Hair Loss: ಇವತ್ತು ಪತ್ರಿಯೊಬ್ಬರಿಗೂ ಕೂದಲು ಉದುರುವ ಸಮಸ್ಯೆ ಕಾಡುತ್ತದೆ. ಅದರಂತೆ, ಈ ಸಮಸ್ಯೆಗೆ ಜನರು ಹಲವಾರು ರೀತಿಯ ರಾಸಾಯಿನಿಕಯುಕ್ತ ವಸ್ತುಗಳನ್ನ ಬಳಸಿದರೂ ಕೆಲವೊಮ್ಮೆ ಪರಿಹಾರ ಸಿಗುವುದಿಲ್ಲ. ಜೊತೆಗೆ ತಜ್ಞರನ್ನು ಭೇಟಿ ಮಾಡಿ ಅವರು ನೀಡುವ ಔಷಧವು ಕೆಲಸ ಮಾಡುವುದಿಲ್ಲ! ಆದ್ರೆ, ನಿಮಗೆ ಗೊತ್ತಾ, ನಿಮ್ಮ ಅಡುಗೆ ಮನೆಯಲ್ಲೇ ಕೂದಲು ಉದುರುವಿಕೆಗೆ ಪರಿಹಾರವಿದೆ ಎಂದು! ಹೌದು, ಆ ಪರಿಹಾರವೇ ಸಕ್ಕರೆ. ಇಲ್ಲಿದೆ ಆ ಕುರಿತ ವರದಿ:
ಚರ್ಮರೋಗ ತಜ್ಞರ ಪ್ರಕಾರ, ಶಾಂಪೂಗೆ ಒಂದು ಚಮಚ ಸಕ್ಕರೆ ಬೆರೆಸಿ ತಲೆ ತೊಳೆದರೆ ಅದು ನಿಮ್ಮ ನೆತ್ತಿಯನ್ನು ಆಳವಾಗಿ ಸ್ವಚ್ಛಗೊಳಿಸಲು ಸಹಾಯ ಮಾಡುತ್ತದೆ. ಅದರಂತೆ, ಸಕ್ಕರೆಯ ಸಣ್ಣ ಹರಳುಗಳು ಮನೆಯಲ್ಲಿಯೇ ತಯಾರಿಸಬಹುದಾದ ನೈಸರ್ಗಿಕ ಸ್ಕ್ರಬ್ನಂತೆ ಕೆಲಸ ಮಾಡುತ್ತವೆ. ಹಾಗಾಗಿ, ಈ ಕೆಲಸ ಮಾಡುವುದರಿಂದ ನೆತ್ತಿಯ ಮೇಲೆ ಮತ್ತು ಕೂದಲಿನಲ್ಲಿ ಏನೆಲ್ಲಾ ಬದಲಾವಣೆಗಳು ಆಗುತ್ತವೆ.....
ಸತ್ತ ಚರ್ಮದ ಕೋಶಗಳ ನಿವಾರಣೆ: ಸಕ್ಕರೆಯ ಹರಳುಗಳು ನೆತ್ತಿಯ ಮೇಲಿರುವ ಸತ್ತ ಚರ್ಮ ಮತ್ತು ಹೊಟ್ಟನ್ನು ಸುಲಭವಾಗಿ ಉಜ್ಜುಹಾಕುತ್ತವೆ.
ಉತ್ಪನ್ನಗಳ ಉಳಿಕೆ ನಿವಾರಣೆ: ಕೂದಲಿಗೆ ಬಳಸುವ ಎಣ್ಣೆ, ಜೆಲ್ ಅಥವಾ ಕೆಮಿಕಲ್ ಸರಕುಗಳ ಜಿಡ್ಡು ಸಂಪೂರ್ಣವಾಗಿ ಸ್ವಚ್ಛವಾಗುತ್ತದೆ.
ಮೃದುವಾದ ಕೂದಲು: ಶಾಂಪೂ ಜೊತೆ ಸಕ್ಕರೆ ಕರಗಿದಾಗ ಅದು ಕೂದಲಿಗೆ ನೈಸರ್ಗಿಕ ತೇವಾಂಶವನ್ನು ನೀಡಿ, ಕೂದಲನ್ನು ಹೆಚ್ಚು ಮೃದುವಾಗಿಸುತ್ತದೆ.
