ಸ್ನಾನದ ಸೋಪು ಬಳಸಿದಂತೆ ಕರಗಿ ಚಿಕ್ಕದಾಗಿ, ಚೂರ್ ಚೂರಾಗಿ ಕೈಗೆ ಸಿಗುವುದಿಲ್ಲ ಅಲ್ವಾ? ಚಿಕದಾಯಿತು ಅಂದ್ರೆ ಅದನ್ನು ಎಸೆಯುವುದೇ ಲೇಸು ಎಂದುಕೊಂಡು ಕಸದ ಡಬ್ಬಕ್ಕೆ ಹಾಕುತ್ತೇವೆ! ಆದ್ರೆ, ನಿಮಗೆ ಗೊತ್ತಾ, ಆ ಸಣ್ಣ ಚೂರುಗಳಿಂದಲೇ 5 ನಿಮಿಷದಲ್ಲಿ ಫೋಮ್ ಬರುವ ಲಿಕ್ವಿಡ್ ಹ್ಯಾಂಡ್ ವಾಶ್ ಮಾಡಬಹುದು ಎಂದು.? ಕೆಮಿಕಲ್ ಕಡಿಮೆ, ಹಣ ಉಳಿತಾಯ ಮತ್ತು ಬಾತ್ರೂಮ್ ಕ್ಲೀನ್ ಆಗಿ ಇರುತ್ತದೆ. ಹಾಗಾಗಿ, ವಾರದಲ್ಲಿ 2-3 ಬಾರಿ ಸೋಪು ಬದಲಿಸುವ ಬದಲು ಒಂದು ಬಾಟಲ್ ಹ್ಯಾಂಡ್ ವಾಶ್ 1 ತಿಂಗಳು ಬರುತ್ತದೆ. ಹಾಗಾದ್ರೆ, 5 ನಿಮಿಷದಲ್ಲಿ ಮನೆಯಲ್ಲೇ ರೆಡಿ ಮಾಡೋದು ಹೇಗೆ ಗೊತ್ತಾ ಲಿಕ್ವಿಡ್ ಹ್ಯಾಂಡ್ ವಾಶ್ ಅನ್ನು?
ಮನೆಯಲ್ಲೇ ಲಿಕ್ವಿಡ್ ಹ್ಯಾಂಡ್ ವಾಶ್ ಮಾಡಲು ಬೇಕಾಗುವ ಸಾಮಗ್ರಿಗಳು:
ಸೋಪಿನ ಚೂರುಗಳು - 2 ರಿಂದ 3 ಸಣ್ಣ ಚೂರು ಅಥವಾ 1 ದೊಡ್ಡ ಸೋಪಿನ ಅರ್ಧ
ಬಿಸಿ ನೀರು - 1 ಲೋಟ
ಸಾಮಾನ್ಯ ನೀರು - 2 ಲೋಟ
ಲಿಕ್ವಿಡ್ ಸೋಪ್ ಬಾಟಲ್ - ಖಾಲಿ ಪಂಪ್ ಬಾಟಲ್
ವಾಸನೆಗೆ ಬೇಕಾದ್ರೆ: 5 ಹನಿ ಎಣ್ಣೆ ಮತ್ತು ನಿಂಬೆ ಹಣ್ಣು
5 ನಿಮಿಷದಲ್ಲಿ ಮಾಡುವ ವಿಧಾನ:
Step 1: ಸೋಪು ತುರಿಯಿರಿ:
ಸೋಪು ಚೂರುಗಳನ್ನು ಚಿಕ್ಕದಾಗಿ ತುರಿದುಕೊಳ್ಳಿ. ತುರಿದರೆ ಬೇಗ ಕರಗುತ್ತದೆ. ಮಿಕ್ಸಿ ಮಾಡಿದರೂ ಓಕೆ.
Step 2: ಬಿಸಿ ನೀರಿನಲ್ಲಿ ಕರಗಿಸಿ:
ಒಂದು ಪಾತ್ರೆಯಲ್ಲಿ 1 ಲೋಟ ಬಿಸಿ ನೀರು ಕುದಿಸಿ. ಅದಕ್ಕೆ ತುರಿದ ಸೋಪು ಹಾಕಿ. ಗ್ಯಾಸ್ ಆಫ್ ಮಾಡಿ 2 ನಿಮಿಷ ಕೈಯಿಂದ ಕಲಕಿ. ಸೋಪು ಸಂಪೂರ್ಣ ಕರಗಬೇಕು.
