ಮುಂಬೈ: ಮಹಾರಾಷ್ಟ್ರ ಸಚಿವ ಸಂಪುಟ ಇಂದು ವಿಸ್ತರಣೆಯಾಗಿದ್ದು, 12 ಮಂದಿ ಶಾಸಕರು ಇಂದು ಅಧೀಕೃತವಾಗಿ ಸಚಿವ ಸಂಪುಟ ಸೇರ್ಪಡೆಯಾಗಿದ್ದಾರೆ.
ಮಹಾರಾಷ್ಟ್ರ ಸರ್ಕಾರ ರಚನೆಯಾದ ಆರಂಭದಿಂದಲೂ ಬಿಜೆಪಿ ಶಿವಸೇನೆ ಪಕ್ಷ ನಡುವೆ ನಡೆಯುತ್ತಿದ್ದ ಹಗ್ಗಜಗ್ಗಾಟಕ್ಕೆ ಅಂತೂ ತೆರೆ ಬಿದ್ದಿದೆ.
10 ಮಂದಿ ಶಿವಸೇನಾ ಶಾಸಕರು ಸಚಿವರಾಗಿ ಪ್ರಮಾಣ ವಚನ ಸ್ವೀಕರಸಿದ್ದು ಅಧೀಕೃತವಾಗಿ ಸಂಪುಟಕ್ಕೆ ಸೇರ್ಪಡೆಯಾಗಿದ್ದಾರೆ.
ಕ್ಯಾಬಿನೆಟ್ ಸಚಿವರಾಗಿ ಏಕನಾಥ್ ಶಿಂಧೆ, ಗಿರೀಶ್ ಚಂದ್ರ ಪಾಪಟ್, ಗಿರೀಶ್ ದತ್ತಾತ್ರೆಯಾ, ರಾಮ್ ದಾಸ್ ಕದಂ, ಚಂದ್ರಶೇಖರ್ ಬಾವನಕುಳೆ, ರಾಜ್‌ಕುಮಾರ್ ಬಡೋಲೆ ಪ್ರಮಾಣ ವಚನ ಸ್ವೀಕರಿಸಿದರೆ.
ಇನ್ನೂ ರಾಜ್ಯ ಖಾತೆ ಸಚಿವರಾಗಿ ಸಂಜಯ್ ರಾಥೋಡ್, ವಿಜಯ್‌ದೇಶ್ ಮುಖ್, ವಿಜಯ್ ಶಿವತಾರೆ, ದಾದಾ ಭೂಸೆ, ಶಿಂಧೆ ಸೇರಿದಂತೆ 12 ಮಂದಿ ಸಚಿವರು ಪ್ರಮಾಣವಚನ ಸ್ವೀಕರಿಸಿದರು. ನೂತನ ಸಚಿವರಿಗೆ ರಾಜ್ಯಪಾಲರು ಪ್ರತಿಜ್ಞಾವಿಧಿ ಬೋಧಿಸಿದರು.
