ನವದೆಹಲಿ: ರಾಷ್ಟ್ರರಾಜಧಾನಿ ದೆಹಲಿಯಲ್ಲಿ ಗೋಮಾಂಸ ಖರೀದಿ, ಬಳಕೆಯನ್ನು ಅಪರಾಧಿಕಾರಣಗೊಳಿಸಿರುವುದನ್ನು ಪ್ರಶ್ನಿಸಿ ಪಿಐಎಲ್ ದಾಖಲಾಗಿರುವ ಹಿನ್ನೆಲೆಯಲ್ಲಿ ದೆಹಲಿ ಹೈಕೋರ್ಟ್ ಸರ್ಕಾರದ ಪ್ರತಿಕ್ರಿಯೆ ಕೇಳಿದೆ.
ದೆಹಲಿಯಲ್ಲಿ ಗೋಮಾಂಸ ಖರೀದಿಸುವುದು ಹಾಗೂ ಬಳಕೆ ಮಾಡುವುದರ ಬಗ್ಗೆ ದೆಹಲಿ ಕೋರ್ಟ್ ನ ನ್ಯಾ. ಜಿ ರೋಹಿಣಿ, ನ್ಯಾ. ಸಂಗೀತ ಸೆಹಗಲ್ ಅವರ ವಿಭಾಗೀಯ ಪೀಠ ಸರ್ಕಾರದಿಂದ ಪ್ರತಿಕ್ರಿಯೆ ಕೇಳಿದ್ದು, ಸೆ.14 ರೊಳಗೆ ಉತ್ತರಿಸಬೇಕು ಎಂದು ಸೂಚನೆ ನೀಡಿದೆ. ದೆಹಲಿಯ ಕೃಷಿ ಜಾನುವಾರು ರಕ್ಷಣಾ ಕಾಯ್ದೆ ಪ್ರಕಾರ ಗೋಮಾಂಸ ಇಟ್ಟುಕೊಳ್ಳುವುದು ಹಾಗೂ ಸೇವನೆ ಮಾಡುವುದು ಕ್ರಿಮಿನಲ್ ಅಪರಾಧವಾಗಿದೆ. ಈ ಕಾಯ್ದೆಯಲ್ಲಿನ ಕೆಲವು ಅಂಶಗಳನ್ನು ರದ್ದುಗೊಳಿಸಬೇಕೆಂದು ಆಗ್ರಹಿಸಿ ಎಸ್ ಸಿ/ಎಸ್ ಟಿ ಅಭಿವೃದ್ಧಿಗಾಗಿ ಕೆಲಸ ಮಾಡುತ್ತಿರುವ ಎನ್ ಜಿ ಒ ಹೈಕೋರ್ಟ್ ಮೆಟ್ಟಿಲೇರಿದ್ದು, ಕಾಯ್ದೆಯ ಅಂಶಗಳು ಮೂಲಭೂತ ಹಕ್ಕುಗಳ ಉಲ್ಲಂಘನೆ ಮಾಡುತ್ತಿದೆ ಎಂದು ವಾದಿಸಿದೆ.
