ನವದೆಹಲಿ: ಚೀನಾ ಸರ್ಕಾರದ ಪರವಾಗಿ ಟ್ವೀಟ್ ಮಾಡುತ್ತಿದ್ದ ಬರೋಬ್ಬರಿ 1.7 ಲಕ್ಷ ಟ್ವಿಟರ್ ಖಾತೆಗಳನ್ನು ಟ್ವಿಟರ್ ಸಂಸ್ಥೆ ರದ್ದುಪಡಿಸಿದೆ.
ಚೀನಾದ ಕಮ್ಯುನಿಸ್ಟ್ ಪಕ್ಷದ ಪರವಾಗಿ ಭೌಗೋಳಿಕ ರಾಜಕೀಯ ಕುರಿತು ಟ್ವೀಟ್ ಮಾಡುತ್ತಿದ್ದ ಖಾತೆಗಳನ್ನು ರದ್ದುಪಡಿಸಲಾಗಿದೆ. ಈ ಖಾತೆಗಳು ಪ್ಲಾಟ್'ಫಾರ್ಮ್'ನ ನೀತಿ ಉಲ್ಲಂಘಿಸಿದ ಹಿನ್ನೆಲೆಯಲ್ಲಿ ಖಾತೆಗಳನ್ನು ರದ್ದುಪಡಿಸಲಾಗಿದೆ ಎಂದು ಟ್ವಿಟರ್ ತಿಳಿಸಿದೆ.
ರದ್ದುಪಡಿಸಲಾಗಿರುವ ಈ ಎಲ್ಲಾ 1.7 ಲಕ್ಷ ಖಾತೆಗಳಲ್ಲಿ ಚೀನಿ ಭಾಷೆಗಳಲ್ಲಿ ಟ್ವೀಟ್ ಮಾಡಲಾಗಿದೆ ಎಂದು ತಿಳಿದುಬಂದಿದೆ.
ಚೀನಾದಲ್ಲಿ ಟ್ವಿಟರ್ ನ್ನು ಅಧಿಕೃತವಾಗಿ ಸ್ಥಗಿತಗೊಳಿಸಲಾಗಿದೆ. ಆದರೂ ಅಲ್ಲಿನ ಹಲವರು ವಿಪಿಎನ್ ಬಳಸಿ ಟ್ವಿಟರ್ ಬಳಕೆ ಮಾಡುತ್ತಿದ್ದಾರೆ.
