ಪವಾಡ ಪುರುಷ: 111 ವರ್ಷ ಬಹಳ ಆಯ್ತು, ಅಂದಿದ್ರೂ ಶಿವಕುಮಾರ ಸ್ವಾಮೀಜಿ!

ತುಮಕೂರು: ಅನಾರೋಗ್ಯದಿಂದ ಬಳಲುತ್ತಿದ್ದ ಶತಾಯುಷಿ ಸಿದ್ದಗಂಗಾ ಮಠದ ಶ್ರೀ ಶಿವಕುಮಾರ ಸ್ವಾಮೀಜಿ ಅವರು ಇತ್ತೀಚೆಗೆ ಕಿರಿಯ ಸ್ವಾಮೀಜಿಗಳ ಹತ್ತಿರ ನನಗೆಷ್ಟು ವಯಸ್ಸು ಎಂದು ಕೇಳಿ ಅದಕ್ಕೆ ಕಿರಿಯ ಸ್ವಾಮೀಜಿಗಳು 111 ವರ್ಷ ಅಂದಿದ್ದಕ್ಕೆ ಬಹಳ ಆಯ್ತು ಅಂತ ಹೇಳಿದ್ದರು. 

ಅನಾರೋಗ್ಯದಿಂದ ಬಳಲುತ್ತಿದ್ದ ಶ್ರೀಗಳು ಇಂದು ಬೆಳಗ್ಗೆ 11.44ರ ಸುಮಾರಿಗೆ ಲಿಂಗೈಕ್ಯರಾಗಿದ್ದಾರೆ. ಆದರೆ ಈ ಹಿಂದೆ ಶ್ರೀಗಳು ಕಿರಿಯ ಸ್ವಾಮೀಜಿಗಳಿಗೆ ಕೇಳಿದ್ದ ಮಾತು ಈಗ ಪ್ರಸ್ತುತ.

ತಮಗೆ ಎಷ್ಟು ವಯಸ್ಸಾಯ್ತು ಎಂದು ತಿಳಿಯಲು ಕಿರಿಯ ಶ್ರೀಗಳಾದ ಡಾ.ಸಿದ್ಧಲಿಂಗ ಸ್ವಾಮೀಜಿ ಅವರ ಮುಖ ನೋಡಿ ಎಷ್ಟು ಆಯ್ತು ಅಂಥಾ ಕೇಳಿದ್ರು. ಕಿರಿಯ ಶ್ರೀಗಳು 111 ಎಂದು ಹೇಳಿದಾಗ ಬಹಳ ಆಯ್ತು, ಬಹಳ ಆಯ್ತು ಎಂದು ನುಡಿದಿದ್ದರು’ ಎಂದು ಹೇಳಿರುವುದಾಗಿ ಉಪ ಮುಖ್ಯಮಂತ್ರಿ ಡಾ. ಜಿ ಪರಮೇಶ್ವರ್ ಅವರು ಶ್ರೀಗಳನ್ನು ಭೇಟಿಯಾದ ಕ್ಷಣಗಳನ್ನು ವಿವರಿಸಿದ್ದರು.