INTERVIEW | ಭಾರತ Quadನಿಂದ ಹೊರಬಂದು ಚೀನಾ ಜೊತೆಗೆ ಉತ್ತಮ ಸಂಬಂಧ ಹೊಂದಬೇಕು: ಅಮೆರಿಕಾ ಅರ್ಥಶಾಸ್ತ್ರಜ್ಞ ಜೆಫ್ರಿ ಸ್ಯಾಚ್ಸ್

ಟ್ರಂಪ್ ಅವರ ಸುಂಕಾಸ್ತ್ರ ಬಳಕೆ ಅಮೆರಿಕಾ ಸಂವಿಧಾನದ ವಿರುದ್ದವಾಗಿದೆ (ಅಂಕ 1, ಸೆಕ್ಷನ್ 8 ರಡಿ ತೆರಿಗೆಳನ್ನು ನಿಗದಿಸುವ ಅಧಿಕಾರವು ಅಧ್ಯಕ್ಷನಿಗೆ ಅಲ್ಲ, ಕಾಂಗ್ರೆಸ್‌ಗೆ ಮಾತ್ರವಿದೆ). ಈ ತೆರಿಗಳು ಅಮೆರಿಕದ ನ್ಯಾಯಾಲಯಗಳಿಂದ ರದ್ದುಗೊಳಿಸಬಹುದಾಗಿವೆ. ಟ್ರಂಪ್ ಅವರ ತೆರಿಗೆ ನೀತಿ ಅಮೆರಿಕದ ಆರ್ಥಿಕತೆಯನ್ನು ತೀವ್ರವಾಗಿ ಹಾನಿಗೊಳಿಸುತ್ತದೆ ಏಕೆಂದರೆ ಇದು ಅಮೆರಿಕಾವನ್ನು ಸ್ಪರ್ಧಾತ್ಮಕತೆಯಿಂದ ದೂರ ಮಾಡುತ್ತದೆ ಮತ್ತು ಅಮೆರಿಕಾದ ರಫ್ತುಗಳಿಗೆ ತಡೆದಂತೆ ಕಾರ್ಯನಿರ್ವಹಿಸುತ್ತದೆ. ಇದುವರೆಗೆ, ಈ ನೀತಿ ಜಾಗತಿಕ ಬಹುಪಕ್ಷೀಯ ವ್ಯವಸ್ಥೆಯನ್ನು ಹಾನಿಗೊಳಿಸುತ್ತಿದ್ದು, ವಿಶ್ವ ವಾಣಿಜ್ಯ ಸಂಸ್ಥೆಯ ಮೂಲತತ್ವಗಳನ್ನು ದುರ್ಬಲಗೊಳಿಸುತ್ತಿದೆ. ಏಕೈಕ ಪರೋಕ್ಷ ಲಾಭವೆಂದರೆ, ಅಮೆರಿಕಾದಲ್ಲಿ ಕಾನೂನಿಲ್ಲದ, ನಂಬಬಹುದಾದದ್ದಲ್ಲದ, ಭ್ರಷ್ಟ ರಾಜಕೀಯ ವ್ಯವಸ್ಥೆ ಹೊಂದಿದೆ ಎಂಬುದನ್ನು ಟ್ರಂಪ್ ಅವರು ವಿಶ್ವಕ್ಕೆ ತೋರಿಸುತ್ತಿದ್ದಾರೆ.

