ಕೋವಿಡ್ ಪ್ರಕರಣಗಳ ಹೆಚ್ಚಳ: ನಟ ಸುನೀಲ್ ಶೆಟ್ಟಿಗೆ ಸೇರಿದ ಕಟ್ಟಡ ಸೀಲ್ ಮಾಡಿದ ಬಿಎಂಸಿ

ಮುಂಬೈ: ಕೋವಿಡ್-19 ಪ್ರಕರಣಗಳ ಹೆಚ್ಚಳದಿಂದಾಗಿ ಬಾಲಿವುಡ್ ನಟ ಸುನೀಲ್ ಶೆಟ್ಟಿಯ ಕಟ್ಟಡವನ್ನು ಬೃಹನ್ ಮುಂಬೈ ಮುನ್ಸಿಪಲ್ ಕಾರ್ಪೋರೇಷನ್ ಸೀಲ್ ಮಾಡಿದೆ.

ದಕ್ಷಿಣ ಮುಂಬೈಯ ಅಲ್ಟಾಮೌಂಟ್ ರಸ್ತೆಯ ಪೃಥ್ವಿ ಅಪಾರ್ಟ್ ಮೆಂಟ್ ಕಟ್ಟಡದಲ್ಲಿ ಸುನೀಲ್ ಶೆಟ್ಟಿ ವಾಸಿಸುತ್ತಿದ್ದಾರೆ. ಆದರೆ, ಈ ಕಟ್ಟಡದಲ್ಲಿ 5ಕ್ಕಿಂತ ಹೆಚ್ಚಿನ ಸೋಂಕು ಪ್ರಕರಣಗಳು ಕಂಡುಬಂದ ಹಿನ್ನೆಲೆಯಲ್ಲಿ ಆ ಕಟ್ಟಡವನ್ನು ಬಿಎಂಸಿ ಸೀಲ್ ಮಾಡಿದೆ.

ಪೃಥ್ವಿ ಅಪಾರ್ಟ್ ಮೆಂಟ್ ಸೀಲ್ ಮಾಡಲಾಗಿದ್ದು, ಜನರಿಗೆ ಬರಲು ಅವಕಾಶ ಇರುವುದಿಲ್ಲ. ಈಗಿನಿಂದ ಕಟ್ಟಡದ ಹೊರಗಡೆ ಪೊಲೀಸರನ್ನು ನಿಯೋಜಿಸಲಾಗಿದೆ. ಆದ್ದರಿಂದ ಯಾವೊಬ್ಬ ವ್ಯಕ್ತಿಯನ್ನು ಕಟ್ಟಡದ ಹೊರಗಡೆಯ ಆವರಣಕ್ಕೆ ಕರೆಯುವುದಕ್ಕೆ ಆಗುವುದಿಲ್ಲ ಎಂದು ಬಿಎಂಸಿಯ ಸಹಾಯಕ ಕಮೀಷನರ್ ಪ್ರಶಾಂತ್ ಗಾಯಕ್ ವಾಡ್ ಸೋಮವಾರ ತಿಳಿಸಿದ್ದಾರೆ. 

ಪೃಥ್ವಿ ಅಪಾರ್ಟ್ ಮೆಂಟ್ ನ 18ನೇ ಅಂತಸ್ತಿನಲ್ಲಿ ನಟ ಸುನೀಲ್ ಶೆಟ್ಟಿಯ ಇಡೀ ಕುಟುಂಬ ವಾಸಿಸುತ್ತಿದೆ. ಈಗ ಸುನೀಲ್ ಶೆಟ್ಟಿಯ ಇಡೀ ಕುಟುಂಬ ಸುರಕ್ಷಿತವಾಗಿದೆ. ಅವರಿಗೆ ಏನೂ ಆಗಲ್ಲ. ಪರೀಕ್ಷಾ ವರದಿಗಾಗಿ ಕಾಯಲಾಗುತ್ತಿದೆ. ಬಿಎಂಸಿ ಮಾರ್ಗಸೂಚಿ ಅನ್ವಯ 5ಕ್ಕಿಂತ ಹೆಚ್ಚಿನ ಪ್ರಕರಣಗಳು ಕಂಡುಬಂದ ಯಾವುದೇ ಕಟ್ಟಡವನ್ನು ಸೂಕ್ಷ್ಮ ಕಂಟೈನ್ ಮೆಂಚ್ ವಲಯ ಎಂದು ಘೋಷಿಸಿ ಸೀಲ್ ಮಾಡಲಾಗುವುದು ಎಂದು ಗಾಯಕ್ ವಾಡ್ ಹೇಳಿದರು.