ನವದೆಹಲಿ: ಆ್ಯಪಲ್ ಕಂಪನಿಯು ಭಾರತೀಯ ಮಾರುಕಟ್ಟೆಯಲ್ಲಿ ಐಫೋನ್ ಮಾರಾಟಕ್ಕೆ ಹೊಸ ತಂತ್ರ ಹೆಣೆದಿದೆ. ವೊಡಾಫೋನ್ ಗ್ರಾಹಕರಿಗೆ ಐಫೋನ್ಗಳನ್ನು ಇಎಂಐ ರೂಪದಲ್ಲಿ ಖರೀದಿಸಲು ಅವಕಾಶಮಾಡಿಕೊಟ್ಟಿದೆ.
ಅದರಂತೆ ವೊಡಾಫೋನ್ ತನ್ನ ಗ್ರಾಹಕರಿಗೆ ಇಎಂಐ ರೂಪದಲ್ಲಿ ಐಫೋನ್ ಖರೀದಿ ಯೋಜನೆ ಘೋಷಿಸಿದೆ.
ಗ್ರಾಹಕರು ಎರಡು ವರ್ಷ ಪ್ರತಿ ತಿಂಗಳು ರು.2,099 ಪಾವತಿಸುವ ಮೂಕ ಐಫೋನ4ಎಸ್ ಖರೀದಿಬಹುದು. ಉಚಿತ ಎಸ್ಎಂಎಸ್ಗಳು, ಎಸ್ಟಿಡಿ/ಸ್ಥಳೀಯ ಕರೆಗಳು, 3ಜಿ ಡಾಟಾ ಬಳಕೆ ಶುಲ್ಕ ಹಾಗೂ ತೆರಿಗೆಯೂ ಈ ಇಎಂಐನಲ್ಲಿ ಸೇರಿರುತ್ತದೆ.
ಇದೇ ರೀತಿ ಐಫೋನ್5ಸಿ-ರು.2499, ಐಫೋನ್5ಎಸ್-ರು.2,999 ಹಾಗೂ ಐಫೋನ್6ಗಾಗಿ ಪ್ರತಿ ತಿಂಗಳು ರು.3,599 ಪಾವತಿಸಬೇಕು. ಐಫೋನ್-6ಗೆ ಝೀರೋ ಡೌನ್ಪೇಮೆಂಟ್. ಆದರೆ, 5ಎಸ್, 5ಸಿ ಮತ್ತು 4ಎಸ್ಗಳಿಗೆ ರು.4,990 ಹಾಗೂ ಐಫೋನ್-6 ಪ್ಲಸ್ಗೆ ರು.8,490 ಡೌನ್ಪೇಮೆಂಟ್ ಪಾವತಿ ಕಡ್ಡಾಯ.
ಈ ಸೌಲಭ್ಯದಿಂದ ಗ್ರಾಹಕರಿಗೆ ತಮಗಿಷ್ಟವಾದ ಐಫೋನಗಳನ್ನು ಖರೀದಿಸಿದಂತೆಯೂ ಆಯ್ತು. ಜತೆಗೆ, ಹೆಚ್ಚುವರಿ ಶುಲ್ಕಿವಿಲ್ಲದೆ ವೊಡಾಫೋನ್ ಸೇವೆಯ ಸಂಪೂರ್ಣ ಸದುಪಯೋಗ ಪಡೆಯುವುದೂ ಸಾಧ್ಯವಾಗಲಿದೆ. ಒಟ್ಟಾರೆ ನೋಡಿದರೆ ಹೆಚ್ಚು ಡಾಟಾ ಬಳಸುವವರಿಗೆ ಇದರಿಂದ ಉಳಿತಾಯವೇ ಆಗಲಿದೆ ಎಂದು ವೊಡಾಫೋನ್ ಇಂಡಿಯಾದ ಸಿಇಒ ಮಾರ್ಟನ್ ಪೀಟರ್ಸ್ ಹೇಳುತ್ತಾರೆ.
Advertisement