ರಕ್ಷಣಾ ಸಚಿವನಾಗಿದ್ದಾಗ ಹುತಾತ್ಮ ಯೋಧರ ಸಂಖ್ಯೆ ಕಡಿಮೆಯಾಗುವಂತೆ ನೋಡಿಕೊಂಡಿದ್ದೆ: ಮನೋಹರ್ ಪರಿಕ್ಕರ್

ನವದೆಹಲಿ: ದೇಶದ ರಕ್ಷಣಾ ಸಚಿವ ಸ್ಥಾನದಲ್ಲಿದ್ದ ಸಂದರ್ಭದಲ್ಲಿ ಹುತಾತ್ಮ ಯೋಧರ ಸಂಖ್ಯೆ ಕಡಿಮೆಯಾಗುವಂತೆ ನೋಡಿಕೊಂಡಿದ್ದ ಎಂದು ಗೋವಾ ಮುಖ್ಯಮಂತ್ರಿ ಮನೋಹರ್ ಪರಿಕ್ಕರ್ ಅವರು ಭಾನುವಾರ ಹೇಳಿದ್ದಾರೆ. 

ಪಣಜಿಯಲ್ಲಿ ಆಯೋಜಿಸಲಾಗಿದ್ದ ಕಾರ್ಯಕ್ರಮವೊಂದರಲ್ಲಿ ಮಾತನಾಡಿರುವ ಅವರು, ದೇಶಕ್ಕಾಗಿ ಹುತಾತ್ಮರಾಗುವುದು ಹಾಗೂ ತ್ಯಾಗ ಮಾಡುವುದು ಅತ್ಯಂತ ಮಹತ್ವವುಳ್ಳದ್ದು ಎಂದು ನಾನು ಯೋಧರಿಗೆ ಹೇಳಿದ್ದೆ. ಆದರೆ,ಇದರ ಅರ್ಥ ಯೋಧರು ಸಾವನ್ನಪ್ಪಲಿ ಎಂದಲ್ಲ. ಯುದ್ಧಕ್ಕೆ ಹೋದಾಗ ಶತ್ರುಗಳನ್ನು ಕೊಲ್ಲಬೇಕು ಎಂದು ಹೇಳಿದ್ದಾರೆ. 

ಒಬ್ಬ ರಕ್ಷಣಾ ಸಚಿವನಾಗಿ ನಾನು ಯಾವಾಗಲೂ ಯೋಧರು ಹುತಾತ್ಮರಾಗುವ ಸಂಖ್ಯೆಯನ್ನು ಕಡಿಮೆಯಾಗುವಂತೆ ನೋಡಿಕೊಂಡಿದ್ದೆ ಎಂದು ತಿಳಿಸಿದ್ದಾರೆ.