾರೆ.

ಮೈಸೂರಿನ ವ್ಯಕ್ತಿಯೊಬ್ಬರು ಕಾವಲುಗಾರನಾಗಿದ್ದರೆ ರೂ.11 ಸಾವಿರ ಕೋಟಿ ಲೂಟಿ ಹೊಡೆದ ವ್ಯಕ್ತಿಯನ್ನು ದೇಶದಿಂದ ತಪ್ಪಿಸಿಕೊಂಡು ಹೋಗಲು ಬಿಡುತ್ತಿರಲಿಲ್ಲ ಎಂದು ಹೇಳುವ ಮೂಲಕ ಮೋದಿಯವರು ಸಾಮರ್ಥ್ಯವನ್ನು ಲೇವಡಿ ಮಾಡಿದ್ದಾರೆ.

PM @narendramodi makes disparaging comments about certain Mysurians.

Mysuru has produced Tigers who fought the British, built a modern state, brought land reforms.

Some one from Mysuru would never have allowed a fugitive runaway with 11500 cr under his Chowkidari. https://t.co/HW2q7ACNGN
— Siddaramaiah (@siddaramaiah) February 19, 2018

ಅಲ್ಲದೆ, ಮೋದಿ ಮೈಸೂರು ಹಾಗೂ ಮೈಸೂರಿಗರ ಬಗ್ಗೆ ಲೇವಡಿ ಮಾಡಿರುವುದರನ್ನು ತೀವ್ರವಾಗಿ ಖಂಡಿಸಿರುವ ಅವರು, ಮೈಸೂರು ಎಂಬುದು ಬ್ರಿಟೀಷರ ವಿರುದ್ಧ ಹೋರಾಡಿದ ಹುಲಿಗಳು ಹುಟ್ಟಿದ ಸ್ಥಳ. ನವಕರ್ನಾಟಕ ನಿರ್ಮಾಣ ಹಾಗೂ ಭೂ ಸುಧಾರಣೆಯಲ್ಲಿ ಕ್ರಾಂತಿ ಮಾಡಿದವರನ್ನು ನಾಡಿಗೆ ನೀಡಿದೆ ಎಂದು ಕೊಂಡಾಡಿದ್ದಾರೆ.

ಇದಕ್ಕೂ ಮೊದಲು ಟ್ವೀಟ್ ಮಾಡಿರುವ ಸಿದ್ದರಾಮಯ್ಯ ಅವರು ಮೈಸೂರು-ಬೆಂಗಳೂರು ಜೋಡಿ ಮಾರ್ಗ, ವಿದ್ಯುದೀಕರಣಕ್ಕೆ ರಾಜ್ಯ ಸರ್ಕಾರ ಶೇ.60ರಷ್ಟು ಅನುದಾನ ನೀಡಿದೆ ಎಂದು ಸ್ಪಷ್ಟಪಡಿಸಿದ್ದಾರೆ. ಈ ಮೂಲಕ ಇಡೀ ಯೋಜನೆ ಕೇಂದ್ರದ್ದು ಎಂಬ ಬಿಜೆಪಿ ನಾಯಕರ ಹೇಳಿಕೆಯನ್ನು ಅಲ್ಲಗೆಳೆದಿದ್ದಾರೆ.

Our Govt has actively pursued this project with Ministry of Railways, and has contributed 60% of the total project cost.

The Mysuru-Bengaluru line will significantly reduce travel time between the two cities & benefit our people. #NavaKarnatakaNirmana
— Siddaramaiah (@siddaramaiah) February 19, 2018

ಮತ್ತೊಂದು ಟ್ವೀಟ್ ನಲ್ಲಿ, ಡಿಯರ್ ಪ್ರಧಾನಮಂತ್ರಿ ನರೇಂದ್ರ ಮೋದಿರವರೇ, ಕಮಿಷನ್ ಬಗ್ಗೆ ನೀವು ಮಾತನಾಡುತ್ತಿದ್ದೀರಿ, ಬ್ಯಾಂಕ್ ಗಳಲ್ಲಿ ಹಣವನ್ನು ಜಮಾವಣೆ ಮಾಡಲು ಸಾಮಾನ್ಯ ಜನರನ್ನು ಸಾಲಿನಲ್ಲಿ ನಿಲ್ಲಿಸಿ, ಜನರ ರೂ.12,000 ಕೋಟಿ ಹಣವನ್ನು ಹೊತ್ತುಕೊಂಡು ನೀರವ್ ಮೋದಿ ಓಡಿಹೋಗುವಂತೆ ಮಾಡಿದ್ದೀರಿ ಎಂದು ವ್ಯಂಗ್ಯವಾಡಿದ್ದಾರೆ.

Dear PM @narendramodi ರವರೆ, since you are fond of talking about commission let me ask you-

You made common people stand in queues to deposit their money in the Banks & then let #NiravModi run away with over 12,000 cr of people’s money.

What percent of people’s money is that? pic.twitter.com/whvsOIFYEi
— Siddaramaiah (@siddaramaiah) February 20, 2018