ಅಮೃತಸರ: ಪೊಲೀಸ್ ಪೇದೆಯೊಬ್ಬ ಹೊಟ್ಟೆ ನೋವೆಂದು ಆಸ್ಪತ್ರೆಗೆ ಸೇರಿದ್ದು ಆತನಿಗೆ ಅಪರೇಷನ್ ಮಾಡಿದಾಗ ಬರೋಬ್ಬರಿ 40 ಚಾಕುಗಳನ್ನು ಕಂಡ ವೈದ್ಯರು ಶಾಕ್ ಆಗಿದ್ದಾರೆ.
ಪಂಜಾಬ್ ನ ಅಮೃತಸರದ ಮುಖ್ಯ ಪೇದೆ ಸುರ್ಜಿತ್ ಸಿಂಗ್ 40 ಚಾಕುಗಳನ್ನು ನುಂಗಿದ್ದು ಸತತ 5 ಗಂಟೆಗಳ ಆಪರೇಷನ್ ನಡೆಸಿ ಆತನ ಹೊಟ್ಟೆಯಿಂದ ಚಾಕುಗಳನ್ನು ಹೊರ ತೆಗೆಯಲಾಗಿದೆ. ಸದ್ಯ ಪೇದೆಯ ಆರೋಗ್ಯ ಸ್ಥಿತಿ ಸುಧಾರಿಸಿದ್ದು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಮುಂದುವರೆದಿದೆ.
ವೈದ್ಯರು ಯಾಕೆ ಇಷ್ಟೊಂದು ಚೂರಿಗಳನ್ನು ನುಂಗಿದೆ ಎಂದು ಕೇಳಿದಕ್ಕೆ ಪೇದೆ ಚಾಕುಗಳನ್ನು ಕಂಡಾಗ ಅದನ್ನು ತಿನ್ನಬೇಕು ಅನಿಸಿತ್ತು ಎಂದು ಗಾಬರಿಪಡುವಂತ ಉತ್ತರ ನೀಡಿದ್ದಾರೆ.
