ಮಾರಿಷಸ್ ಗೆ ಮಹಿಳಾ ಅಧ್ಯಕ್ಷೆ

ಪೋರ್ಟ್ ಲೂಯಿಸ್: ಮಾರಿಷಸ್‍ನ ಪ್ರಥಮ ಮಹಿಳಾ ಅಧ್ಯಕ್ಷೆಯಾಗಿ ಅಮಿನಾಹ್ ಗುರಿಬ್ ಫಕೀಮ್ (56) ಆಯ್ಕೆಯಾಗಿದ್ದಾರೆ.

ವಿಶ್ವದಲ್ಲೇ ಹೆಸರು ಮಾಡಿರುವ ಖ್ಯಾತಿ ವಿಜ್ಞಾನಿ ಹಾಗೂ ಜೀವಶಾಸ್ತ್ರಜ್ಞೆಯಾಗಿರುವ ಗುರಿಬ್ ಫಕೀಮ್ ಅವರ ಆಯ್ಕೆ ಪ್ರತಿಪಕ್ಷ ಕೂಡ ಸಮ್ಮತಿ ಸೂಚಿಸಿದೆ. ಶುಕ್ರವಾರ ಅವರು ಅಧಿಕಾರ ಸ್ವೀಕರಿಸುವ ಸಾಧ್ಯತೆಯಿದೆ. 1968ರಲ್ಲಿ ಬ್ರಿಟನ್‍ನಿಂದ ಸ್ವಾತಂತ್ರ್ಯ ಗಳಿಸಿದ ದ್ವೀಪದ ಪ್ರಥಮ ಮಹಿಳಾ ಅಧ್ಯಕ್ಷೆ ಇವರಾಗಿದ್ದಾರೆ. ಮಾಜಿ ಅಧ್ಯಕ್ಷ ಕೈಲಾಶ್ ಪುರ್ಯಾಗ್ ಅವರು ಮಾರಿಷಸ್‍ನ ನಾಮ ಮಾತ್ರದ ನಾಯಕನಾಗಿದ್ದ ಕಾರಣ ಶುಕ್ರವಾರ ಪದತ್ಯಾಗ ಮಾಡಿದ್ದರು.