ನವದೆಹಲಿ: ಗಂಗಾ ನದಿಯ ಮೂಲದ ಬಗ್ಗೆ ಬಿಜೆಪಿ ಸಂಸದರೊಬ್ಬರು ಕೇಳಿದ ಪ್ರಶ್ನೆ ಎಲ್ಲ ಸದಸ್ಯರನ್ನು ಅವಕ್ಕಾಗಿಸಿದ ಪ್ರಸಂಗ ಲೋಕಸಭೆಯಲ್ಲಿ ಗುರುವಾರ ನಡೆಯಿತು.
ಶೂನ್ಯ ವೇಳೆಯಲ್ಲಿ ಎದ್ದು ನಿಂತ ಸಂಸದ ಪ್ರತಾಪ್‍ಸಿನ್ಹಾ ಚೌಹಾಣ್, `ಗಂಗೆಯನ್ನು ಭೂಮಿಗೆ ತಂದವರಾರು? ಅದನ್ನೇಕೆ ತಂದರು... ಗಂಗೆಯಲ್ಲಿ ಸ್ನಾನ ಮಾಡುವುದರಿಂದ ಏನು ಪ್ರಯೋಜನ ಎಂದು ನನಗೆ ಗೊತ್ತಾಗಬೇಕು' ಎಂದರು.
ಈ ಪ್ರಶ್ನೆ ಕೇಳುತ್ತಿದ್ದಂತೆ ಅಲ್ಲಿದ್ದವರೆಲ್ಲ ಮುಖ ಮುಖ ನೋಡಿಕೊಂಡು ಗೊಳ್ಳೆಂದು ನಕ್ಕುಬಿಟ್ಟರು. ಸ್ವತಃ ಸ್ಪೀಕರ್ ಕೂಡ ಗೊಂದಲಕ್ಕೀಡಾಗಿ, `ಏನಿದು? ಇದೂ ಒಂದು ಪ್ರಶ್ನೆಯೇ?' ಎಂದು ಕೇಳಿದರು. ನಂತರ ಅದಕ್ಕೆ ಉತ್ತರಿಸಿದ ಜಲಸಂಪನ್ಮೂಲ ಸಹಾಯಕ ಸಚಿವ ಸನ್ವಾರ್ ಲಾಲ್ ಜಾಟ್, ಇದೊಂದು ಐತಿಹಾಸಿಕ ವಿಚಾರ. ಜನರ ಕ್ಷೇಮಾಭಿವೃದ್ದಿಗಾಗಿ ಶಿವನನ್ನು ಒಲಿಸಿ ಭಗೀ ರಥನು ಗಂಗೆಯನ್ನು ಭೂಮಿಗೆ ತಂದ ಎಂಬುವುದು ಪ್ರತೀತಿ ಎಂದರು.
