ಕೆಲ ದಿನಗಳ ಹಿಂದೆಯಷ್ಟೇ ಕ್ಯಾಮೆರಾವನ್ನು ಗನ್ ಎಂದು ಭಾವಿಸಿ ಎರಡೂ ಕೈ ಮೇಲೆತ್ತಿ ಶರಣಾದೆ ಎಂದು ಹೇಳುವ ಸಿರಿಯಾದ ಅಡಿ ಹುಡಿಯಾ ಎಂಬ ಬಾಲಕನ ಚಿತ್ರವನ್ನು ನಾವು ನೋಡಿದ್ದೇವೆ. ಬರೀ ಯುದ್ಧಗಳನ್ನೇ ನೋಡಿ ಬೆಳೆದ ಮಕ್ಕಳ ಮನಸ್ಸಲ್ಲಿ ಯುದ್ಧದ ಭೀತಿ ಹೇಗೆ ಮನೆ ಮಾಡಿದೆ ಎಂಬುದನ್ನು ಆ ಬಾಲಕನ ಫೋಟೋ ಸ್ಪಷ್ಟವಾಗಿ ಹೇಳುತ್ತಿತ್ತು.
ಈಗ ಇದು ನೋಡಿ. ತನ್ನ ನಾಯಿಯ ಪಕ್ಕ ಕುಳಿತು ಅಳುವ 5 ವರ್ಷದ ಬಾಲಕಿ...ಆಕೆಯ ಅಳು ಕಂಡರೆ ಕರುಳು ಕಿವುಚಿದಂತಾಗುತ್ತದೆ.
ಏನಿದು ವಿಷಯ?: ಕೆಲವು ದಿನಗಳ ಹಿಂದೆಯಷ್ಟೇ ಈ ಬಾಲಕಿಯ ಮುದ್ದಿನ ನಾಯಿ 'ಫ್ಲವರ್' ಕಾಣೆಯಾಗಿತ್ತು. ಈಕೆ ನಾಯಿಯನ್ನು ಹುಡುಕದ ಜಾಗವಿಲ್ಲ. ಹೀಗಿರುವಾಗ ವಿಯೆಟ್ನಾಂನ ಬೀದಿಯೊಂದರಲ್ಲಿರುವ ಮಾಂಸದಂಗಡಿಯಲ್ಲಿ ತನ್ನ ಮುದ್ದಿನ ನಾಯಿ ಪತ್ತೆಯಾಗಿದೆ. ಅದೂ ಸುಟ್ಟ ರೀತಿಯಲ್ಲಿ! ಆ ಸುಟ್ಟಿರುವ ನಾಯಿಯನ್ನು ನೋಡಿದ ಕೂಡಲೇ ಬಾಲಕಿ ಇದು ನನ್ನದೇ ನಾಯಿ..ಫ್ಲವರ್ ಎಂದು ಅತ್ತು ಗೋಗರೆದಿದ್ದಾಳೆ. ತನ್ನ ನಾಯಿಯ ಪಕ್ಕ ಕುಳಿತು ಬಿಕ್ಕಿ ಬಿಕ್ಕಿ ಅಳುತ್ತಿರುವ ಈ ಚಿತ್ರವೀಗ ಸಾಮಾಜಿಕ ತಾಣದಲ್ಲಿ ಸಂಚಲನ ಸೃಷ್ಟಿಸಿದೆ
ಕೊರಿಯಾ, ವಿಯೆಟ್ನಾಂ, ಚೈನಾ ಮೊದಲಾದ ರಾಷ್ಟ್ರಗಳಲ್ಲಿ ನಾಯಿ ಮಾಂಸಕ್ಕೆ ಹೆಚ್ಚಿನ ಬೇಡಿಕೆಯಿದೆ.
Advertisement