ನವದೆಹಲಿ: ದೇಶಾದ್ಯಂತ ನೂರಕ್ಕೂ ಹೆಚ್ಚಿ ಮಳಿಗೆಗಳ ಮೇಲೆ ದಾಳಿ ನಡೆಸಿರುವ ಕಂದಾಯ ಗುಪ್ತಚರ ನಿರ್ದೇಶನಾಲಯ (ಡಿಆರ್ಐ) ಅಧಿಕಾರಿಗಳು ಚೀನಾ ತಯಾರಿಸಿದ ರು.2 ಕೋಟಿ ಮೌಲ್ಯದ ಪಟಾಕಿಗಳನ್ನು ವಶಪಡಿಸಿಕೊಂಡಿದ್ದಾರೆ.
ಬುಧವಾರ ಮುಂಬೈ, ಬೆಂಗಳೂರು, ಚೆನ್ನೈ, ತಿರುಚ್ಚಿ, ವಿಜಯವಾಡ, ಮಧುರೈ, ಲೂಧಿಯಾನ ಸೇರಿದಂತೆ ಹಲವು ನಗರಗಳಲ್ಲಿ ದಾಳಿ ನಡೆಸಿದ ಅ„ಕಾರಿಗಳು ಅಕ್ರಮವಾಗಿ ಸಂಗ್ರಹಿಸಿಟ್ಟಿದ್ದ ಚೀನಾ ಪಟಾಕಿಗಳನ್ನು ವಶಪಡಿಸಿಕೊಂಡಿದ್ದಾರೆ ಎಂದು ಹಣಕಾಸು ಸಚಿವಾಲಯ ಪ್ರಕಟಣೆ ತಿಳಿಸಿದೆ.
ವಾಣಿಜ್ಯ ಸಚಿವಾಲಯದ ನೀತಿಗಳಂತೆ ವಿದೇಶಿ ಪಟಾಕಿಗಳನ್ನು ಆಮದು ನಿಷೇಧಿಸಲಾಗಿದೆ. ಈ ಪಟಾಕಿಗಳನ್ನು ಮಾರುವುದು ಸಹ ನಿಯಮಬಾಹಿರವಾಗಿದೆ.
