4 ವಾರಗಳ ಬಳಿಕ ಕೋವಿಶೀಲ್ಡ್ ಎರಡನೇ ಡೋಸ್ ಲಸಿಕೆ ಪಡೆದವರಲ್ಲಿ 'ಆ್ಯಂಟಿಬಾಡಿ'ಗಳ ಉತ್ಪತ್ತಿ ಉತ್ತಮ: ವರದಿ

ಕೋವಿಶೀಲ್ಡ್ ನ ಎರಡೂ ಲಸಿಕೆ ಹಾಕಿಸಿಕೊಂಡವರಲ್ಲಿ ಉತ್ತಮವಾಗಿ 'ಆ್ಯಂಟಿಬಾಡಿ'ಗಳ ಉತ್ಪತ್ತಿಯಾಗಿದೆ ಎಂದು ಅಧ್ಯಯನವೊಂದು ಹೇಳಿದೆ. 

Published: 18th May 2021 11:03 AM  |   Last Updated: 18th May 2021 01:55 PM   |  A+A-


Covishield1

ಕೋವಿಶೀಲ್ಡ್

The New Indian Express

ಬೆಂಗಳೂರು: ಕೋವಿಶೀಲ್ಡ್ ನ ಎರಡೂ ಲಸಿಕೆ ಹಾಕಿಸಿಕೊಂಡವರಲ್ಲಿ ಉತ್ತಮವಾಗಿ 'ಆ್ಯಂಟಿಬಾಡಿ'ಗಳ ಉತ್ಪತ್ತಿಯಾಗಿದೆ ಎಂದು ಅಧ್ಯಯನವೊಂದು ಹೇಳಿದೆ. 

ಬೆಂಗಳೂರಿನ ಶ್ರೀ ಜಯದೇವ ವೈದ್ಯಕೀಯ ಸಂಸ್ಥೆ ಈ ಅಧ್ಯಯನ ನಡೆಸಿದ್ದು, ತನ್ನದೇ ಸಂಸ್ಥೆಯ 140 ಆರೋಗ್ಯ ಸಿಬ್ಬಂದಿಗಳ ಮೇಲೆ ಈ ಅಧ್ಯಯನ ನಡೆಸಿದೆ. ಮೊದಲ ಡೋಸ್ ಕೋವಿಶೀಲ್ಡ್ ಲಸಿಕೆ ಪಡೆದ 4 ವಾರಗಳ ಬಳಿಕ 2ನೇ ಡೋಸ್ ಲಸಿಕೆ ಪಡೆದವರಲ್ಲಿ ರೋಗನಿರೋಧಕ ಸಾಮರ್ಥ್ಯ ಹೆಚ್ಚಿಸುವ  ಪ್ರತಿಕಾಯಗಳ ಸಂಖ್ಯೆ ಗಣನೀಯವಾಗಿ ಏರಿಕೆಯಾಗಿದೆ ಎಂದು ತಿಳಿದುಬಂದಿದೆ. ಈ ಅಧ್ಯಯನದ ಅನ್ವಯ ಕೋವಿ ಶೀಲ್ಡ್ ಎರಡೂ ಲಸಿಕೆ ಪಡೆದವರಲ್ಲಿ ಶೇ.78ರಷ್ಟು ಉತ್ತಮ ಪ್ರಮಾಣದ ಪ್ರತಿಕಾಯಗಳು ಅಭಿವೃದ್ಧಿಯಾಗಿವೆ ಎಂದು ಹೇಳಲಾಗಿದೆ.

ಈ ಬಗ್ಗೆ ಮಾಹಿತಿ ನೀಡಿರುವ ಸಂಸ್ಥೆಯ ನಿರ್ದೇಶಕ ಡಾ.ಸಿ ಎನ್ ಮಂಜುನಾಥ್ ಅವರು, ನಾವು ಮಾರ್ಚ್ ಎರಡನೇ ವಾರದಲ್ಲಿ ಒಂದು ಅಧ್ಯಯನವನ್ನು ಮಾಡಿದ್ದು, ಆರೋಗ್ಯ ಕಾರ್ಯಕರ್ತರು ಲಸಿಕೆಯ ನಾಲ್ಕು ವಾರಗಳ ಅಂತರದಲ್ಲಿ ಎರಡೂ ಡೋಸ್ ಗಳನ್ನು ಸ್ವೀಕರಿಸಿದ ನಂತರ. ಅವರ ದೇಹದಲ್ಲಿ ಉತ್ತಮ  ಪ್ರಮಾಣದ ಪ್ರತಿಕಾಯಗಳ ಉತ್ಪತ್ತಿಯಾಗಿದೆ ಎಂದು ಹೇಳಿದ್ದಾರೆ.

