ಉತ್ತರಾಖಂಡದಲ್ಲಿ ಬಂಧಿತರಾದ ಯುವಕರು ಅರ್ಧ ಕುಂಭಮೇಳದ ವೇಳೆ ದಾಳಿ ನಡೆಸಲು ಸಂಚು ರೂಪಿಸಿದ್ದರು!

ನವದೆಹಲಿ: ಉತ್ತರಾಖಂಡದ ಹರಿದ್ವಾರದಲ್ಲಿ ದೆಹಲಿ ಪೊಲೀಸ್ ಪಡೆಯ ವಿಶೇಷ ದಳ ಬಂಧಿಸಿದ ನಾಲ್ವರು ಶಂಕಿತರು ಅರ್ಧಕುಂಭ ಮೇಳ ನಡೆಯುವಾಗ ದಾಳಿ ನಡೆಸಲು ಸಂಚು ಹೂಡಿದ್ದರು ಎನ್ನಲಾಗುತ್ತಿದೆ. ಜನವರಿ ತಿಂಗಳಲ್ಲಿ ಆರಂಭವಾದ ಕುಂಭಮೇಳ ನಾಲ್ಕು ತಿಂಗಳ ವರೆಗೆ ಮುಂದುವರಿಯಲಿದೆ. ಈ ಶಂಕಿತರು ಕುಂಭಮೇಳಕ್ಕೆ ರೈಲಿನಲ್ಲಿ ಆಗಮಿಸುವ ಜನರ ಮೆಲೆ ದಾಳಿ ಮಾಡಲು ಸಂಚು ಹೂಡಿದ್ದರು ಎಂದು ವಿಶೇಷ ಪಡೆಯ ಅಧಿಕೃತರು ಹೇಳಿದ್ದಾರೆ. 

ಬಂಧಿತರನ್ನು ಅಖ್ಲಾಕ್ ಉರ್ ರೆಹಮಾನ್, ಮೊಹಮ್ಮದ್ ಒಸಾಮಾ, ಮೊಹಮ್ಮದ್ ಅಜೀಮ್ ಶಾ ಮತ್ತು ಮೊಹಮ್ಮದ್ ಮೆಹ್‌ರಾಜ್ ಎಂದು ಗುರುತಿಸಲಾಗಿದೆ. ಪೊಲೀಸರ ಪ್ರಕಾರ ಅಖ್ಲಾಕ್ ಭಗವಾನ್‌ಪುರ್ ಚಂದನ್‌ಪುರ್ ಗ್ರಾಮದ ನಿವಾಸಿಯಾಗಿದ್ದು, ಅಜೀಮ್  ಮತ್ತು ಮೆಹ್‌ರಾಜ್ ಲಾಂಧುರಾದವರಾಗಿದ್ದಾರೆ. ಅದೇ ವೇಳೆ ಒಸಾಮಾ ಹರಿದ್ವಾರ ಜಿಲ್ಲೆಯ  ಜರೋಸಾ ಗ್ರಾಮದವನಾಗಿದ್ದಾನೆ. ಬಂಧಿತರಾದವರೆಲ್ಲ  18-22ರ ವಯಸ್ಸಿನವರಾಗಿದ್ದಾರೆ ಎಂದು ಪೊಲೀಸರು ಹೇಳಿದ್ದು, ಹೆಚ್ಚಿನ ತನಿಖೆ ನಡೆಯುತ್ತಿದೆ.