ರೈಲಿನಲ್ಲಿ ಆಹಾರದ ದರ ಪಟ್ಟಿ ಬಿಡುಗಡೆ ಮಾಡಿದ ರೈಲ್ವೆ ಸಚಿವಾಲಯ, 50 ರು.ಗೆ ಊಟ, 30 ರು. ತಿಂಡಿ

ನವದೆಹಲಿ: ರೈಲಿನಲ್ಲಿ ಊಟ, ತಿಂಡಿಯ ಬೆಲೆ ಹೆಚ್ಚಾಗಿದೆ ಎಂಬ ದೂರುಗಳು ಕೇಳಿಬಂದ ಹಿನ್ನೆಲೆಯಲ್ಲಿ ರೈಲ್ವೆ ಸಚಿವಾಲಯ ಮಂಗಳವಾರ ದರ ಪಟ್ಟಿಯನ್ನು ಬಿಡುಗಡೆ ಮಾಡಿದ್ದು, ಒಂದು ವೇಳೆ ನಿಗದಿ ಮಾಡಿರುವ ದರಕ್ಕಿಂತ ಹೆಚ್ಚು ದರ ವಿಧಿಸಿದರೆ ದೂರು ನೀಡುವಂತೆ ಸಚಿವಾಲಯ ತಿಳಿಸಿದೆ.

ಭಾರತೀಯ ರೈಲ್ವೆಯ ಕೇಟರಿಂಗ ದರ ಪಟ್ಟಿಯನ್ನು ಗಮನಿಸಿ, ಒಂದು ವೇಳೆ ಇದಕ್ಕೂ ಹೆಚ್ಚು ದರ ವಿಧಿಸಿದರೆ @RailMinIndiaಗೆ ದೂರು ನೀಡಿ, ನಿಮಗಾಗಿ ನಾವು 24 ಗಂಟೆ ಕೆಲಸ ಮಾಡುತ್ತೇವೆ ಎಂದು ರೈಲ್ವೆ ಸಚಿವಾಲಯ ಇಂದು ಟ್ವೀಟ್ ಮಾಡಿದೆ.

ಕಾಫೀ, ಟೀ ಗೆ 7 ರುಪಾಯಿ

1 ಲೀಟರ್ ಕುಡಿಯುವ ನೀರಿಗೆ 15 ರುಪಾಯಿ

ಸಸ್ಯಹಾರಿ ತಿಂಡಿಗೆ 30 ರುಪಾಯಿ 

ಮಾಂಸಹಾರಿ ತಿಂಡಿಗೆ 35 ರುಪಾಯಿ

ಸಸ್ಯಹಾರಿ ಊಟಕ್ಕೆ 50 ರುಪಾಯಿ

ಮಾಂಸಹಾರಿ ಊಟಕ್ಕೆ 55 ರುಪಾಯಿ