ಭಾರತದ ಸುರಕ್ಷತೆ ಬ್ರಿಕ್ಸ್ (BRICS) ಮತ್ತು ಯುಎನ್ ಚಾರ್ಟರ್ (UN Charter)ನಲ್ಲಿದೆ, ಅಮೆರಿಕಾದಲ್ಲಿ ಅಲ್ಲ. ಭಾರತವು ತನ್ನ ರಫ್ತು ಗಮ್ಯಸ್ಥಳಗಳನ್ನು ವಿಭಿನ್ನಗೊಳಿಸಬೇಕು, ಬ್ರಿಕ್ಸ್ ಜೊತೆ ಡಾಲರ್‌ ಹೊರತುಪಡಿಸಿದ ಪಾವತಿ ವ್ಯವಸ್ಥೆಗಳಲ್ಲಿ ಕೆಲಸ ಮಾಡಬೇಕು, ಭದ್ರತೆ ದೃಷ್ಟಿಯಿಂದ ಭಾರತ QUAD ನಿಂದ ಹೊರಬರಬೇಕು. ಚೀನಾ ಜೊತೆಗೆ ಸಂಬಂಧವನ್ನು ಗಟ್ಟಿಗೊಳಿಸಬೇಕು.

ಭಾರತ ಮತ್ತು ಚೀನಾ ವಿಶ್ವದಲ್ಲಿಯೇ ಅತೀ ಹೆಚ್ಚು ಜನಸಂಖ್ಯೆಯನ್ನು ಹೊಂದಿರುವ ರಾಷ್ಟ್ರಗಳಾಗಿವೆ. ವಿಶ್ವದ ಸುಮಾರು ಶೇ.40ರಷ್ಟು ಜನಸಂಖ್ಯೆಯನ್ನು ಎರಡು ರಾಷ್ಟ್ರಗಳು ಹೊಂದಿವ. ಪಾಶ್ಚಿಮಾತ್ಯ ದ್ವಂದ್ವ ಮಾನದಂಡಗಳ ಪ್ರಕಾರ ಜಗತ್ತನ್ನು ನಡೆಸುವ ಪಾಶ್ಚಿಮಾತ್ಯ ಭ್ರಮೆಗಳನ್ನು ಕೊನೆಗೊಳಿಸುವಲ್ಲಿ ಎರಡೂ ರಾಷ್ಟ್ರಗಳು ಒಂದೇ ರೀತಿಯ ಆಸಕ್ತಿಯನ್ನು ಹೊಂದಿವೆ. ಹೀಗಾಗಿ ಭಾರತ ಮತ್ತು ಚೀನಾ ದೀರ್ಘಕಾಲದ ಗಡಿಸಮಸ್ಯೆಗಳನ್ನು ಪರಿಹರಿಸಿಕೊಳ್ಳಬೇಕು. ಭಾರತ ವಿಶ್ವಸಂಸ್ಥೆ ಭದ್ರತಾ ಮಂಡಳಿಯ 6ನೇ ಶಾಶ್ವತ ಸದಸ್ಯ ರಾಷ್ಟ್ರವಾಗಲು ಚೀನಾ ಬಲವಾಗಿ ಬೆಂಬಲಿಸಬೇಕು. ಭಾರತ ವಿಶ್ವಸಂಸ್ಥೆಯ ಶಾಶ್ವತ ಸದಸ್ಯ ರಾಷ್ಟ್ರವಾದರೆ, ವಿಶ್ವಕ್ಕೆ ಅದರಲ್ಲೂ ಚೀನಾ ಅಪಾರ ಲಾಭವಾಗಲಿದೆ.

ಹೌದು. ಬ್ರಿಕ್ಸ್ ಅಮೆರಿಕಾದ ಪ್ರಭುತ್ವಕ್ಕೆ ಎಚ್ಚರಿಕೆಯಾಗಿದೆ, ನಾವೀಗ ಪಶ್ಚಿಮದ ಪ್ರಭುತ್ವದ ಜಗತ್ತಿನಲ್ಲಿ ಬದುಕುತ್ತಿಲ್ಲ. ಅಮೆರಿಕಾದ ಆ ದಿನಗಳು ಮುಗಿದಿವೆ ಎಂದು ನಾವು ಅರ್ಥಮಾಡಿಕೊಳ್ಳಬೇಕು. ಬ್ರಿಕ್ಸ್ ಯುಎನ್ ಚಾರ್ಟರ್ ಅಡಿಯಲ್ಲಿ ಕಾನೂನು ಆಡಳಿತದ ಆಧಾರದ ಮೇಲೆ ಬಹುಪಕ್ಷೀಯ ಜಗತ್ತನ್ನು ನಿರ್ಮಿಸಲು ಪ್ರಮುಖವಾಗಿದೆ, ಬ್ರಿಟಿಷ್ ಅಥವಾ ಅಮೆರಿಕ ಸಾಮ್ರಾಜ್ಯಗಳ ಇಚ್ಛೆಗಳ ಮೇಲಲ್ಲ.

