ಜಮ್ಮು-ಕಾಶ್ಮೀರಕ್ಕೆ ಪ್ರತ್ಯೇಕ ಸಂವಿಧಾನ ಸರಿಯಲ್ಲ: ಅಜಿತ್ ದೋವಲ್

ನವದೆಹಲಿ: ಜಮ್ಮು ಮತ್ತು ಕಾಶ್ಮೀರ ಪ್ರತ್ಯೇಕ ಸಂವಿಧಾನ ಹೊಂದಿರುವುದು ಸರಿಯಲ್ಲ ಎಂದು ರಾಷ್ಟ್ರೀಯ ಭದ್ರತಾ ಸಲಹೆಗಾರ ಅಜಿತ್ ದೋವಲ್ ಅವರು ಹೇಳಿದ್ದಾರೆ. 

ಸರ್ದಾರ್ ವಲ್ಲಭಭಾಯಿ ಪಟೇಲ್ ಅವರ ಬಗೆಗಿನ ಪುಸ್ತಕ ಬಿಡುಗಡೆ ಸಮಾರಂಭದಲ್ಲಿ ಮಾತನಾಡಿರುವ ಅವರು, ಸಾರ್ವಭೌಮತ್ವವನ್ನು ದುರ್ಬಲಗೊಳಿಸುವ ಹಾಗೂ ತಪ್ಪಾಗಿ ವ್ಯಾಖ್ಯಾನಿಸಲು ಸಾಧ್ಯವಿಲ್ಲ ಎಂದು ಹೇಳಿದ್ದಾರೆ. ಅಲ್ಲದೆ, ಬ್ರಿಟೀಷರು ನಮಮ ದೇಶ ಬಿಟ್ಟು ತೆರಳುವಾಗ ಪ್ರಾಯಶಃ ಅವರಿಗೆ ಭಾರತದ ಒಂದು ಬಲಿಷ್ಠ ಸಾರ್ವಭೌಮ ದೇಶವಾಗಿರುವುದು ಬೇಕಿರಲಿಲ್ಲ ಎಂದು ತಿಳಿಸಿದ್ದಾರೆ. 

ದೇಶದ ಐಕ್ಯತೆಗೆ ಧಕ್ಕೆ ತರಲು ಬ್ರಿಟೀಷರು ಬಿತ್ತಿದ್ದ ಬೀಜೆಗಳನ್ನು ಪಟೇಲ್ ಅವರು ನೋಡುವ ಶಕ್ತಿ ಹೊಂದಿದ್ದರು. ರಾಜ್ಯಗಳ ವಿಲೀನಗಳ ಬಗ್ಗೆ ಅವರ ಕೊಡುಗೆ ಒಂದು ನಿರ್ದಿಷ್ಠ ಉದ್ದೇಶ ಸಾಧಿಸುವ ಸಾಧವಾಗಿತ್ತು. ಜನರು ಸಾರ್ವಭೌಮರಾಗಿರುವ ಸಾರ್ವಭೌಮ ರಾಜ್ಯದ ಸ್ಥಾಪನೆಗೆ ಸಂವಿಧಾನ ಅನುವು ಮಾಡಿಕೊಟ್ಟಿದೆ. ಜಮ್ಮು ಮತ್ತು ಕಾಶ್ಮೀರ ವಿಚಾರದಲ್ಲಿ ಸಂವಿಧಾನ ಮೊಟಕುಗೊಂಡಿರುವ ರೂಪದಲ್ಲಿದೆ. ಇನ್ನೊಂದು ಸಂವಿಧಾನ ಅಸ್ತಿತ್ವದಲ್ಲಿರುವುದು ಮುಂದುವರೆದಿದೆ. ಇದು ವಿಫಥನ ಎಂದಿದ್ದಾರೆ. 

ಜಮ್ಮು ಮತ್ತು ಕಾಶ್ಮೀರಕ್ಕೆ ವಿಶೇಷ ಸ್ಥಾನಮಾನ ನೀಡುವ ಸಂವಿಧಾನದ 35-ಎ ವಿಧಿಯ ಕಾನೂನು ಬದ್ಧತೆಯನ್ನು ಪ್ರಶ್ನಿಸಿ ಸಲ್ಲಿಸಲಾಗಿರುವ ಅರ್ಜಿಗಳ ಮೇಲಿನ ವಿಚಾರಣೆಯನ್ನು ಸುಪ್ರೀಂಕೋರ್ಟ್ ನಡೆಸುತ್ತಿದ್ದು, ಈ ನಡುವಲ್ಲೇ ದೋವಲ್ ಅವರ ಹೇಳಿಗೆ ವಿವಾದಕ್ಕೆ ಕಾರಣವಾಗಿದೆ.