ಗೋಲಘಾಟ್: ಭಾರತ ಪ್ರವಾಸದಲ್ಲಿರುವ ಬ್ರಿಟನ್ ರಾಜ ದಂಪತಿ ವಿಲಿಯಮ್ಸ್ ಮತ್ತು ಪತ್ನಿ ಕೇಟ್ ಅಸ್ಸಾಂನ ಕಾಝಿರಂಗ ರಾಷ್ಟ್ರೀಯ ಉದ್ಯಾನವನಕ್ಕೆ ಭೇಟಿ ನೀಡಿ ತೆರಳಿದ ಕೆಲ ಗಂಟೆಗಳ ಬಳಿಕ ಕಳ್ಳ ಬೇಟೆಗಾರರು ಘೇಂಡಾಮೃಗವೊಂದನ್ನು ಗುಂಡಿಟ್ಟು ಕೊಂದು ಅದರ ಕೊಂಬಿನೊಂದಿಗೆ ಪರಾರಿಯಾಗಿದ್ದಾರೆ.
ಕಳೆದ ರಾತ್ರಿ ಶಸ್ತ್ರ ಸರ್ಜಿತ ಕಳ್ಳ ಬೇಟೆಗಾರರು ಗಂಡು ಘೇಂಡಾಮೃಗವನ್ನು ಕೊಂದು ಅದರ ಅದರ ಬೆಲೆಬಾಳುವ ಕೊಂಬಿನೊಂದಿಗೆ ಪರಾರಿಯಾಗಿದೆ ಎಂದು ಅರಣ್ಯಾಧಿಕಾರಿ ಸುಭಾಶಿಶ್ ದಾಸ್ ತಿಳಿಸಿದ್ದಾರೆ.
ಉದ್ಯಾನವನದ ಬುರ್ಹಾಪಹಾರ್ ರೇಂಜ್ ನ ವ್ಯಾಪ್ತಿಯಲ್ಲಿ ಘೇಂಡಾಮೃಗದ ಮೃತದೇಹವನ್ನು ವಶ ಪಡಿಸಿಕೊಳ್ಳಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
