ಪಾಟ್ನಾ: ಹೊಸದಾಗಿ ಮದುವೆ ಮಾಡಿಕೊಂಡು ಬಂದಿದ್ದ ಅಣ್ಣನ ಪತ್ನಿಯನ್ನೇ ಸಹೋದರ ಚಾಕುವಿನಿಂದ ಇರಿದು ಬರ್ಬರವಾಗಿ ಹತ್ಯೆ ಮಾಡಿದ್ದಾನೆ.
ತನಗೆ ಇನ್ನು ಮದುವೆಯಾಗಿಲ್ಲ ಎಂಬ ಕಾರಣಕ್ಕೆ 30 ವರ್ಷದ ಮನೋಜ್ ಎಂಬಾತ ತನ್ನ ಅಣ್ಣ ಎರಡನೇ ಮದುವೆ ಮಾಡಿಕೊಂಡು ಬಂದಿದ್ದ 34 ವರ್ಷದ ಮೀನಾ ದೇವಿಯನ್ನು ರಾತ್ರಿ ಮಲಗಿದ್ದ ಚಾಕುವಿನಿಂದ ಇರಿದು ಹತ್ಯೆ ಮಾಡಿದ್ದಾನೆ. ಈ ಘಟನೆ ಬಿಹಾರದ ಗೋಪಾಲಗಂಜ್ ನಲ್ಲಿ ನಡೆದಿದೆ.
ಆರೋಪಿ ಮನೋಜ್ ನ ಹಿರಿಯ ಸಹೋದರನಿಗೆ ಮದುವೆಯಾಗಿ ಮೊದಲ ಪತ್ನಿ ಮೃತಪಟ್ಟಿದ್ದರು. ಅವರಿಗೆ ಇಬ್ಬರು ಮಕ್ಕಳಿದ್ದರು. ಮಕ್ಕಳಿಬ್ಬರು ಚಿಕ್ಕವರಾಗಿದ್ದ ಕಾರಣ ಮೀನಾ ದೇವಿಯನ್ನು ಎರಡನೇ ಮದುವೆ ಮಾಡಿಕೊಂಡಿದ್ದರು.
ಇದರಿಂದ ಬೇಸತ್ತ ಮನೋಜ್ ತನಗೆ ಮದುವೆ ಮಾಡದೆ ಅಣ್ಣನಿಗೆ ಮದುವೆ ಮಾಡಿದ್ದಾರೆ ಎಂಬ ಕೋಪದಲ್ಲಿ ಈ ಕೃತ್ಯ ಎಸಗಿದ್ದಾನೆ.
Advertisement