ಹೌದು, ಡಾಲರ್ ಅಪನಗದೀಕರಣವಾಗಲಿದೆ ಎಂದು ಹೇಳುವುದಲ್ಲ. ಈಗಾಗಲೇ ಅದು ಆರಂಭವಾಗಿದೆ. ಮುಂದಿನ 10 ವರ್ಷಗಳಲ್ಲಿ, ಅಂತರರಾಷ್ಟ್ರೀಯ ವ್ಯಾಪಾರ, ಪಾವತಿಗಳು, ವಹಿವಾಟು ಮತ್ತು ಹಣಕಾಸಿನಲ್ಲಿ ಡಾಲರ್ ಬಹಳ ಕಡಿಮೆ ಪಾತ್ರ ವಹಿಸಲಿದೆ. ಬ್ರಿಕ್ಸ್ ಈ ಪ್ರಕ್ರಿಯೆಯನ್ನು ವೇಗಗೊಳಿಸಬೇಕು. ಏಕೆಂದರೆ ಅಮೆರಿಕಾ ತನ್ನ ಡಾಲರ್ ಅನ್ನು ವಿದೇಶಾಂಗ ನೀತಿಯ ಆಯುಧವಾಗಿ ದುರುಪಯೋಗ ಮಾಡಿಕೊಂಡಿದೆ. ಇದು ಅಮೆರಿಕ ವಿದೇಶಾಂಗ ನೀತಿಯ ಗಂಭೀರ ತಪ್ಪಾಗಿದ್ದು, ಆ ತಪ್ಪು ಮುಂದುವರೆಯುತ್ತಲೇ ಇದೆ.

ಇಲ್ಲ. ಚೀನಾ-ಭಾರತ-ಆಫ್ರಿಕನ್ ಒಕ್ಕೂಟದ ಸಂಬಂಧವು ಅತ್ಯಂತ ಪ್ರಮುಖ ಸಂಬಂಧವಾಗಿರುತ್ತದೆ. ನ್ಯಾಯಯುತ, ಸುಸ್ಥಿರ, ಎಲ್ಲರನ್ನೂ ಒಳಗೊಂಡ ಮತ್ತು ಸುರಕ್ಷಿತ ಜಗತ್ತನ್ನು ನಿರ್ಮಿಸಲು ಈ ಮೂರು ಪ್ರಬಲ ರಾಷ್ಟ್ರಗಳು ನಿಕಟವಾಗಿ ಸಹಕರಿಸಬೇಕಾಗಿದೆ. ವಿಶ್ವ ಜನಸಂಖ್ಯೆಯಲ್ಲಿ ಅಮೆರಿಕಾ ಪಾಲ ಕೇವಲ 4.1 ಪ್ರತಿಶತದಷ್ಟು ಮಾತ್ರ ಇದೆ. ಆರ್ಥಿಕತೆ ಕೊಡುಗೆ ಶೇ.14ರಷ್ಟಿದೆ. ಭಾರತಕ್ಕೆ ಇತರೆ ರಾಷ್ಟ್ರಗಳಿರುವಂತೆ ಅಮೆರಿಕಾ ಕೂಡ ಪ್ರತಿಸ್ಪರ್ಧಿ ರಾಷ್ಟ್ರವಷ್ಟೇ. ಪ್ರಮುಖ ರಾಷ್ಟ್ರವಲ್ಲ.

