ಮೋದಿ ಡಿಗ್ರಿ ವಿವಾದ: ಪ್ರಮಾಣ ಪತ್ರದ ಹಿಂದೆ ರಹಸ್ಯವಿದೆ ಎಂದ ಕೇಜ್ರಿವಾಲ್

ನವದೆಹಲಿ: ಮತ್ತೆ ಪ್ರಧಾನಮಂತ್ರಿ ನರೇಂದ್ರ ಮೋದಿಯವರು ಪದವಿ ಪ್ರಮಾಣಪತ್ರ ಸುದ್ದಿಗೆ ಬಂದಿದ್ದು, ದೆಹಲಿ ಮುಖ್ಯಮಂತ್ರಿ ಅರವಿಂದ ಕೇಜ್ರಿವಾಲ್ ಅವರು ದೆಹಲಿ ವಿಶ್ವವಿದ್ಯಾಲಯ ನೀಡಿರುವ ಪದವಿ ಪ್ರಮಾಣಪತ್ರದ ಹಿಂದೆ ರಹಸ್ಯವಿದೆ ಎಂದು ಭಾನುವಾರ ಹೇಳಿದ್ದಾರೆ.

ಈ ಕುರಿತಂತೆ ಟ್ವಿಟರ್ ನಲ್ಲಿ ಪ್ರತಿಕ್ರಿಯೆ ನೀಡಿರುವ ಅವರು, ದೆಹಲಿ ವಿಶ್ವವಿದ್ಯಾಲಯ ಮೋದಿಯವರಿಗೆ ನೀಡಿರುವ ಪದವಿ ಪ್ರಮಾಣ ಪತ್ರದ ಹಿಂದೆ ರಹಸ್ಯ ಅಡಗಿದೆ. ಪದವಿ ಪ್ರಮಾಣಪತ್ರ ಪ್ರಮಾಣಿಕ ಹಾಗೂ ಅಧಿಕೃತವಾದದ್ದು ಎಂದು ಅಮಿತ್ ಶಾ ಆಗಲಿ ಅಥವಾ ಜೇಟ್ಲಿ ಅವರಾಗಲೀ ಯಾಕೆ ಮಾತನಾಡುತ್ತಿಲ್ಲ ಎಂದು ಹೇಳಿದ್ದಾರೆ.

ಪ್ರಧಾನಮಂತ್ರಿ ನರೇಂದ್ರ ಮೋದಿಯವರು ಪದವಿ ವಿಚಾರ ಖಾಸಗಿ ವಿಚಾರವೆಂದು ವಿಶ್ವವಿದ್ಯಾಲಯ ತಿಳಿಯುವುದಾದರೆ, ಈ ಬಗ್ಗೆ ಮೋದಿಯವರಿಗೆ ಪತ್ರವನ್ನು ಬರೆಯಲಿ. ಈ ಬಗ್ಗೆ ಸ್ಪಷ್ಟನೆ ತಿಳಿದುಕೊಂಡು ಅನುಮತಿ ಕೇಳಲಿ ಎಂದು ಹೇಳಿದ್ದಾರೆ.