ಟ್ವಿಟರ್ ನಲ್ಲಿ ಯಡವಟ್ಟು: ರಾಜ್ಯ ಕಾಂಗ್ರೆಸ್ ಪ್ರಕಾರ ಇವರೇ ಲಾಲಾ ಲಜಪತ್ ರಾಯ್!

ಬೆಂಗಳೂರು: ಕಾಂಗ್ರೆಸ್ ಆಗಾಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಯಡವಟ್ಟು ಮಾಡಿಕೊಂಡು ಟೀಕೆಗೆ ಗುರಿಯಾಗುತ್ತಿರುತ್ತದೆ. ಈಗ ಅಂಥಹದ್ದೇ ಮತ್ತೊಂದು ಯಡವಟ್ಟನ್ನು ಮಾಡಿಕೊಂಡಿದೆ.

ಜ.28 ರಂದು ಲಾಲಾ ಲಜಪತ್ ರಾಯ್ ಅವರ ಜನ್ಮದಿನ. ಸ್ವಾತಂತ್ರ್ಯ ಹೋರಾಟಗಾರಾದ ಲಾಲ ಲಜಪತ್ ರಾಯ್ ಅವರ ಜನ್ಮದಿನದ ಅಂಗವಾಗಿ ಟ್ವೀಟ್ ಮಾಡಿರುವ ಕಾಂಗ್ರೆಸ್ ಪಕ್ಷ ಪೋಸ್ಟ್ ನಲ್ಲಿ ಲಜಪತ್ ರಾಯ್ ಅವರ ಫೋಟೋ ಬದಲು ಬಾಲಗಂಗಾಧರ ತಿಲಕ್ ಅವರ ಫೋಟೊ ಪ್ರಕಟಿಸಿ ಯಡವಟ್ಟು ಮಾಡಿಕೊಂಡಿತ್ತು. 

ತಕ್ಷಣವೇ ತಪ್ಪಿನ ಅರಿವಾಗಿ ಟ್ವೀಟ್ ನ್ನು ಡಿಲೀಟ್ ಮಾಡಿದ್ದು, ನಂತರ ಲಾಲಾ ಲಜಪತ್ ಅವರ ಚಿತ್ರವಿರುವ ಪೋಸ್ಟ್ ನ್ನೇ ಪ್ರಕಟಿಸಿದೆ. ಕಾಂಗ್ರೆಸ್ ನ ಯಡವಟ್ಟಿನ ಟ್ವೀಟ್ ಗೆ ಸಾಕಷ್ಟು ಟೀಕೆ ಬಂದಿತ್ತು.