ಕಾನ್ಪುರ: ‘ಕಚ್ಚಾ ಬಾದಾಮ್’ ಹಾಡಿನ ಮೂಲಕ ದೇಶಾದ್ಯಂತ ಜನಪ್ರಿಯತೆ ಗಳಿಸಿದ್ದ ಸಾಮಾಜಿಕ ಜಾಲತಾಣದ ತಾರೆ ಹಾಗೂ ನಟಿ ಅಂಜಲಿ ಅರೋರಾ ಇದೀಗ ಮತ್ತೊಂದು ವಿವಾದದಲ್ಲಿ ಸಿಲುಕಿದ್ದಾರೆ.
ಇತ್ತೀಚೆಗೆ ಕಾನ್ಪುರದಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ನಡೆದ ದಾಂಡಿಯಾ ಕಾರ್ಯಕ್ರಮದಲ್ಲಿ ಡಿಜೆ ‘ಕಚ್ಚಾ ಬಾದಾಮ್’ ಹಾಡು ಹಾಕಿದ್ದಕ್ಕೆ ನಟಿ ಆಕ್ಷೇಪ ವ್ಯಕ್ತಪಡಿಸಿ ಕೋಪಗೊಂಡು ವೇದಿಕೆಯಿಂದ ಹೊರ ನಡೆದಿದ್ದ ನಚಿ ಅಂಜಲಿ ಆರೋರಾ ವಿರುದ್ಧ ಇದೀಗ ಆಯೋಜಕರು ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಅಲ್ಲದೆ ಈ ಘಟನೆಗೆ ಸಂಬಂಧಿಸಿದಂತೆ ಕಾರ್ಯಕ್ರಮ ಆಯೋಜಕರು ಅವರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುವ ಎಚ್ಚರಿಕೆ ನೀಡಿದ್ದಾರೆ.
ಸಾಮಾಜಿಕ ಜಾಲತಾಣಗಳಲ್ಲಿ ಈ ಘಟನೆಯ ವಿಡಿಯೋ ಹರಿದಾಡುತ್ತಿದ್ದು, ವಿಡಿಯೋದಲ್ಲಿ ಅಂಜಲಿ ಅರೋರಾ ವೇದಿಕೆಯಲ್ಲಿರುವಾಗ ಡಿಜೆ ‘ಕಚ್ಚಾ ಬಾದಾಮ್’ ಹಾಡನ್ನು ಹಾಕುತ್ತಾರೆ. ಇದರಿಂದ ಅಸಮಾಧಾನಗೊಂಡ ನಟಿ ಡಿಜೆ ಬಳಿ ತೆರಳಿ ಕೂಗಾಡುತ್ತಿರುವುದು ಕಂಡುಬಂದಿದೆ.
‘ಇದು ಪಬ್ಲಿಸಿಟಿ ಸ್ಟಂಟ್‌’ ಎಂದ ಆಯೋಜಕರು
ನಟಿಯ ವರ್ತನೆಯ ಬಗ್ಗೆ ಸುದ್ದಿಗಾರರೊಂದಿಗೆ ಮಾತನಾಡಿರುವ ಕಾರ್ಯಕ್ರಮದ ಆಯೋಜಕರು, ಇದು ಅಂಜಲಿ ಅರೋರಾ ಅವರ ಪ್ರಚಾರದ ತಂತ್ರವಾಗಿತ್ತು ಎಂದು ಆರೋಪಿಸಿದ್ದಾರೆ.
“ಪ್ರತಿಯೊಬ್ಬ ಕಲಾವಿದರಿಗೂ ವೇದಿಕೆಯ ಗೌರವದ ಅರಿವಿರುತ್ತದೆ. ಯಾವುದೇ ಸಮಸ್ಯೆ ಇದ್ದಿದ್ದರೆ, ಕಾರ್ಯಕ್ರಮದ ಬಳಿಕ ನಿರ್ವಹಣಾ ತಂಡದೊಂದಿಗೆ ಕುಳಿತು ಚರ್ಚಿಸಿ ಬಗೆಹರಿಸಿಕೊಳ್ಳಬಹುದಿತ್ತು” ಎಂದು ಆಯೋಜಕರು ಹೇಳಿದ್ದಾರೆ ಎನ್ನಲಾಗಿದೆ.
