ಅಲ್ ಫ್ರಡ್ ನ ಪ್ರೌಢಶಾಲೆ ಮುಚ್ಚುವುದಕ್ಕೆ ಗುಜರಾತ್ ರಾಜ್ಯ ಸರ್ಕಾರವೇ ಆದೇಶ ನೀಡಿದ್ದು, ಶಾಲೆಯಲ್ಲಿ ನೋಂದಣಿ ಮಾಡಿಕೊಂಡಿದ್ದ 150 ವಿದ್ಯಾರ್ಥಿಗಳಿಗೆ ಟಿ.ಸಿ ನೀಡಲಾಗಿದೆ. ಮಹಾತ್ಮಾ ಗಾಂಧಿ ಓದಿದ್ದ ಅಲ್ ಫ್ರಡ್ ಪ್ರೌಢಶಾಲೆಯಲ್ಲಿ 12 ಕೋಟಿ ರೂಪಾಯಿ ವೆಚ್ಚದಲ್ಲಿ ಮಹಾತ್ಮಾ ಗಾಂಧಿ ಅವರ ಕುರಿತ ಮ್ಯೂಸಿಯಂ ನ್ನು ಪ್ರಾರಂಭಿಸಬೇಕಾಗಿದ್ದು, ಇದಕ್ಕಾಗಿ 2016 ರಲ್ಲಿ ಗುಜರಾತ್ ಸರ್ಕಾರ ಅಧಿಸೂಚನೆ ಹೊರಡಿಸಿದೆ. ಗುಜರಾತ್ ಸರ್ಕಾರದ ಅಧಿಸೂಚನೆಯಂತೆ ಮಹಾತ್ಮಾ ಗಾಂಧಿ ಓದಿದ್ದ ಪ್ರೌಢ ಶಾಲೆಯನ್ನು ಮುಚ್ಚಿಸಲಾಗಿದೆ. ಶಾಲೆ ನಡೆಸುವುದಕ್ಕೆ ಹಾಗೂ ಮ್ಯೂಸಿಯಂ ಮಾಡುವುದಕ್ಕೆ ಅಲ್ ಫ್ರಡ್ ಶಾಲೆಯಿರುವ ಪ್ರದೇಶ ವಿಶಾಲವಾಗಿರುವುದಕ್ಕೆ ಮಹಾತ್ಮಾ ಗಾಂಧಿ ಕುರಿತ ಮ್ಯೂಸಿಯಂ ಮಾಡುವುದಕ್ಕೆ ಅಲ್ ಫ್ರಡ್ ಪ್ರೌಢ ಶಾಲೆಯನ್ನೇ ಆಯ್ಕೆ ಮಾಡಿಕೊಳ್ಳಲಾಗಿದೆ.
