ಬೆಂಗಳೂರು: ಶಾಲೆಗೆ ಹೋಗುತ್ತಿದ್ದ ವಿದ್ಯಾರ್ಥಿನಿ ಹಾಗೂ ವಿದ್ಯಾರ್ಥಿ ರಸ್ತೆ ಮಧ್ಯೆ ಅದ್ಭುತ ಸ್ಟಂಟ್ ಮಾಡಿರುವ ವಿಡಿಯೋ ಇದೀಗ ವೈರಲ್ ಆಗಿದೆ.
ಈ ವಿಡಿಯೋ ನೋಡಿದ ರೋಮಾನಿಯನ್ ನ ನಿವೃತ್ತ ಜಿಮ್ನಾಸ್ಟಿಕ್ ಸ್ಪರ್ಧಿ ನಾದಿಯಾ ಕೊಮಾನೆಸಿ ಫಿದಾ ಆಗಿದ್ದು ಈ ವಿಡಿಯೋವನ್ನು ಶೇರ್ ಮಾಡಿದ್ದಾರೆ.
ಟಿಕ್ ಟಾಕ್ ಉದ್ದೇಶಕ್ಕಾಗಿ ಈ ವಿಡಿಯೋವನ್ನು ಮಾಡಲಾಗಿದೆ. ವಿದ್ಯಾರ್ಥಿಗಳಿಬ್ಬರು ಸಮವಸ್ತ್ರದಲ್ಲಿ ನಡು ರಸ್ತೆಯಲ್ಲೇ ಕಠಿಣವಾದ ಜಿಮ್ನಾಸ್ಟಿಕ್ಸ್ ಅನ್ನು ಪ್ರದರ್ಶಿಸಿದ್ದರು.
ಈ ದೃಶ್ಯವನ್ನು ಎಲ್ಲಿ ವಿಡಿಯೋ ಮಾಡಲಾಗಿದೆ ಎಂಬುದು ತಿಳಿದುಬಂದಿಲ್ಲ. ಆದರೆ ವಿದ್ಯಾರ್ಥಿಗಳು ಮಾಡಿರುವ ಜಿಮ್ನಾಸ್ಟಿಕ್ಸ್ ಅಷ್ಟು ಸುಲಭವಲ್ಲ. ಸ್ವಲ್ಪ ಹೆಚ್ಚು ಕಡಿಮೆಯಾದರೂ ಜೀವ ಕಳೆದುಕೊಳ್ಳಬೇಕಾಗುತ್ತದೆ. ಅದರಲ್ಲೂ ಮುಂಜಾಗೃತ ಕ್ರಮವಿಲ್ಲದೆ ಮಾಡುವುದು ಅಪಾಯಕಾರಿ, ಅಂತಹುದರಲ್ಲಿ ಶಾಲಾ ಬ್ಯಾಗ್ ಧರಿಸಿಯೂ ಜಿಮ್ನಾಸ್ಟಿಕ್ಸ್ ಮಾಡಿರುವುದು ಸಾಹಸವೇ ಸರಿ.
