ಮಂಗಳೂರು: ಪಾನಮತ್ತ ಪೈಲೆಟ್ ನಿಂದ ದುಬೈ ಗೆ ತೆರಳಬೇಕಿದ್ದ ಸ್ಪೈಸ್ ಜೆಟ್ ವಿಮಾನ 4 ಗಂಟೆ ವಿಳಂಬ

ಮಂಗಳೂರು: ಮಂಗಳೂರಿನಿಂದ ದುಬೈ ಗೆ ತೆರಳಬೇಕಿದ್ದ ಸ್ಪೈಸ್ ಜೆಟ್ ವಿಮಾನ ಪಾನಮತ್ತ ಪೈಲೆಟ್ ನಿಂದಾಗಿ 4 ಗಂಟೆಗಳ ಕಾಲ ವಿಳಂಬವಾಗಿರುವ ಘಟನೆ ಜ.17 ರಂದು ರಾತ್ರಿ ನಡೆದಿದೆ. 

180 ಪ್ರಯಾಣೀಕರಿದ್ದ ಸ್ಪೈಸ್ ಜೆಟ್ ಎಸ್ ಜಿ-೦59 ವಿಮಾನ, ಮಂಗಳೂರಿನಿಂದ 12:15 ಕ್ಕೆ ಟೇಕ್ ಆಫ್ ಆಗಬೇಕಿತ್ತು. ಆದರೆ ವಿಮಾನ ಹೊರಡುವುದಕ್ಕೂ ಮುನ್ನ ನಡೆಸಿದ ವೈದ್ಯಕೀಯ ತಪಾಸಣೆ ವೇಳೆ ಸಹ ಪೈಲೆಟ್ ಉಲ್ಕು ಎರಿಕ್ ಪಾನಮತ್ತನಾಗಿರುವುದು ಕಂಡುಬಂದಿದೆ. ಪರಿಣಾಮ ಮುನ್ನೆಚ್ಚರಿಕಾ ಕ್ರಮವಾಗಿ ಆತನಿಗೆ ವಿಮಾನ ಚಾಲನೆ ಮಾಡಲು ಅವಕಾಶ ನೀಡದೇ ಮತ್ತೋರ್ವ ಪೈಲೆಟ್ ನ್ನು ಕರೆಸಿ ವಿಮಾನ ಟೇಕ್ ಆಫ್ ಆಗುವ ವೇಳೆಗೆ ಬೆಳಿಗ್ಗೆ 4:30 ಆಗಿತ್ತು 

ಪಾನಮತ್ತನಾಗಿದ್ದ ಪೈಲೆಟ್ ಟರ್ಕಿಯ ವಿಮಾನ ಸಂಸ್ಥೆಗೆ ಸೇರಿದ್ದವರಾಗಿದ್ದು, ಸ್ಪೈಸ್ ಜೆಟ್ ಹಾಗೂ ಟರ್ಕಿಯ ವಿಮಾನ ಸಂಸ್ಥೆಯ ಒಪ್ಪಂದದ ಮೇರೆಗೆ ಪೈಲೆಟ್ ನ್ನು ನಿಯೋಜಿಸಲಾಗಿತ್ತು.