ತಿರುವನಂತಪುರಂ: ಮಾಜಿ ಕ್ರಿಕೆಟಿಗ ಎಸ್. ಶ್ರೀಶಾಂತ್ ಈಗ ಹೆಣ್ಣು ಮಗುವಿನ ಅಪ್ಪನಾಗಿದ್ದಾರೆ. ಹೆಣ್ಣು ಮಗು ಹುಟ್ಟಿರುವ ವಿಷಯವನ್ನು ಶ್ರೀಶಾಂತ್ ಟ್ವೀಟ್ ಮಾಡಿದ್ದಾರೆ.
ನನಗೆ ಹೆಣ್ಣು ಮಗುವಾಗಿದೆ. ನಿಮ್ಮ ಹಾರೈಕೆ ಮತ್ತು ಪ್ರಾರ್ಥನೆಗಳಿಗೆ ಧನ್ಯವಾದಗಳು. ನನ್ನ ಮುದ್ದಿನ ಮಗು ಮತ್ತು ಮಡದಿ ಆರೋಗ್ಯವಾಗಿದ್ದಾರೆ ಎಂದು ಶ್ರೀಶಾಂತ್ ಟ್ವೀಟ್ ಮೂಲಕ ತಿಳಿಸಿದ್ದಾರೆ.
ಈ ಟ್ವೀಟ್ ನೋಡಿದ ಕೂಡಲೇ ಶ್ರೀಶಾಂತ್‌ಗೆ ಶುಭಾಶಯಗಳ ಸುರಿಮಳೆಯಾಗಿದೆ. ನಿಮ್ಮೆಲ್ಲರ ಶುಭಾಶಯಗಳಿಂದ ಹೃದಯ ತುಂಬಿ ಬಂದಿದೆ. ಮಹಿಳಾ ದಿನಾಚರಣೆಯ ಮುನ್ನ ನಮಗೊಂದು ಹೆಣ್ಣು ಮಗು ಜನಿಸಿದೆ. ಎಲ್ಲ ದೇವರ ಕೃಪೆ ಎಂದು ಇವತ್ತು ಟ್ವೀಟ್ ಮಾಡಿ ಎಲ್ಲರಿಗೂ ಧನ್ಯವಾದ ಹೇಳಿದ್ದಾರೆ.