ಅಮೇರಿಕಾ ಸರ್ಕಾರ ಭಾರತವನ್ನು ಚೀನಾದ ಬದಲಾಗಿ ಅಮೆರಿಕದ ಮೌಲ್ಯ ಸರಣಿಗಳಲ್ಲಿ ಇರಿಸಲು ಎಂದಿಗೂ ಅನುಮತಿಸುವುದಿಲ್ಲ. ಅಮೇರಿಕಾ ಬಹಿರಂಗವಾಗಿ ರಕ್ಷಣಾತ್ಮಕ ಧೋರಣೆ ತೆಗೆದುಕೊಂಡಿದೆ, ಭಾರತದ ರಫ್ತು ಅಮೇರಿಕಾಕ್ಕೆ ಹೆಚ್ಚಾದರೆ,ಚೀನಾದ ರಫ್ತುಗಳನ್ನು ನಿಲ್ಲಿಸಿದಂತೆ ಭಾರತದ ರಫ್ತನ್ನೂ ನಿಲ್ಲಿಸುತ್ತದೆ. ಇದಕ್ಕೆ ಅಮೆರಿಕಾ ಶೇ.50 ತೆರಿಗೆ ಹೇರಿರುವುದು ಪಾಠವೇ ಆಗಿದೆ.

ಯಾವುದೇ ಅಂತರರಾಷ್ಟ್ರೀಯ ಸುವ್ಯವಸ್ಥೆ ಇಲ್ಲ. ಅದು ಕೇವಲ ಅಮೆರಿಕಾದ ಕ್ಷುಲ್ಲಕ ಘೋಷಣೆಯಷ್ಟೇ. ಅಲ್ಲಿ ಅಮೆರಿಕಾ ಪ್ರಾಬಲ್ಯವು 800 ವಿದೇಶಿ ಮಿಲಿಟರಿ ನೆಲೆಗಳು, ಸಿಐಎ ನೇತೃತ್ವದ ಆಡಳಿತ-ಬದಲಾವಣೆ ಕಾರ್ಯಾಚರಣೆಗಳು, ಏಕಪಕ್ಷೀಯ ನಿರ್ಬಂಧಗಳು, ಡಾಲರ್‌ನ ಶಸ್ತ್ರಾಸ್ತ್ರೀಕರಣ, ಗಾಜಾದಲ್ಲಿ ನರಮೇಧದಲ್ಲಿ ಯುಎಸ್ ಭಾಗವಹಿಸುವಿಕೆ ಮತ್ತು ಅಧಿಕಾರ ದುರುಪಯೋಗಗಳನ್ನು ಆಧರಿಸಿದೆ. ಯುಎಸ್ ಶಕ್ತಿ ಕ್ಷೀಣಿಸುತ್ತಿದೆ. ನಾವು ಈಗಾಗಲೇ ಬಹುಧ್ರುವೀಯ ಜಗತ್ತನ್ನು ತಲುಪಿದ್ದೇವೆ, ಭಾರತ, ಚೀನಾ, ರಷ್ಯಾ ಮತ್ತು ಅಮೆರಿಕ ಎಲ್ಲವೂ ಮಹಾನ್ ಶಕ್ತಿ ರಾಷ್ಟ್ರಗಳಾಗಿವೆ. ಇದರ ಜೊತೆಗೆ ನಮಗೆ ಬೇಕಾಗಿರುವುದು ಹುಪಕ್ಷೀಯ ಜಗತ್ತು, ಇದು ವಿಶ್ವಸಂಸ್ಥೆ ಭದ್ರತಾ ಮಂಡಳಿಯ ಅಡಿಯಲ್ಲಿ ಕಾರ್ಯನಿರ್ವಹಿಸುತ್ತದೆ. ವಿಶ್ವಸಂಸ್ಥೆಯ ಭದ್ರತಾ ಮಂಡಳಿಯ ಖಾಯಂ ಸದಸ್ಯನಾಗಿ ಭಾರತದ ಪಾತ್ರ ಸೇರಿದಂತೆ ವಿಶ್ವಸಂಸ್ಥೆಯ ಪ್ರಮುಖ ಸುಧಾರಣೆಗಳೊಂದಿಗೆ ಕಾರ್ಯನಿರ್ವಹಿಸುತ್ತದೆ.

