ಕರ್ನೂಲ್: ದೇಶದಲ್ಲೆಡೆ ಭೀಕರ ಬರಗಾಲ ಸಂಭವಿಸಿ ಜನರು ನೀರಿಗಾಗಿ, ಕೆಲಸಕ್ಕಾಗಿ ಸಾಕಷ್ಟು ಸಂಕಷ್ಟ ಅನುಭವಿಸುತ್ತಿದ್ದಾರೆ. ಆದರೆ, ಜೊಹರಾಪುರಂ ಹಳ್ಳಿಯ ಯುವಕರಿಗೆ ಬರದ ಪರಿಣಾಮ ಮದುವೆಯಾಗಲು ಹೆಣ್ಣು ಮಕ್ಕಳು ಸಿಗುತ್ತಿಲ್ಲವಂತೆ.
ಜೊಹರಾಪುರಂ ಗ್ರಾಮದಲ್ಲಿ ಭೀಕರ ಬರಗಾಲ ಸಂಭವಿಸಿದ್ದು, ನೀರಿಲ್ಲದೆ ಕಾರಣ ಇಲ್ಲಿನ ಜನತೆಗೆ ಮಾಡಲು ಕೆಲಸವಿಲ್ಲದಂತಾಗಿದೆ. ಹೀಗಾಗಿ ಕೆಲಸವಿಲ್ಲದ ಯುವಕರಿಗೆ ಹೆಣ್ಣು ಮಕ್ಕಳನ್ನು ನೀಡಲು ಪೋಷಕರು ಹಿಂದೂ ಮುಂದು ನೋಡುತ್ತಿದ್ದಾರೆಂದು ಗ್ರಾಮದ ಯುವಕರು ತಮ್ಮ ನೋವನ್ನು ತೋಡಿಕೊಂಡಿದ್ದಾರೆ.
ಈ ಕುರಿತಂತೆ ಮಾತನಾಡಿರುವ ಬಿಎಡ್ ಪದವೀಧರ ಡಿ ಅಹ್ಮದ್, ಬರಗಾಲದಿಂದಾಗಿ ಗ್ರಾಮದ ಯುವಕರು ಬೇರೆ ರಾಜ್ಯಗಳಿಗೆ ಹೋಗುತ್ತಿದ್ದಾರೆ. ಇನ್ನು ಕೆಲವು ಯುವಕರಿಗೆ ಮದುವೆಯಾಗರೂ ಹೆಣ್ಣು ಮಕ್ಕಳು ಸಿಗುತ್ತಿಲ್ಲ. ರೆ ಪ್ರದೇಶದಲ್ಲಿ ಕೆಲಸ ಪಡೆದುಕೊಂಡ ಯುವಕರಿಗೆ ಮಾತ್ರ ಹೆಣ್ಣುಮಕ್ಕಳನ್ನು ಕೊಟ್ಟು ಮದುವೆ ಮಾಡುತ್ತಿದ್ದಾರೆ. ಗ್ರಾಮದಲ್ಲಿ ಬರಗಾಲವಿದ್ದು, ಕುಡಿಯಲು ನೀರು ಸಿಗುತ್ತಿಲ್ಲ ಎಂದು ಹೇಳಿದ್ದಾರೆ.
ಮತ್ತೊಬ್ಬ ಯುವತ ಆರ್ ಸುರೇಶ್ ಮಾತನಾಡಿ, ನನ್ನ ಅಣ್ಣನ ಮದುವೆ ಕುಟುಂಬಕ್ಕೆ ದೊಡ್ಡ ಸಮಸ್ಯೆಯಾಗಿ ಹೋಗಿದೆ. ಕಳೆದ 2 ವರ್ಷದಿಂದಲೂ ಹೆಣ್ಣಿಗಾಗಿ ಹುಡುಕಾಡುತ್ತಿದ್ದೇವೆ. ಮದುವೆ ಮಾತುಕತೆ ಮಾಡಲು ಬರುವವರು ಹಳ್ಳಿಯ ಪರಿಸ್ಥಿತಿ ನೋಡಿ ಮತ್ತೆ ಹಿಂದೆ ಸರಿಯುತ್ತಿದ್ದಾರೆಂದು ಹೇಳಿದ್ದಾರೆ. \
