ಚಂಡೀಗಢ: ಇಷ್ಟುದಿನ ವೈದ್ಯಕೀಯ ಸಿಬ್ಬಂದಿ ಮತ್ತು ಜನ ಸಾಮಾನ್ಯರನ್ನು ಬಲಿ ಪಡೆಯುತ್ತಿದ್ದ ಮಹಾಮಾರಿ ಕೊರೋನಾ ವೈರಸ್ ಈಗ ಪೊಲೀಸ್ ಅಧಿಕಾರಿಯನ್ನೂ ಬಲಿ ಪಡೆದಿದ್ದು, ಲುಧಿಯಾನ ಸಹಾಯಕ ಪೊಲೀಸ್ ಆಯುಕ್ತರು(ಎಸಿಪಿ) ಕೊವಿಡ್-19 ನಿಂದ ಮೃತಪಟ್ಟಿದ್ದಾರೆ.
ಕಳೆದ 10 ದಿನಗಳಿಂದ ಕೊರೋನಾ ವೈರಸ್ ನಿಂದ ಬಳಲುತ್ತಿದ್ದ ಎಸಿಪಿ ಅನಿಲ್ ಕೊಹ್ಲಿ ಅವರು ಚಿಕಿತ್ಸೆ ಫಲಕಾರಿಯಾಗದೇ ಶನಿವಾರ ಮೃತಪಟ್ಟಿದ್ದಾರೆ.
ಏಪ್ರಿಲ್ ಮೊದಲ ವಾರದಲ್ಲಿ ಅನಿಲ್ ಕೊಹ್ಲಿ ಅವರಿಗೆ ಕೆಮ್ಮು ಮತ್ತು ಜ್ವರ ಕಾಣಿಸಿಕೊಂಡಿತ್ತು. ಏಪ್ರಿಲ್ 8ರಂದು ಎಸ್ ಪಿಎಸ್ ಆಸ್ಪತ್ರೆಗೆ ದಾಖಲಾಗಿದ್ದರು. ಮೊದಲ ಬಾರಿ ಅವರಿಗೆ ಕೊವಿಡ್-19 ನೆಗಟಿವ್ ಬಂದಿತ್ತು. ಆದರೆ ಎರಡನೇ ಬಾರಿ ಪರೀಕ್ಷೆ ನಡೆಸಿದಾಗ ಅವರಿಗೆ ಕೊವಿಡ್-19 ಪಾಸಿಟಿವ್ ದೃಢಪಟ್ಟಿತ್ತು.
ಅನಿಲ್ ಕೊಹ್ಲಿ ಅವರ ಸಂಪರ್ಕಕ್ಕೆ ಬಂದಿದ್ದ ಅವರ ಪತ್ನಿ, ಚಾಲಕ, ಪೊಲೀಸ್ ಪೇದೆ ಪ್ರಭಜೋತ್ ಸಿಂಗ್ ಮತ್ತು ಸಬ್ ಇನ್ಸ್ ಪೆಕ್ಟರ್ ಅರ್ಶೀತ್ ಕೌರ್ ಗ್ರೆವಾಲ್ ಅವರಿಗೆ ಈಗಾಗಲೇ ಕೊವಿಡ್-19 ಪಾಸಿಟಿವ್ ಪತ್ತೆಯಾಗಿದೆ.
Advertisement