ರೂಪ್ನಗರ್(ಪಂಜಾಬ್): ಆಮ್ ಆದ್ಮಿ ಪಕ್ಷ(ಎಎಪಿ) ರೂಪ್ ನಗರದ ಶಾಸಕ ಅಮರ್ ಜಿತ್ ಸಿಂಗ್ ಸನೋಡ ವಿರುದ್ಧ ಹಲ್ಲೆ ಪ್ರಕರಣವನ್ನು ದಾಖಲಿಸಲಾಗಿದೆ.
ಅಮರ್ ಜಿತ್ ಸನೋಡ ಅವರು ಮನೆಯನ್ನು ಬಾಡಿಗೆಗೆ ತೆಗೆದುಕೊಂಡು ಇದೀಗ ಬಾಡಿಗೆ ಮತ್ತು ವಿದ್ಯುತ್ ಬಿಲ್ ಸಹ ನೀಡಿಲ್ಲ ಎಂದು ಮನೆಯೊಡತಿ ದೂರು ನೀಡಿದ್ದು ಈ ದೂರಿನನ್ವಯ ಅಮರ್ ಜಿತ್ ಸಿಂಗ್ ವಿರುದ್ಧ ಹಲ್ಲೆ ಪ್ರಕರಣ ದಾಖಲಿಸಲಾಗಿದೆ.
ಮನೆಯ ಬಾಡಿಗೆ ಹಣವನ್ನು ನೀಡುವಂತೆ ಅಮರ್ ಜಿತ್ ಸಿಂಗ್ ಅವರನ್ನು ಕೇಳಿದಾಗ ಅವರು ನನ್ನ ಮೇಲೆ ಹಲ್ಲೆ ಮಾಡಿದ್ದು ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದಾರೆ ಎಂದು ಮಹಿಳೆ ತಮ್ಮ ದೂರಿನಲ್ಲಿ ತಿಳಿಸಿದ್ದಾರೆ.
ಈ ಪ್ರಕರಣ ಸಂಬಂಧ ಪ್ರತಿಕ್ರಿಯಿಸಿರುವ ಅಮರ್ ಜಿತ್ ಸಿಂಗ್ ಈ ಆರೋಪವನ್ನು ತಳ್ಳಿಹಾಕಿದ್ದಾರೆ. ನನ್ನ ವಿರುದ್ಧ ರಾಜಕೀಯ ಪಿತ್ತೂರಿ ನಡೆಸಲಾಗಿದೆ ಎಂದು ಹೇಳಿದ್ದಾರೆ.