ಹೌದು, ಆದರೆ, ಈಗಲೇ ಅಲ್ಲ. ವ್ಯಾಪಾರ ಯುದ್ಧಗಳ ವೆಚ್ಚವು ಬಹುಶಃ 5-10 ವರ್ಷಗಳ ಅವಧಿಯಲ್ಲಿ ಅಮೆರಿಕದ ಆರ್ಥಿಕತೆಯನ್ನು ದುರ್ಬಲಗೊಳಿಸುತ್ತದೆ. ಜಾಗತಿಕ ಇಂಧನ ಪರಿವರ್ತನೆಯಲ್ಲಿ ಅಮೆರಿಕ ತನ್ನ ಪಾತ್ರವನ್ನು ತ್ಯಜಿಸುತ್ತಿದೆ, ನವೀಕರಿಸಬಹುದಾದ ಇಂಧನ ಮತ್ತು ವಿದ್ಯುತ್ ವಾಹನಗಳನ್ನು ಇದಕ್ಕೆ ಉದಾಹರಣೆಯಾಗಿ ನೋಡಬಹುದು.

ಪರ್ಸನಲ್ ಕೆಮಿಸ್ಟ್ರಿಯಿಂದ ಯಾವುದೇ ಉಪಯೋಗವಿಲ್ಲ. ಅಮೆರಿಕದೊಂದಿಗೆ ಇರುವುದರಿಂದ ಭಾರತಕ್ಕೆ ಯಾವುದೇ ರೀತಿಯ ಲಾಭವಾಗುವುದಿಲ್ಲ. ಕ್ವಾಡ್‌ನಂತಹ ಮೈತ್ರಿ ರಾಜಕೀಯ (soft alliance politics)ಗಳು ಭಾರತದ ಹಿತಾಸಕ್ತಿಗಳಿಗೆ ಹಾನಿಕಾರಕವಾಗಬಹುದು. ಚೀನಾವನ್ನು ನಿಗ್ರಹಿಸಲು ಅಮೆರಿಕಾದ ವ್ಯರ್ಥ ಮತ್ತು ಹಾನಿಕಾರಕ ಪ್ರಯತ್ನದಲ್ಲಿ ಅಮೆರಿಕಾ ಪರ ಇರದೆ, ರಷ್ಯಾ, ಅಮೆರಿಕ, ಚೀನಾ, ಆಫ್ರಿಕನ್ ಒಕ್ಕೂಟ ಮತ್ತು ಯುರೋಪಿಯನ್ ಒಕ್ಕೂಟ ಸೇರಿದಂತೆ ಎಲ್ಲಾ ಪ್ರಮುಖ ಶಕ್ತಿಗಳೊಂದಿಗೆ ಸಮಾನ ಹಾಗೂ ಸಮಪಾಲು ಸಂಬಂಧಗಳನ್ನು ಬೆಳೆಸುವುದನ್ನು ಭಾರತ ತನ್ನ ಗುರಿಯಾಗಿಸಿಕೊಳ್ಳಬೇಕು. ಅಮೆರಿಕಾ ತನ್ನ ಊಹಾತೀತ ಪ್ರಭುತ್ವವನ್ನು ಉಳಿಸಿಕೊಳ್ಳಲು ತಪ್ಪು ಪ್ರಯತ್ನ ಮಾಡುತ್ತಿದೆ. ಅದು ಭಾರತಕ್ಕೆ ಯಾವುದೇ ರೀತಿಯ ಲಾಭವಲ್ಲ. ಭಾರತವು ಅಮೆರಿಕಾದ ಗರ್ವ ಮತ್ತು ಭ್ರಮೆಯ ಆಟಕ್ಕೆ ಬಲಿಯಾಗಬಾರದು.