5ರ್ಷಗಳಲ್ಲಿ 298 ಭಾರತೀಯರಿಗೆ ಪಾಕಿಸ್ತಾನದ ಪೌರತ್ವ: ಪಾಕ್ ಸಚಿವಾಲಯ

ಇಸ್ಲಾಮಾಬಾದ್: ಪಾಕಿಸ್ತಾನ ಕಳೆದ 5 ವರ್ಷಗಳಲ್ಲಿ 298 ಭಾರತೀಯ ವಲಸಿಗರಿಗೆ ತನ್ನ ದೇಶದ ಪೌರತ್ವ ನೀಡಿದೆ ಎಂದು ಪಾಕಿಸ್ತಾನ ಸಚಿವಾಲಯ ಹೇಳಿದೆ. 

2016 ರಲ್ಲಿ ಅತಿ ಹೆಚ್ಚು ಅಂದರೆ 69 ಜನರಿಗೆ ಪಾಕಿಸ್ತಾನದ ಪೌರತ್ವ ಲಭ್ಯವಾಗಿದ್ದು, 2013 ರಿಂದ ಅಲ್ಲಿನ ಪೌರತ್ವ ಪಡೆದಿರುವ ಭಾರತೀಯ ವಲಸಿಗರ ಸಂಖ್ಯೆ ಹೆಚ್ಚುತ್ತಿದೆ. 2012 ರಿಂದ 2017 ವರೆಗೆ ಒಟ್ಟು 298 ಭಾರತೀಯ ವಲಸಿಗರಿಗೆ ಪಾಕಿಸ್ತಾನದ ಪೌರತ್ವ ದೊರೆತಿದ್ದು, 2012 ರಲ್ಲಿ 48, 2013 ರಲ್ಲಿ 75, 2014 ರಲ್ಲಿ 76, 2015 ರಲ್ಲಿ 15, 2016 ರಲ್ಲಿ 69 ಜನರಿಗೆ ಪೌರತ್ವ ನೀಡಿರುವುದಾಗಿ ಪಾಕಿಸ್ತಾನದ ಸರ್ಕಾರ ಹೇಳಿದೆ. 

ಭಾರತವಷ್ಟೇ ಅಲ್ಲದೇ ಅಫ್ಘಾನಿಸ್ತಾನ, ಬಾಂಗ್ಲಾದೇಶ, ಬರ್ಮಾದ ವಲಸಿಗರೂ ಸಹ ಪಾಕಿಸ್ತಾನದ ಪೌರತ್ವ ಪಡೆದಿದ್ದಾರೆ.