Step 3: ಸಾಮಾನ್ಯ ನೀರು ಮಿಕ್ಸ್ ಮಾಡಿ:
ಈಗ ಅದಕ್ಕೆ 2 ಲೋಟ ಸಾಮಾನ್ಯ ನೀರು ಸೇರಿಸಿ. ಚೆನ್ನಾಗಿ ಮಿಕ್ಸ್ ಮಾಡಿ. ಜಾಸ್ತಿ ಗಟ್ಟಿಯಾದರೆ ಇನ್ನೂ ಸ್ವಲ್ಪ ನೀರು ಸೇರಿಸಬಹುದು.
Step 4: ವಾಸನೆ ಮತ್ತು ಬಾಟಲಿಗೆ ಹಾಕಿ:
ತೆಂಪಾದ ನಂತರ 5 ಹನಿ ಎಸೆನ್ಷಿಯಲ್ ಎಣ್ಣೆ ಸೇರಿಸಿ. ನಂತರ ಅದನ್ನು ಪಂಪ್ ಬಾಟಲಿಗೆ ಸೋಸಿ ಹಾಕಿ. ರೆಡಿ ಆಯ್ತು ನಿಮ್ಮ ಹೋಮ್ಮೇಡ್ ಹ್ಯಾಂಡ್ ವಾಶ್.
ಇದರಿಂದ ಸಿಗುವ 3 ಲಾಭಗಳೇನು?
ಹಣ ಉಳಿತಾಯ: ₹150 ರ ಹ್ಯಾಂಡ್ ವಾಶ್ ಬಾಟಲ್ ಬದಲು ಸೋಪು ಚೂರು ಉಪಯೋಗಿಸಿ
ವೇಸ್ಟ್ ಕಡಿಮೆ: ಸೋಪಿನ ಪ್ರತಿ ಚೂರನ್ನು ಬಳಸಿದಂತಾಗುತ್ತದೆ
ನೈಸರ್ಗಿಕ: ಅಂಗಡಿಯ ಹ್ಯಾಂಡ್ ವಾಶ್ನಲ್ಲಿ ಇರುವ ಜಾಸ್ತಿ ಕೆಮಿಕಲ್ ಇರುವುದಿಲ್ಲ. ಕೈ ಡ್ರೈ ಆಗುವುದಿಲ್ಲ
ಯಾವ ಸೋಪು ಬಳಸಬಹುದು? - ಡೆಟಾಲ್, ಲೈಫ್ಬಾಯ್, ಲಕ್ಸ್, ಸ್ಯಾಂಡಲ್ ಯಾವುದೇ ಬಾತ್ ಸೋಪು ಓಕೆ
ಎಷ್ಟು ದಿನ ಇರುತ್ತದೆ? - 3 ರಿಂದ 4 ವಾರ ಫ್ರೆಶ್ ಆಗಿ ಇರುತ್ತದೆ. ಫ್ರಿಡ್ಜ್ನಲ್ಲಿ ಇಟ್ಟರೆ ಇನ್ನೂ ಜಾಸ್ತಿ ದಿನ ಬರುತ್ತದೆ
ಫೋಮ್ ಬೇಕಾ? - ಪಂಪ್ ಬಾಟಲ್ನಲ್ಲಿ ಫೋಮ್ ಪಂಪ್ ಬಳಸಿದರೆ ಜಾಸ್ತಿ ಫೋಮ್ ಬರುತ್ತದೆ
ಹಾಗಾಗಿ, ಮುಂದಿನ ಬಾರಿ ಸೋಪು ಚಿಕ್ಕದಾದಾಗ ಡಸ್ಟ್ಬಿನ್ಗೆ ಎಸೆಯುವ ಬದಲು ಈ ಟ್ರಿಕ್ ಮಾಡಿ. ಕೈ ಸ್ವಚ್ಛವಾಗುತ್ತದೆ, ಪೈಸೆಯೂ ಉಳಿಯುತ್ತದೆ.