ಉತ್ತಮ ರೋಗನಿರೋಧಕ ಸಾಮರ್ಥ್ಯ ಪಡೆಯಲು ಕೋವಿಶೀಲ್ಡ್ ನ ಎರಡೂ ಲಸಿಕೆ ಪಡೆಯುವುದು ಅನಿವಾರ್ಯ. ಇದು ಮಾರಕ ಕೋವಿಡ್ ಸೋಂಕಿನ ಹೊಡೆತದಿಂದ ತಪ್ಪಿಸುತ್ತದೆ. ಮೊದಲ ಡೋಸ್ ರೋಗನಿರೋಧಕ ಪ್ರತಿಕ್ರಿಯೆಯನ್ನು ಪ್ರಾರಂಭಿಸುತ್ತದೆ. ಎರಡನೇ ಡೋಸ್ ರೋಗ ನಿರೋಧಕ ಪ್ರಕ್ರಿಯೆಯ  ಬೂಸ್ಚರ್ ಶಾಟ್ ಆಗಿರುತ್ತದೆ. ಇದು ರೋಗ ನಿರೋಧಕ ಪ್ರಕ್ರಿಯೆ ವೇಗವಾಗಿ ಕಾರ್ಯ ನಿರ್ವಹಿಸಲು ನೆರವಾಗುತ್ತದೆ. ಬಹುತೇಕ ಆರೋಗ್ಯ ಸಿಬ್ಬಂದಿ ಜನವರಿಯಲ್ಲಿ ಮೊದಲ ಡೋಸ್ ಪಡೆದು ಫೆಬ್ರವರಿಯಲ್ಲಿ 2ನೇ ಡೋಸ್ ಪಡೆದಿದ್ದಾರೆ. ಹೀಗೆ ಲಸಿಕೆ ಪಡೆವರನ್ನು ಕೋಮಾರ್ಬಿಡಿಯಲ್ಲಿರುವವರನ್ನೂ  ಪ್ರತ್ಯೇಕಿಸಲಾಗಿದ್ದು, ಅವರಲ್ಲೂ ಉತ್ತಮ ಫಲಿತಾಂಶ ದೊರೆತಿದೆ ಎಂದು ಹೇಳಿದ್ದಾರೆ.

ಅಂತೆಯೇ ಕೇಂದ್ರ ಸರ್ಕಾರವು ಆರಂಭದಲ್ಲಿ ಘೋಷಿಸಿದ ನಿಯಮಾವಳಿಯ ಪ್ರಕಾರ ಎರಡು ಡೋಸ್‌ಗಳ ನಡುವೆ ನಾಲ್ಕು ವಾರಗಳ ಅಂತರವಿದ್ದರೂ, ಇದು ಸಂಪೂರ್ಣವಾಗಿ ವೈಜ್ಞಾನಿಕವಾಗಿದೆ ಮತ್ತು ಪ್ರತಿಕಾಯ ಉತ್ಪಾದನೆಯು ಇನ್ನೂ ಹೆಚ್ಚಾದಾಗ ಅಂತರವನ್ನು 12 ವಾರಗಳವರೆಗೆ ವಿಸ್ತರಿಸಲು ಸಾಧ್ಯವಿದೆ.  ಇದಕ್ಕೆ ಪುರಾವೆಗಳೂ ಕೂಡ ಇವೆ ಎಂದು ಅವರು ಹೇಳಿದರು. 12 ವಾರಗಳ ಅಂತರವು ದೊಡ್ಡ ಮಟ್ಟದಲ್ಲಿ ಪ್ರತಿಕಾಯ ಪ್ರತಿಕ್ರಿಯೆಯನ್ನು ನೀಡುತ್ತದೆ. ಇದಕ್ಕೆ ಸಾಕಷ್ಟು ಅಧ್ಯಯನ ಸಹಿತ ಪುರಾವೆಗಳಿವೆ. ಇದಕ್ಕೆ ಪೂರಕವಾದ ಅಧ್ಯಯನಗಳನ್ನು ಶೀಘ್ರದಲ್ಲೇ ಆಸ್ಪತ್ರೆಯಲ್ಲಿ ಕೈಗೊಳ್ಳಲಾಗುವುದು ಎಂದು ಅವರು  ಹೇಳಿದರು.

ಫೆಬ್ರವರಿ ಅಥವಾ ಮಾರ್ಚ್ ನಲ್ಲಿ ಮೊದಲ ಡೋಸ್ ಲಸಿಕೆ ಪಡೆದ ಕೆಲ ಕೋವಿಡ್ ವಾರಿಯರ್ಸ್ ಗಳನ್ನು ಎಂಟು ವಾರಗಳ ನಂತರದ ಎರಡನೇ ಡೋಸ್ ಪಡೆದವರ ಮೇಲೆ ಅಧ್ಯಯನ ನಡೆಸಲಾಗುತ್ತದೆ ಎಂದು ಹೇಳಿದರು.


Stay up to date on all the latest ರಾಜ್ಯ news
Poll
Nitish_Kumar1

2024 ರ ಲೋಕಸಭಾ ಚುನಾವಣೆಯಲ್ಲಿ ನಿತೀಶ್ ಕುಮಾರ್ ಅವರು ಸಂಯುಕ್ತ ವಿರೋಧ ಪಕ್ಷಗಳ ಪ್ರಧಾನಿ ಅಭ್ಯರ್ಥಿಯಾಗಬಹುದೇ?


Result
ಹೌದು
ಇಲ್ಲ

Comments

Disclaimer : We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

flipboard facebook twitter whatsapp