ರಾಜಸ್ಥಾನ: ಚಲಿಸುತ್ತಿದ್ದ ರೈಲಿನಿಂದ ಹಾರಿದ್ದ ಡಚ್ ಪ್ರವಾಸಿಗ ಸಾವು

ಸವಾಯಿ ಮಧೋಪುರ್(ರಾಜಸ್ಥಾನ): ತಾನು ತಪ್ಪಾದ ರೈಲನ್ನೇರಿದ್ದೇನೆ ಎಂದು ಅರಿತ ಡಚ್ ಪ್ರವಾಸಿಗನೊಬ್ಬ ಚಲಿಸುತ್ತಿದ್ದ ರೈಲಿನಿಂದ ಇಳಿಯಲು ಪ್ರಯತ್ನಿಸಿ ಮೃತಪಟ್ಟಿದ್ದಾನೆ.

ಮೃತ ವ್ಯಕ್ತಿಯನ್ನು ನೆದರ್ಲ್ಯಾಂಡ್ ಮೂಲದ ಎರಿಕ್ ಜೊಹಾನ್ನೆ (54) ಎಂದು ಗುರುತಿಸಲಾಗಿದೆ. ಆತನು ಬ್ರಿಟನ್ ಮೂಲದ ತನ್ನ ಇನ್ನೋರ್ವ ಸ್ನೇಹಿತನೊಡನೆ ನವದೆಹಲಿಗೆ  ಹೊರಟಿದ್ದ  ಶತಾಬ್ದಿ ಎಕ್ಸ್ ಪ್ರೆಸ್ ಏರಿದ್ದರು. ಆದರೆ ರೈಲು ಪ್ಲಾಟ್ ಪಾರಂ ಬಿತ್ತ ನಂತರ ತಾವು ತಪ್ಪಾದ ರೈಲನ್ನು ಹತ್ತಿದ್ದೇವೆಂದು ಅವರಿಗೆ ತಿಳಿದಿದೆ. ಅದೇ ತಕ್ಷಣ ಇಬ್ಬರೂ  ಚಲಿಸುತ್ತಿದ್ದ ರೈಲಿನಿಂದಲೇ ಕೆಳಗೆ ಜಿಗಿದಿದ್ದಾರೆ.

ಘಟನೆಯಲ್ಲಿ ಎರಿಕ್ ತಲೆಗೆ ಗಂಭೀರ ಗಾಯಗಳಾಗಿತ್ತು. ಆದರೆ ಆತನ ಬ್ರಿಟೀಷ್ ಸ್ನೇಹಿತನಿಗೆ ಯಾವ ಗಾಯಗಳಾಗಿರಲಿಲ್ಲ ಎಂದು ಸವಾಯಿ ಮಾಧೋಪುರ್ ನ ಎಸ್ ಎಚ್ ಓ, ಜಿಆರ್ ಪಿ ಗಿರಿಜಾ ರಾಮ್ ಹೇಳಿದ್ದಾರೆ.

ಇಬ್ಬರು ಪ್ರವಾಸಿಗರು ನಿನ್ನೆ ಸಂಜೆ ಸವಾಯಿ ಮಾಧೋಪುರ್ ಗೆ ಬಂದಿದ್ದರು. ಇಂದು ಇಬ್ಬರೂ ಆಗ್ರಾ ಗೆ ತೆರಳಲು ರೈಲು ಬುಕ್ ಮಾಡಿದ್ದರು. ಆದರೆ ತಾವು ಮೊದಲು ನಿರ್ಧರಿಸಿದ್ದ ರೈಲಿನ ಬದಲು ನವದೆಹಲಿಗೆ ತೆರಳುವ ರೈಲು ಹತ್ತಿದ್ದರು. ಘಟನೆ ಕುರಿತಂತೆ ಪ್ರಕರಣ ದಾಖಲಾಅಗಿದ್ದು ಮರಣೋತ್ತರ ಪರೀಕ್ಷೆಗಾಗಿ ಮೃತದೇಹವನ್ನು ಶವಾಗಾರದಲ್ಲಿ ಇರಿಸಲಾಗಿದೆನ್ ಎಂದು ಅವರು ಹೇಳಿದ್ದಾರೆ.