ನವದೆಹಲಿ: ಪಾಕಿಸ್ತಾನದಲ್ಲಿ ತರಬೇತಿ ಪಡೆದಿರುವ 15 ರಿಂದ 20 ಉಗ್ರರು ಗಡಿಯಿಂದ ಅಕ್ರಮವಾಗಿ ಪಂಜಾಬ್ ಪ್ರವೇಶಿಸಿದ್ದು , ದೆಹಲಿ ಸೇರಿದಂತೆ ದೇಶದ ವಿವಿಧ ಕಡೆ ದಾಳಿ ನಡೆಸಲು ಸಂಚು ರೂಪಿಸಿದ್ದಾರೆ ಎಂದು ಗುಪ್ತಚರ ಇಲಾಖೆ ಎಚ್ಚರಿಕೆ ನೀಡಿದೆ.
ಪಾಕ್‌ ಆಕ್ರಮಿತ ಕಾಶ್ಮೀರದಲ್ಲಿ ಐಎಸ್‌ಐ ನಿಂದ ಈ ಉಗ್ರರು ಶಸ್ತ್ರಾಸ್ತ್ರ ತರಬೇತಿ ಪಡೆದಿದ್ದಾರೆ ಎಂದು ಹೇಳಲಾಗಿದೆ.
ಭಾರತಕ್ಕೆ ನುಸುಳಿರುವ ಉಗ್ರರು ಸಿಖ್‌ ಉಗ್ರಗಾಮಿ ಸಂಘಟನೆಗಳಾದ ಬಬ್ಬರ್‌ ಖಲ್ಸಾ , ಖಲಿಸ್ತಾನ್‌ ಜಿಂದಾಬಾದ್‌ ಫೋರ್ಸ್‌ ನೊಂದಿಗೆ ಕೈಜೋಡಿಸಲು ಯತ್ನಿಸಿವೆ ಎಂದು ಹೇಳಲಾಗಿದೆ.
ಪಾಕ್‌ ಐಎಸ್‌ಐ ಲಷ್ಕರ್‌, ಹಿಜ್ಬುಲ್‌, ಜೈಷೆ ಮೊಹಮದ್‌ ಉಗ್ರ ಸಂಘಟನೆಗಳೊಂದಿಗೆ ಪಾಕ್‌ ಆಕ್ರಮಿತ ಕಾಶ್ಮೀರದಲ್ಲಿ ದಾಳಿಗಾಗಿ ಮಾತುಕತೆ ನಡೆಸಿದೆ ಎಂದು ತಿಳಿದು ಬಂದಿದೆ.
