ಬೆಂಗಳೂರು: 14 ದಿನಗಳ ಲಾಕ್‌ಡೌನ್‌ ಘೋಷಿಸಿ ಅಗತ್ಯ ವಸ್ತುಗಳ ಖರೀದಿಗೆ ಅವಕಾಶ ಮಾಡಿಕೊಟ್ಟಿರುವ ಹಿನ್ನೆಲೆಯಲ್ಲಿ ಅಬಕಾರಿ ಇಲಾಖೆ ಬೆಳಗ್ಗೆ 6ರಿಂದ 10ರವರೆಗೆ ಮದ್ಯ ಮಾರಾಟಕ್ಕೆ ಅವಕಾಶ ನೀಡಿದೆ.
ಈ ಕುರಿತು ಮಂಗಳವಾರ ಆದೇಶ ಹೊರಡಿಸಿದ್ದು, ಎಲ್ಲಸ್ಟಾಂಡ್‌ ಅಲೋನ್‌ ಸಿಎಲ್‌-2, ಸಿಎಲ್‌-8, ಸಿಎಲ್‌-8ಎ, ಸಿಎಲ್‌-11, ಸಿಎಲ್‌-16 ಮತ್ತು ವೈನ್‌ ಬೊಟಿಕ್‌ ಸನ್ನದುಗಳಲ್ಲಿ ಮದ್ಯ ಮಾರಾಟ ಮಾಡಲು ಅವಕಾಶ ಕಲ್ಪಿಸಲಾಗಿದೆ. ಇತರೆ ಸನ್ನದುದಾರರು ಎಂಆರ್‌ಪಿ ದರದಲ್ಲಿಯೇ ಮದ್ಯವನ್ನು ಪಾರ್ಸೆಲ್‌ ರೂಪದಲ್ಲಿ ಮಾರಾಟ ಮಾಡಬಹುದು.
ಮದ್ಯ ಮಾರಾಟ ಸನ್ನದು ಹೊಂದಿರುವ ರೆಸ್ಟೋರೆಂಟ್‌ ಗಳಲ್ಲಿ ಗ್ರಾಹಕರಿಗೆ ಊಟ, ತಿಂಡಿ ಪಾರ್ಸೆಲ್‌ ನೀಡಬಹುದು ಎಂದು ಆದೇಶದಲ್ಲಿ ತಿಳಿಸಲಾಗಿದೆ. ಮೈಕ್ರೋ ಬ್ರಿವರಿಗಳಲ್ಲಿ ಬಿಯರ್ ಅನ್ನು ಸೆರಾಮಿಕ್‌ ಗ್ಲಾಸ್‌ ಅಥವಾ ಸ್ಟೀಲ್‌ ಕಂಟೈನರ್‌ಗಳಲ್ಲಿ ಗರಿಷ್ಠ ಎರಡು ಲೀಟರ್‌ವರೆಗೆ ಮಾರಾಟ ಮಾಡಬಹುದು, ಒಂದು ವೇಳೆ ಬಾರ್ ನ ಆವರಣದಲ್ಲಿ ಮಧ್ಯ ಸೇವನೆಗೆ ಅವಕಾಶ ನೀಡಿದರೇ ಅಂತಹ ಶಾಪ್ ಗಳ ಪರವಾನಗಿಯನ್ನು ರದ್ದುಪಡಿಸಲಾಗುವುದು ಎಂದು ಆದೇಶಿಸಲಾಗಿದೆ.
ಮಾಲ್‌ಗಳ ಒಳಗೆ ಮದ್ಯದಂಗಡಿಗಳು ಮತ್ತು ಸೂಪರ್‌ಮಾರ್ಕೆಟ್‌ಗಳನ್ನು ಮಾರಾಟ ಮಾಡುವ ಚಿಲ್ಲರೆ ಮಾರಾಟದ ಬಿಯರ್ (ಆರ್‌ವಿಬಿ) ಪರವಾನಗಿ ಹೊಂದಿರುವ ಅಂಗಡಿಗಳನ್ನು ತೆರೆಯಲು ಅನುಮತಿ ನೀಡಿಲ್ಲ.
Advertisement