ಹಿಂದುತ್ವ ಬಿಜೆಪಿ-ಶಿವಸೇನೆ ನಡುವಿನ ಸಮಾನ ಅಂಶ: ಮಹಾ ಮುಖ್ಯಮಂತ್ರಿ ದೇವೇಂದ್ರ ಫಡ್ನವೀಸ್

ಮಹಾರಾಷ್ಟ್ರದಲ್ಲಿ ಶಿವಸೇನೆ-ಬಿಜೆಪಿ ಮೈತ್ರಿ ಸರ್ಕಾರವಿದ್ದರೂ ಮಿತ್ರ ಪಕ್ಷಗಳ ನಡುವೆ ಎಲ್ಲವೂ ಸರಿ ಇಲ್ಲ ಎಂಬುದು ಈಗಾಗಲೇ ತಿಳಿದಿದೆ. ಹಗ್ಗ ಜಗ್ಗಾಟದ ನಡುವೆಯೇ ಮೈತ್ರಿ ಸರ್ಕಾರ ಮುಂದುವರೆಯುತ್ತಿದ್ದು, ಹಿಂದುತ್ವ ಬಿಜೆಪಿ-ಶಿವಸೇನೆ ನಡುವಿನ ಸಮಾನವಾಗಿರುವ ಬಂಧ ಎಂದು ಮಹಾರಾಷ್ಟ್ರ ಸಿಎಂ ದೇವೇಂದ್ರ ಫಡ್ನವೀಸ್ ಹೇಳಿದ್ದಾರೆ. 

ದಿ ನ್ಯೂ ಇಂಡಿಯನ್ ಎಕ್ಸ್ ಪ್ರೆಸ್ ಗೆ ನೀಡಿರುವ ಸಂದರ್ಶನದಲ್ಲಿ ಮಾತನಾಡಿರುವ ದೇವೇಂದ್ರ ಫಡ್ನವೀಸ್ ಬಿಜೆಪಿ-ಶಿವಸೇನೆ ನಡುವಿನ ಮಿತ್ರತ್ವ ಹಾಳಾಗಿದೆ ಎಂಬ ಆರೋಪಗಳನ್ನು ನಿರಾಕರಿಸಿದ್ದು, ಬಿಜೆಪಿ ಮೈತ್ರಿ ಮಾಡಿಕೊಳ್ಳದೇ ಶಿವಸೇನೆಗೆ ಬೇರೆ ಮಾರ್ಗವೇ ಇಲ್ಲ ಎಂದು ಫಡ್ನವೀಸ್ ಅಭಿಪ್ರಾಯಪಟ್ಟಿದ್ದಾರೆ. ಹಿಂದುತ್ವ ಶಿವಸೇನೆ-ಬಿಜೆಪಿಯ ಸಮಾನ ಅಂಶ ಆದ್ದರಿಂದ ಶಿವಸೇನೆ-ಬಿಜೆಪಿ ಮೈತ್ರಿಗೆ ಯಾವುದೇ ಧಕ್ಕೆ  ಇಲ್ಲ ಎಂದಿದ್ದಾರೆ. 

ಇದೇ ವೇಳೆ ಮಹಾರಾಷ್ಟ್ರವನ್ನು ಟ್ರಿಲಿಯನ್ ಡಾಲರ್ ಎಕಾನಮಿಯನ್ನಾಗಿ ಮಾಡುವುದು ರಾಜ್ಯದ ಕುರಿತು ತಮಗೆ ಇರುವ ದೂರದೃಷ್ಟಿ ಎಂದು ಫಡ್ನವೀಸ್ ಸಂದರ್ಶನದಲ್ಲಿ ಹೇಳಿದ್ದಾರೆ.