ರಕ್ತ ಸಂಚಾರ ವೃದ್ಧಿ: ಸಕ್ಕರೆ ಮಿಶ್ರಿತ ಶಾಂಪೂನಿಂದ ನಿಧಾನವಾಗಿ ಮಸಾಜ್ ಮಾಡುವುದರಿಂದ ನೆತ್ತಿಯಲ್ಲಿ ರಕ್ತ ಪರಿಚಲನೆ ಹೆಚ್ಚಿ, ಕೂದಲಿನ ಬೇರುಗಳು ಬಲಗೊಳ್ಳುತ್ತವೆ.
ಬಳಸುವ ಸರಿಯಾದ ವಿಧಾನ:
ಒಂದು ಸಣ್ಣ ಬಟ್ಟಲಿನಲ್ಲಿ ಶಾಂಪೂ ತೆಗೆದುಕೊಳ್ಳಿ.
ಅದಕ್ಕೆ ಒಂದು ಟೀಚಮಚ ಸಕ್ಕರೆ ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ.
ಒದ್ದೆಯಾದ ಕೂದಲಿನ ನೆತ್ತಿಗೆ ಹಚ್ಚಿ, ಬೆರಳಿನ ತುದಿಗಳಿಂದ 2-3 ನಿಮಿಷಗಳ ಕಾಲ ಮೃದುವಾಗಿ ಮಸಾಜ್ ಮಾಡಿ.
ನಂತರ ಸ್ವಚ್ಛವಾದ ನೀರಿನಿಂದ ತಲೆಯನ್ನು ಚೆನ್ನಾಗಿ ತೊಳೆಯಿರಿ.
ತೊಳೆಯುವಾಗ ಸಕ್ಕರೆಯ ಹರಳುಗಳು ನೀರಿನಲ್ಲಿ ಸಂಪೂರ್ಣವಾಗಿ ಕರಗಿ ಹೋಗುವುದರಿಂದ ಕೂದಲು ಜಿಗುಟಾಗುವುದಿಲ್ಲ
ನೆನಪಿನಲ್ಲಿಡಿ...
ವಾರಕ್ಕೆ ಒಂದೇ ಬಾರಿ ಬಳಸಿ: ಅತಿಯಾಗಿ ಸಕ್ಕರೆ ಸ್ಕ್ರಬ್ ಬಳಸಿದರೆ ನೆತ್ತಿ ತುಂಬಾ ಒಣಗಬಹುದು ಅಥವಾ ಕಿರಿಕಿರಿ ಉಂಟಾಗಬಹುದು. ಹಾಗಾಗಿ, ವಾರಕ್ಕೆ ಅಥವಾ 15 ದಿನಕ್ಕೊಮ್ಮೆ ಬಳಸಲು ತಜ್ಞರು ಶಿಫಾರಸು ಮಾಡುತ್ತಾರೆ.
ಮೃದುವಾಗಿ ಮಸಾಜ್ ಮಾಡಿ: ಸಕ್ಕರೆ ಹರಳುಗಳಿಂದ ನೆತ್ತಿಯನ್ನು ತುಂಬಾ ಜೋರಾಗಿ ಉಜ್ಜಬೇಡಿ. ಇದರಿಂದ ಚರ್ಮಕ್ಕೆ ಗಾಯವಾಗಬಹುದು.
ಯಾರಿಗೆ ಬೇಡ?
ಯಾರ ನೆತ್ತಿಯ ಚರ್ಮ ತುಂಬಾ ಸೂಕ್ಷ್ಮವಾಗಿದ್ದರೆ ಅಥವಾ ಇನ್ಫೆಕ್ಷನ್ ಇದ್ದರೆ ಇದನ್ನು ಬಳಸುವ ಮುನ್ನ ಪ್ಯಾಚ್ ಟೆಸ್ಟ್ ಮಾಡಿ ಅಥವಾ ವೈದ್ಯರನ್ನು ಸಂಪರ್ಕಿಸಿ.
