ಶ್ರೀನಗರ: ಜಮ್ಮು ಮತ್ತು ಕಾಶ್ಮೀರದಲ್ಲಿ ಬಿಜೆಪಿ ಜತೆಗೂಡಿ ಸರ್ಕಾರ ರಚನೆ ಸಮಯ ಮಾತ್ರವೇ ಉತ್ತರಿಸಬಲ್ಲದು ಎಂದು ಪಿಡಿಪಿ ಮುಖ್ಯಸ್ಥೆ ಮೆಹಬೂಬಾ ಮುಫ್ತಿ ಒಗಟಾಗಿ ಹೇಳಿದ್ದಾರೆ.
ಸಾರ್ವಜನಿಕ ಸಭೆಯಲ್ಲಿ ಮಾತನಾಡಿದ ಮೆಹಬೂಬಾ ತಮ್ಮ ತಂದೆಯ ಕನಸುಗಳನ್ನು ಸಾಕಾರಗೊಳಿಸಲು ಸಾಧ್ಯ ಎಂದು ಮನವರಿಕೆಯಾದ ಮೇಲಷ್ಟೇ ಪದಗ್ರಹಣಕ್ಕೆ ಮುಂದಾಗುವುದಾಗಿ ಹೇಳಿದರು.
ಒಂದೆಡೆ ಬಿಜೆಪಿ ಜಮ್ಮು ಮತ್ತು ಕಾಶ್ಮೀರದಲ್ಲಿ ಸರ್ಕಾರ ರಚನೆಗೆ ಒಲವು ತೋರಿದೆ ಆದರೂ ಮೆಹಬೂಬಾ ಈ ಹೇಳಿಕೆ ನೀಡಿರುವುದು ಕಗ್ಗಂಟಾಗಿದೆ. ಸರ್ಕಾರ ರಚನೆ ಸಂಬಂಧ ಬಿಜೆಪಿ ಜತೆಗಿನ ಮಾತುಕತೆಯಲ್ಲಿ ಏನಾದರೂ ಬೆಳವಣಿಗೆ ಆಗಿದೆಯೇ ಎಂಬ ಪತ್ರಕರ್ತರ ಪ್ರಶ್ನೆ ಮೆಹಬೂಬಾ ಸಮಯ ಮಾತ್ರವೇ ಉತ್ತರಿಸಬಲ್ಲದು ಎಂದು ಒಗಟಿನ ಉತ್ತರ ನೀಡಿದರು.
Advertisement