ಗುಜರಾತ್, ಹಿಮಾಚಲ ಪ್ರದೇಶ ಚುನಾವಣೆ ಸೋಲು ಒಪ್ಪಿಕೊಳ್ಳುತ್ತೇನೆ: ರಾಹುಲ್ ಗಾಂಧಿ

ನವದೆಹಲಿ: ಗುಜರಾತ್ ಹಾಗೂ ಹಿಮಾಚಲ ಪ್ರದೇಶ ವಿಧಾನಸಭೆ ಚುನಾವಣೆಯ ಸೋಲನ್ನು ಒಪ್ಪಿಕೊಳ್ಳುತ್ತೇನೆ ಎಂದು ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ ಹೇಳಿದ್ದಾರೆ. 

ಜನರ ತೀರ್ಪನ್ನು ಕಾಂಗ್ರೆಸ್ ಪಕ್ಷ ಸ್ವೀಕರಿಸುತ್ತದೆ ಮತ್ತು ಎರಡು ರಾಜ್ಯಗಳಲ್ಲಿ ಅಧಿಕಾರ ನಡೆಸುವ ಪಕ್ಷಕ್ಕೆ ಅಭಿನಂದನೆ ಸಲ್ಲಿಸುತ್ತೇನೆ. ನನಗೆ ಪ್ರೀತಿ ಆದರ ತೋರಿದ ಗುಜರಾತ್ ಮತ್ತು ಹಿಮಾಚಲ ಪ್ರದೇಶದ ಜನರಿಗೆ ನಾನು ಹೃದಯಪೂರ್ವಕ ಧನ್ಯವಾದ ಸಲ್ಲಿಸುತ್ತೇನೆ ಎಂದರು. 

ನನ್ನ ಕಾಂಗ್ರೆಸ್ ಸೋದರ ಮತ್ತು ಸಹೋದರಿಯರೇ, ನೀವು ನಾನು ಬಹಳ ಹೆಮ್ಮೆ ಪಡುವಂತೆ ಕೆಲಸ ಮಾಡಿದ್ದೀರಿ. ನೀವು ಹೋರಾಡಿದ ಸಂಗತಿಗಿಂತ ನೀವು ಭಿನ್ನರಾಗಿದ್ದೀರಿ ಏಕೆಂದರೆ ನೀವು ಕೋಪಗಿಂತ ಹೆಚ್ಚು ಘನತೆಯಿಂದ ಹೋರಾಡಿದ್ದೀರಿ. ಕಾಂಗ್ರೆಸ್ ನ ಮಹಾನ್ ಶಕ್ತಿ, ಯೋಗ್ಯತೆ ಮತ್ತು ಧೈರ್ಯವನ್ನು ನೀವು ಎಲ್ಲರಿಗೂ ತೋರಿಸಿದ್ದೀರಿ ಎಂದು ಕಾರ್ಯಕರ್ತರಿಗೆ ಶುಭಾಶಯ ಹೇಳಿದ್ದಾರೆ. 

ನಿಮ್ಮೆಲ್ಲರ ಶ್ರಮದಿಂದಾಗಿಯೇ ಗುಜರಾತ್ ನ 182 ಸ್ಥಾನಗಳ ಪೈಕಿ ಬಿಜೆಪಿ 99 ಸ್ಥಾನಗಳಲ್ಲಿ ಗೆಲುವು ಸಾಧಿಸಿದ್ದು 80 ಸ್ಥಾನಗಳೊಂದಿಗೆ ನಾವು ತುಂಬ ಹತ್ತಿರದಲ್ಲಿದ್ದೇವೆ ಎಂದರು.