ನವದೆಹಲಿ : ಕೇಂದ್ರಿಯ ಪ್ರೌಢ ಶಿಕ್ಷಣ ಮಂಡಳಿ (ಸಿಬಿಎಸ್ ಇ ) 12 ನೇ ತರಗತಿಯ ಪರೀಕ್ಷಾ ಫಲಿತಾಂಶ ಇಂದು ಪ್ರಕಟಗೊಂಡಿದೆ.
ಈ ಬಾರಿ ಒಟ್ಟಾರೇ ಶೇ. 83. 01 ರಷ್ಟು ವಿದ್ಯಾರ್ಥಿಗಳು ತೇಗರ್ಡೆ ಹೊಂದಿದ್ದಾರೆ. ವಲಯವಾರು ವಿಭಾಗದಲ್ಲಿ ತ್ರಿವೇಂದ್ರಮ್ (ಶೇ. 97.32 ) ಚೆನ್ನೈ ( ಶೇ. 93. 8 ) ಮತ್ತು ದೆಹಲಿ ಶೇ. 89 ರಷ್ಟು ಸಾಧನೆ ಮಾಡಿವೆ. ಗಾಜಿಯಾಬಾದ್ ನ ಮೇಘನಾ ಶ್ರೀವಾಸ್ತವ 500 ಅಂಕಕ್ಕೆ 499 ಅಂಕ ಪಡೆದು ಟಾಪರ್ ಆಗಿ ಹೊರ ಹೊಮ್ಮಿದ್ದಾಳೆ.
ವಿದ್ಯಾರ್ಥಿಗಳು ತಮ್ಮ ಫಲಿತಾಂಶವನ್ನು ಇಲ್ಲಿ ನೋಡಬಹುದು. cbse.nic.in, cbseresults.nic.in, results.nic.in, cbse.examresults.net and results.gov.in.
ಫಲಿತಾಂಶದ ಬಗ್ಗೆಗಿನ ವಿದ್ಯಾರ್ಥಿಗಳಲ್ಲಿನ ಭೀತಿಯನ್ನು ಹೋಗಲಾಡಿಸುವ ಸಲುವಾಗಿ ಬೋರ್ಡ್ ವತಿಯಿಂದ ಟೆಲಿ ಕೌನ್ಸಲಿಂಗ್ ಸರ್ವಿಸ್ ಕೇಂದ್ರಗಳನ್ನು ತೆರೆಯಲಾಗಿದೆ. 1800 11 8004 ಮೂಲಕ ಸಹಾಯವಾಣಿ ಸಂಪರ್ಕಿಸಬಹುದು
ಎಲ್ಲಾ ದಿನಗಳಲ್ಲೂ ಇದು ಕಾರ್ಯನಿರ್ವಹಿಸಲಿದ್ದು, ಬೆಳಗ್ಗೆ 8 ರಿಂದ ರಾತ್ರಿ 10 ಗಂಟೆಯವರೆಗೂ ದೇಶದ ಯಾವುದೇ ಕಡೆಯಿಂದಲೂ ಕರೆ ಮಾಡಿ ಮಾಹಿತಿ ಪಡೆಯಬಹುದಾಗಿದೆ.
