ರಾಹುಲ್ ಗಾಂಧಿ ನಿಫಾಹ್ ವೈರಸ್ ನಂತೆ: ಹರ್ಯಾಣ ಸಚಿವ

ನವದೆಹಲಿ: ಹರಿಯಾಣದ ಸಚಿವ ಅನಿಲ್ ವಿಜ್ ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ ಅವರನ್ನು ನಿಫಾ ವೈರಸ್‌ಗೆ ಹೋಲಿಸಿದ್ದಾರೆ.

ಕಾಂಗ್ರೆಸ್ ಅಧ್ಯಕ್ಷರು ನಿಫಾ ವೈರಸ್‍ನಂತೆ. ಯಾವುದೇ ರಾಜಕೀಯ ಪಕ್ಷ ಅವರ ಸಂಪರ್ಕಕ್ಕೆ ಬಂದರೆ ಅವರು ನಾಶವಾಗಿ ಬಿಡುತ್ತಾರೆ ಎಂದು ಅವರು ಟ್ವೀಟ್ ಮಾಡಿದ್ದಾರೆ.

ರಾಹುಲ್ ಗಾಂಧಿ ಬಗ್ಗೆ ಲೇವಡಿ ಮಾಡಿರುವುದು ಇದೇ ಮೊದಲ ಬಾರಿ ಏನೂ ಅಲ್ಲ. ರಾಹುಲ್ ಗಾಂಧಿ ಕಾಂಗ್ರೆಸ್  ಅಧ್ಯಕ್ಷರಾದಾಗ ವಿಜ್ ಅವರು ರಾಹುಲ್ ಗಾಂಧಿ ಅವರನ್ನು ಕಾಂಗ್ರೆಸ್ ಅಧ್ಯಕ್ಷರನ್ನಾಗಿ ಮಾಡುವ ನಿರ್ಧಾರವನ್ನು ನಾನು ಸ್ವಾಗತಿಸುತ್ತೇನೆ. ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ಭಾರತವನ್ನು ಕಾಂಗ್ರೆಸ್  ಮುಕ್ತವಾಗಿಸುವುದಕ್ಕೆ ಇದು ಸಹಕಾರಿಯಾಗುತ್ತದೆ ಎಂದು ಹೇಳಿದ್ದರು. 

ಭಾರತೀಯಳಾಗಿ ಹುಟ್ಟಿದ್ದಕ್ಕೆ ನಾಚಿಕೆಯಾಗುತ್ತಿದೆ ಎಂದಾದರೆ ಮಮತಾ ಬ್ಯಾನರ್ಜಿ ಅವರು ಸಮುದ್ರಕ್ಕೆ ಹಾರಲಿ. ಕೊಲ್ಕತ್ತಾದಲ್ಲಿ ಸಮುದ್ರ ಹತ್ತಿರವೇ ಇದೆ, ಅಲ್ಲೇ ಹಾರಲಿ ಎಂದು ವಿಜ್ ಹೇಳಿದ್ದರು