ಲಕ್ಷಾಂತರ ರೂ. ಕೊಟ್ಟು ಕರೆಸಿದರೆ 15 ನಿಮಿಷದಲ್ಲೇ ವೇದಿಕೆ ಬಿಟ್ಟು ಹೋದ್ಲು
ಕಾರ್ಯಕ್ರಮದಲ್ಲಿ ಪ್ರದರ್ಶನ ನೀಡಲು ನಟಿಗೆ ಲಕ್ಷಾಂತರ ರೂಪಾಯಿ ಸಂಭಾವನೆ ನೀಡಿ ಆಹ್ವಾನಿಸಲಾಗಿತ್ತು. ಆದರೆ, ಈ ಗಲಾಟೆಯ ಬಳಿಕ ಅವರು ಕೇವಲ 15 ನಿಮಿಷಗಳಲ್ಲೇ ವೇದಿಕೆ ತೊರೆದು ತೆರಳಿದರು ಎಂದು ಆಯೋಜಕರು ಆರೋಪಿಸಿದ್ದಾರೆ.
ನಟಿಯ ವರ್ತನೆಯಿಂದ ಅಸಮಾಧಾನಗೊಂಡಿರುವ ಆಯೋಜಕರು, ಅವರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುವುದಾಗಿ ಎಚ್ಚರಿಕೆ ನೀಡಿದ್ದಾರೆ. ಆದರೆ, ಈ ಆರೋಪಗಳ ಕುರಿತು ಅಂಜಲಿ ಅರೋರಾ ಅವರ ಪ್ರತಿಕ್ರಿಯೆ ಲಭ್ಯವಿದೆಯೇ ಎಂಬುದು ವರದಿಯಲ್ಲಿ ಸ್ಪಷ್ಟವಾಗಿಲ್ಲ.
ಸೀತೆಯ ಪಾತ್ರ ನಿರ್ವಹಿಸಿದ್ದಕ್ಕೆ ಟೀಕೆ ಎದುರಿಸಿದ್ದ ನಟಿ
‘ಕಚ್ಚಾ ಬಾದಾಮ್’ ಹಾಡಿಗೆ ನೃತ್ಯ ಮಾಡುವ ಮೂಲಕ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಜನಪ್ರಿಯತೆ ಗಳಿಸಿದ್ದ ಅಂಜಲಿ ಅರೋರಾ ಇತ್ತೀಚೆಗೆ ‘ಮಹಾಕಾವ್ಯ ಶ್ರೀ ರಾಮಾಯಣ ಕಥಾ’ ಚಿತ್ರದ ಮೂಲಕ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡಿದ್ದರು. ಸೆಪ್ಟೆಂಬರ್‌ 25ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದ ಈ ಸಿನಿಮಾದಲ್ಲಿ ಅವರು ಸೀತೆಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಶ್ರೀರಾಮನ ಪಾತ್ರವನ್ನು ದೇವ್‌ ಶರ್ಮಾ ನಿರ್ವಹಿಸಿದ್ದರು.
ಸೀತೆಯ ಪಾತ್ರ ನಿರ್ವಹಿಸಿದ್ದಕ್ಕೆ ಅಂಜಲಿ ಅರೋರಾ ಟೀಕೆಗೂ ಗುರಿಯಾಗಿದ್ದರು. ಇದಕ್ಕೆ ಪ್ರತಿಕ್ರಿಯಿಸಿದ್ದ ಅವರು, “ನಾನು ಈ ಹಿಂದೆ ನೃತ್ಯ ಮಾಡುತ್ತಿದ್ದೆ ಎಂಬ ಕಾರಣಕ್ಕೆ ಸೀತೆಯ ಪಾತ್ರವನ್ನು ಹೇಗೆ ಮಾಡಬಹುದು ಎಂದು ಪ್ರಶ್ನಿಸಿ ಟ್ರೋಲ್‌ ಮಾಡಲಾಯಿತು” ಎಂದು ಹೇಳಿದ್ದರು.
ಇದೀಗ ಕಾನ್ಪುರದ ಕಾರ್ಯಕ್ರಮದಲ್ಲಿ ನಡೆದಿರುವುದಾಗಿ ಹೇಳಲಾದ ಘಟನೆ ಮತ್ತೆ ಅವರ ಹೆಸರು ಚರ್ಚೆಗೆ ಬರುವಂತೆ ಮಾಡಿದೆ. ಆದರೆ, ಆಯೋಜಕರು ಮಾಡಿರುವ ಪಬ್ಲಿಸಿಟಿ ಸ್ಟಂಟ್‌ ಆರೋಪ ಇನ್ನೂ ಅವರ ಹೇಳಿಕೆಯಾಗಿದ್ದು, ಈ ಕುರಿತು ನಟಿಯ ಪ್ರತಿಕ್ರಿಯೆ ಮತ್ತು ಮುಂದಿನ ಕಾನೂನು ಬೆಳವಣಿಗೆಗಳು ಕುತೂಹಲ ಮೂಡಿಸಿವೆ.
